AM | RU
USD
EUR
RUB

ՀՀ փոխարտգործնախարարը Մամեդյարովին հիշեցրել է հայերի նկատմամբ ԴԱԷՇ-ի ոճով կատարված հանցանքների մասին

 
 

ԵՐԵՎԱՆ, 15 ՄԱՅԻՍԻ, Times.am: Հայաստանի ԱԳ նախարարի տեղակալ Աշոտ Հովակիմյանը մայիսի 14-ին Բրյուսելում մասնակցեց Բելգիայի և Լիբանանի համանախագահությամբ Բելգիայի կառավարության կողմից կազմակերպված «Էթնիկ և կրոնական բռնության զոհերը Մերձավոր Արևելքում» խորագրով միջազգային նախարարական խորհրդաժողովին: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:

Խորհրդաժողովին մասնակցում էին բազմաթիվ երկրների արտաքին գործերի նախարարներ և փոխնախարարներ, միջազգային կազմակերպությունների ղեկավարներ, կրոնական և էթնիկ համայնքների ներկայացուցիչներ, հակաահաբեկչական, մարդասիրական ու մարդու իրավունքների գործակալությունների և կենտրոնների ներկայացուցիչներ։ Բացման խոսքով հանդես եկան Բելգիայի փոխվարչապետ, արտաքին գործերի նախարար Դիդիե Ռեյնդերսը և Լիբանանի արտաքին գործերի և էմիգրացիայի նախարար Ջեբրան Բասսիլը։

Իր ելույթում Աշոտ Հովակիմյանն անդադարձավ Սիրիայում և Իրաքում ԴԱԷՇ և Ալ Նուսրա ահաբեկչական կազմակերպությունների կողմից կրոնական և էթնիկ խմբերի, մասնավորաես, քրիստոնյաների նկատմամբ իրականացված բռնություններին և զանգվածային ջարդերին: Փոխնախարարն ընդգծեց, որ Հայաստանն առաջին երկրների շարքում էր, որոնք դատապարտեցին այդ ահաբեկչական կազմակերպությունների կողմից քաղաքացիական բնակչության, այդ թվում՝ քրիստոնյաների և այլ կրոնական խմբերի ներկայացուցիչների նկատմամբ իրականացված զանգվածային կոտորածները: Նախարարի տեղակալը տեղեկացրեց նաև, որ Հայաստանի և գործընկերների կողմից ՄԱԿ-ի և ԵԱՀԿ-ի շրջանակներում այս թեմայի շուրջ կազմակերպվել են մի շարք բարձր մակարդակի միջազգային միջոցառումներ:

Այս համատեքստում նախարարի տեղակալ Հովակիմյանն առաձնացրեց Իրաքի եզդի համայնքի ներկայացուցիչների զանգվածային ոչնչացման փորձը՝ որպես ահաբեկչության չարիքի տարածման աղաղակող օրինակ: Նա հիշատակեց, որ ընթացիկ տարվա հունվարին Հայաստանի խորհրդարանը պաշտոնապես ճանաչել և խստորեն դատապարտել է եզդիների ցեղասպանությունը ահաբեկչական խմբավորումների կողմից՝ այսպիսով շեշտադրելով Հայաստանի անվերապահ հանձնառությունը ցեղասպանություների և մարդկության դեմ այլ հանցագործությունների կանխարգելման պայքարը շարունակելու գործում:

Նախարարի տեղակալն ընդգծեց, որ վերջին շրջանում ԴԱԷՇ-ը, Ալ Նուսրան և այլ ահաբեկչական խմբավորումները հիմնականում ջախջախվել են, սակայն այդ չարիքի իսպառ վերացման նպատակով անհրաժեշտ է միջազգային հանրության միասնական ջանքերի կրկնապատկումը: Աշոտ Հովակիմյանը նաև նշեց, որ ներկայումս լուրջ խնդիր է Մերձավոր Արևելքից օտարերկրա ահաբեկիչ մարտիկների վերադարձը մեր տարածաշրջան, ինչը կարող է հանգեցնել հակամարտությունների գոտիներում իրավիճակի սրման, քանի որ վերադարձող ահաբեկիչները ներմուծում են իրենց ծայրահեղական գաղափարները և բռնության գործելաոճը՝ նպաստելով հասարակությունների արմատականացմանը:

Աշոտ Հովակիմյանը նշեց, որ բռնության տարածումը Մերձավոր Արևելքում մեծ վնաս է հասցրել տարածաշրջանի հայ համայնքներին, որոնց ներկայացուցիչներից շատերը զոհվել են ահաբեկչական գործողությունների ընթացքում, վնասվել և ոչնչացվել են հայկական բնակավայրեր, եկեղեցիներ, դպրոցներ և մշակութային հաստատություններ: Արդյունքում, Օսմանյան Թուրքիայի կողմից հայերի դեմ իրականացված ցեղասպանությունից մեկ դար անց հայերը կրկին հարկադրված են լքել իրենց բնակավայրերը:

Ի պատասխան Ադրբեջանի ԱԳ նախարար Էլմար Մամեդյարովի ելույթի՝ Աշոտ Հովակիմյանը հիշատակեց Ադրբեջանի կողմից այլատյացության հողի վրա հայերի նկատմամբ ԴԱԷՇ-ի ոճով կատարված հանցանքների մասին՝ կեղծ և անհիմն որակելով ԼՂ հիմնահարցի կապակցությամբ Ադրբեջանի ԱԳ նախարարի կողմից հնչեցված մոտեցումները: Նա նշեց նաև, որ խստորեն դատապարտելի են Ադրբեջանի իշխանություննների կողմից բարձրագույն պետական մակարդակով իրականացվող՝ ատելության հողի վրա հանցանքների արդարացման և ոճրագործների հերոսացման քաղաքականությունը, բռնությունների և ահաբեկչության հովանավորությունը պետության կողմից և պետական մակարդակով ռազմատենչ հռետորաբանությունը:

Խորհրդաժողովի շրջանակներում փոխնախարար Հովակիմյանը շփումներ և քննարկումներ ունեցավ մի շարք երկրների ԱԳ նախարարների և միջազգային կազմակերպությունների ղեկավարների հետ:

Լրահոս
Եթե պատրաստ եք ձեր քայլը կատարել, եկեք Հայաստան, հարստացեք և հարստացրեք ուրիշներին. Փաշինյան Միացյալ Թագավորությունը վավերացրել է ՀՀ-ԵՄ Համապարփակ և ընդլայնված գործընկերության համաձայնագիրը Արմեն Սարգսյանը ցավակցական հեռագիր է հղել Մեքսիկայի նախագահին Գերմանիան ռեկորդային թվով միգրանտների է արտաքսել ԵՄ այլ երկրներ Արթուր Գրիգորյանն ազատվել է բնապահպանության և ընդերքի տեսչական մարմնի ղեկավարի պաշտոնից Հայաստանում հեղուկ գազի դեֆիցիտ է ԵԽԽՎ-ն փոխնախագահներ է ընտրել Պետնախարարն այցելել է Քաշաթաղի շրջանի հյուսիսային թև Ռոբերտ Քոչարյանի կալանքն այլընտրանքային խափանման միջոցը գրավով փոխարինելու մասին միջնորդությունը մերժվել է Արտախորհրդարանական ընդդիմությունը կարող է ուժեղանալ ու ազդել պրոցեսների վրա. Տիգրան Քոչարյան Չինաստանի տնտեսությունն աշխարհում երկրորդն է Երիտասարդը մուտք է գործել «ՍԱՍ» սուպերմարկետ և զենքի սպառնալիքով գումար պահանջել Մեյը կարող է ԵՄ-ի հետ գործարքից հանել Իռլանդիայի հետ սահմանին վերաբերող դրույթը. Sky News Ռուսաստանը չի մասնակցի Վարշավայում Մերձավոր Արեւելքի շուրջ կազմակերպվող հանդիպմանը Էդուարդ Շարմազանով.«Հերիք չի՞ աճպարարությամբ զբաղվեք, մինչեւ ե՞րբ եք մանիպուլյացիա անելու» «Լուսավոր Հայաստանը» շրջանառության մեջ է դրել 3 օրենսդրական նախագիծ Հայաստանը Բելառուսի համար եղել և մնում է հուսալի գործընկեր. Ալեքսանդր Լուկաշենկո Մինսկը պատրաստ է գործակցել Արեւմուտքի եւ Արեւելքի հետ. Լուկաշենկո Հանրապետությունում օդի ջերմաստիճանը կբարձրանա 4-5 աստիճանով Վահան Արծրունին ընտրվեց բժշկական համալսարանի հոգաբարձուների խորհրդի նախագահ Մեկնարկող ԵԽԽՎ նստաշրջանին Հայաստանը կմասնակցի պատվիրակության նոր կազմով Էրդողանը և Թրամփը պայմանավորվել են արագացնել Սիրիայի հարցով բանակցությունները ԲՀԿ-ական պատգամավորը մարզպետների պարգևատրումը կասկածելի է համարում Արցախում ճանապարհատրանսպորտային պատահարից զոհվել է 3 քաղաքացի Մեյը խորհրդարանին կներկայացնի Brexit-ի «Բ պլանը» ՀՀ տարածքում կան դժվարանցանելի և փակ ավտոճանապարհներ ՕՐՎԱ ԽՈՐՀՈՒՐԴԸ: Հունվարի 21 Դոնալդ Թրամփի և Կիմ Չեն Ընի երկրորդ հանդիպումը կկայանա փետրվարի վերջին Վարդենյաց լեռնանցքը դժվարանցանելի է Պետք է հարգել ժողովրդի ընտրությունը. Մերկելը Brexit-ի հետ կապված հայտարարություն է արել Փարիզում «դեղին բաճկոնների» ակցիայի 12 մարդ է ձերբակալվել ԵԱՏՄ անդամ երկրների վարչապետերը կքննարկեն գազի տարանցման գնի ձևավորման հարցը ԵԽԽՎ ձմեռային նստաշրջանին անդրադարձ կլինի ՀՀ-ում կայացած արտահերթ խորհրդարանական ընտրություններին Բաքվի ջարդերի վերաբերյալ չունենք որևէ պաշտոնական փաստաթուղթ, որտեղ կնշվի, որ դա ցեղասպանական քաղաքականության շարունակություն էր (Տեսանյութ) Քարոզչական պատերազմում մենք նույնքան պարտվելու իրավունք չունենք, որքան իրական պատերազմում. Միհրան Հակոբյան (տեսանյութ) Ադրբեջանը մեկ շաբաթում հրադադարի պահպանման ռեժիմը խախտել է շուրջ 180 անգամ Նախագահ Արմեն Սարգսյանը նախարարների նշանակման հրամանագրեր է ստորագրել Համոզված եմ, որ Ձեր ղեկավարության ներքո Հայաստանը կշարունակի աջակցել ՄԱԿ-ի սկզբունքներին. Գուտերեշի ուղերձը Փաշինյանին ԵՄ-ն դրական ազդակներ է տեսնում ԼՂ խնդրի խաղաղ կարգավորման համար Դոնալդ Թրամփը շնորհավորական ուղերձ է հղել Նիկոլ Փաշինյանին
Խմբագրի ընտրություն
website by Sargssyan