Վիրահատությունից հետո Ազնավուրին դուրս են գրել հիվանդանոցից

ԵՐԵՎԱՆ, 15 ՄԱՅԻՍԻ, Times.am: Ֆրանսիահայ շանսոնյե Շառլ Ազնավուրը, ով մայիսի 12-ին ընկնելու հետևանքով վնասել էր ուսոսկրը և վիրահատվել, մայիսի 14-ին դուրս Է գրվել փարիզյան հիվանդանոցից: Ինչպես հայտնել Է France Info պորտալը, 93-ամյա երգիչը հիվանդանոցից դուրս Է եկել վիրակապված ձախ ձեռքով: Ֆիքսող սարքը Ազնավուրը պետք Է կրի մինչեւ ամսվա վերջը:

Ազնավուրը Ֆրանիսիայի հարավի Նիմ քաղաքում հոսպիտալացվել Էր այն բանից հետո, երբ ընկել Էր Ֆրանսիայի հարավ-արեւելքի Մուրիես կոմունայում գտնվող իր տանը: Ինչպես հիշեցնում Է ՌԻԱ Նովոստին, ապրիլի վերջին Ազնավուրն անբավարար ինքնազգացողության պատճառով չեղյալ Էր հայտարարել իր ելույթները Ռուսաստանում: Դրանից հետո նա վերադարձել Էր Փարիզ, եւ նրա վիճակը լավացել Էր: