AM | RU
USD
EUR
RUB

Բնականաբար, կարող էին լինել նաև զոհեր. Վարուժան Ավետիսյանն արձագանքել է Նիկոլ Փաշինյանի հայտարարությանը

 
 

ԵՐԵՎԱՆ, 16 ՄԱՅԻՍԻ, Aysor.am: Հայաստանի վարչապետ Նիկոլ Փաշինյանը կեսգիշերին իր հերթական ուղիղ եթերում անդրադարձել էր Հայաստանում քաղբանտարկյալների առկայության խնդրին և հատկապես «Սասնա ծռերի» գործին։

Վարչապետը նշել էր, որ պետք է լինի վերջնական դատական ակտ, որի հետքերով հնարավոր կլիներ կիրառել «օրինական, իրավական գործիքներ»՝ համաներում, ներման շնորհում, պայմանական վաղաժամկետ ազատ արձակում։

«Շատերը կարծում են, թե պետք է գնանք բանտերի դռները բացենք և մեր քաղբանտարկյալներին ասենք՝ ժողովուրդ ջան, դուրս եկեք։ Դա ճիշտ ու օրինական ճանապարհ չէ։ Մենք քաղբանտարկյալների խնդիրը պետք է լուծենք օրենքով նախատեսված գործիքների միջոցով։ Այդ հարցով ես զբաղվում եմ ու կասկած չունեմ, որ առաջիկայում որևէ գործիքի կիրառմամբ քաղբանտարկյալները կհայտնվեն ազատության մեջ։ Ես հույս ունեմ, որ Հայաստանի ոչ մի քաղաքացի չի ակնկալում, որ ես մտնեմ բանտեր, դռները բացեմ ու ասեմ՝ տղերք, դուրս եկեք», - մասնավորապես ասել էր Փաշինյանը։

Ինչ վերաբերում է «Սասնա ծռերի» գործին, Փաշինյանն ասել էր, որ դրա հանգուցալուծումը կարևոր է Հայաստանում համերաշխության մթնոլորտի հաստատման համար։ Այդ գործի հանգուցալուծման եղանակների ընտրության համար Փաշինյանը կարևորել էր տարբեր ձևաչափերով հանրային քննարկումները։

«Ինձ համար սա շատ սկզբունքային ու կարևոր հարց է՝ դեպքերի ժամանակ սպանված ոստիկանների հարազատներին անպայման հրավիրենք, զրուցենք, նրանց հետ նույնպես քննարկում ունենանք, նրանց տեսակետները լսենք, հասկանանք՝ գործում ինչ կա, ինչն է հիմնավոր ապացույց, ինչն է սարքած կամ ինչը սարքած չէ։ Այսինքն՝ այս ամբողջ ինֆորմացիան պետք է ի մի բերենք, հասկանանք՝ ոնց, ինչ մեթոդներով ու ծավալներով ենք լուծում թնջուկը», - հայտարարել էր Փաշինյանը՝ ընդգծելով, որ խնդիրը պետք է լուծվի անպայման։

Փաշինյանը նաև ասել էր, որ վարչապետի աշխատասենյակ մտնելու առաջին միտքը եղել է քաղբանտարկյալների խնդիրը լուծելը, միաժամանակ նկատել, որ դրա համար ժամանակ է պետք։

««Սասնա ծռերի» խնդիրը պետք է լուծվի, ուղղակի մենք պետք է հասկանանք խնդրի շրջանակը, ծավալները և մեթոդները։ Հայաստանում քաղբանտարկյալներ չպետք է լինեն», - նշել էր Փաշինյանը։

Այսօր արդեն Շենգավիթի ընդհանուր իրավասության դատարանում «Սասնա ծռերի» անդամ Վարուժան Ավետիսյանը արձագանքել է Նիկոլ Փաշինյանի հայտարարությանը՝ անդրադառնալով, մասնավորապես, անձանց սպանության մասին վարչապետի շեշտադրումներին։

Ավետիսյանը նախ իր ելույթում ներկայացրեց ապստամբության մասին իր տեսությունը, նշեց, որ ապստամբությունը ինքնապաշտպանության իրավունքի բաղկացուցիչ մասերից է։

«Խեղկատակության աստիճանի հասնող կեղծ մարդասիրությունից, կեղծ համերաշխության լոզունգներով ներկայացվող բոլոր այն տեսակետները, թե գիտեք ինչ, այնուամենայնիվ, զոհեր կան, այնուամենայնիվ, մարդիկ են մահացել, պետք է ոմանց մասով դա նկատի ունենանք այդ հանգամանքը, և այլն, և այլն, ես ամենայն պատասխանատվությամբ հայտարարում եմ՝ այդ բոլոր արտահայտությունները, այդ բոլոր կարծիքները ակնհայտորեն հակասում են ինքնապաշտպանության իրավունքին, ապստամբության իրավունքին, այսինքն՝ բնական և արարչատուր իրավունքին, սրանք միջոցներ, մեթոդներ, ձևեր են ժողովրդի ընդվզման, հեղափոխության շարունակությունը կասեցնելու և համապատասխան ուղղությամբ տանելու ու արդեն քաղաքական շահաբաժիններ վաստակելու նպատակով։ Եթե կան մոլորյալներ, հասկանալի է, հարգելի է, բայց դա էլ պետք է չլինի, որովհետև այն ազգը, որը մերժում է ապստամբության իրավունքը և ուրանում է ապստամբերին, դատապարտված է ցեղասպանության, պետականազրկման, հայրենազրկման։

Մեր ժողովուրդը հասկանում է սա ու թույլ չի տալու, որ ռեժիմի մնացորդները և ինչ-ինչ պատճառներով ռեժիմի մնացորդների հետ առևտուր անելու միջոցով հեղափոխությունը զրոյացնելու նկատառում ունեցողները կարողանան պահել վիճակ և մեր երկիրը թաղված թողնել այս թրքաբոլշևիկյան գաղութատիրական համակարգի մեջ և խլել մեր ժողովրդից վերջապես ազատագրվելու շանսը։ Դա տեղի չի ունենալու», - հայտարարեց Վարուժան Ավետիսյանը։

Նա անդրադարձավ նաև օրինական ճանապարհներով հարցը լուծելու, ինչպես նաև համերաշխության մասին Փաշինյանի հայտարարություններին, ասաց, թե հնարավոր չէ գնալ ապստամբության ու դրա ընթացքում մարդկային կյանքեր չխլվեն։

Բայց նաև հավելեց. «Չմոռանանք, որ ռեժիմին ծառայող ոստիկանությունը այդ ռեժիմի զինված պահակն է և եթե անհրաժեշտ է ջարդել ռեժիմի դիմադրությունը, ապա, ցավոք սրտի, պետք է չեզոքացվի զինված պահակի դիմադրությունը և, բնականաբար, այդ ժամանակ կարող էին լինել նաև զոհեր, ինչպես «Սասնա ծռերի», այնպես էլ՝ ոստիկանների շրջանում։ Այդ ամենի մեղավորը հանցավոր համագործակցությունն է, և նրանք պետք է պատասխան տան այդ զոհերի համար։ Զոհերով հանդերձ, այդ գործողությունները տեղավորվում են ապստամբության իրավունքի, ինքնապաշտպանության իրավունքի շրջանակում»։

Ավետիսյանի խոսքով՝ իրավունքի ու Սահմանադրության հաշվին համերաշխություն հաստատելու, ձևական օրենք պահպանելու ցանկությունը վտանգավոր է։ Նա նաև հայտարարեց, որ այս պահին «կարևոր խնդիրը ապստամբերին ազատելն է, որ հեղափոխության պրոցեսը շարունակական լինի»։

Լրահոս
ՕՐՎԱ ԽՈՐՀՈՒՐԴԸ: Մայիսի 21 Արթուր Վանեցյանը խոստանում է ԱԱԾ համակարգի աշխատավարձերի հարցին անդրադառնալ գալիք տարի Արցախի Նախագահը մասնակցել է «Թալիշի վերածնունդ» նախագծի մեկնարկի հանդիսավոր արարողությանը Ամերիկահայ բարեգործը 1 մլն դոլար նվիրաբերելու Գետավանի դպրոցին. ԱՀ պետնախարարն ընդունել է «Հայաստան» հիմնադրամի պատվիրակությանը ՀՀ վարչապետը և նախագահը ներկա են եղել սպարապետ Վազգեն Սարգսյանի մոր՝ Գրետա Սարգսյանի հոգեհանգստի արարողությանը ՀՀ զինված ուժերն անպատասխան չեն թողնի Հայաստանի սահմանի հետ Ադրբեջանի ինժեներական աշխատանքները ԱԱԾ տնօրեն Արթուր Վանեցյանը խոսել է իր ընտանիքի անդամների բիզնեսի մասին «Շիրակ»-ը հրաժարվում է Հայաստանի առաջնության խաղերին մասնակցել «Երևան 2800» գորգը նվիրաբերվել է Երևան քաղաքի պատմության թանգարանին ՀՀ կրթության և գիտության նախարարությունը նախատեսում է ստեղծել առցանց կրթական հարթակ Մենք Թումանյանի, Կոմիտասի, Չարենցի ողբերգությունը կթարգմանենք որպես երջանկություն՝ այսօրվա եւ վաղվա սերունդներին ի պահ. Նիկոլ Փաշինյան Արթուր Վանեցյանը Ֆելիքս Ցոլակյանի քայլը դավաճանություն չի համարում Անձրևներն ու ամպրոպը կուղեկցվեն քամու ուժգնացմամբ. առանձին շրջաններում կարկուտ կտեղա Բակո Սահակյանը ցավակցական հեռագիր է հղել Վազգեն Սարգսյանի մոր՝ Գրետա Սարգսյանի մահվան կապակցությամբ ՀՀ ԱԺ նախագահ Բաբլոյանը ծննդյան տարեդարձի առթիվ շնորհավորել է հայ մեծ բարերար Լուիզ Սիմոն Մանուկյանին Ամփոփվել են Արցախում անցկացված օպերատիվ-մարտավարական զորավարժությունների արդյունքները Մասնագիտությունների մանկական քաղաքը հյուրընկալեց ԶԼՄ-ի ներկայացուցիչներին և իրենց երեխաներին ԱԱԾ-ում կադրային փոփոխություններ չեն սպասվում ԱԱԾ-ն խոստանում է խոշոր կոռուպցիոն սխեմաներով հարստացած մարդկանց բացահայտում Հովանավորչության յուրաքանչյուր դեպքի հետևելու է կոշտ արձագանք. ԱԱԾ տնօրեն Մահացել է Գրետա մայրիկը՝ Վազգեն Սարգսյանի մայրը Դավիթ Տոնոյանն Արցախում հանդիպել է «Ես եմ» ծրագրով զորակոչված զինծառայողների հետ Վարչապետ Նիկոլ Փաշինյանին շնորհավորական ուղերձ է հղել Հնդկաստանի վարչապետ Նարենդրա Մոդին Արթուր Վանեցյանի նշանակումը ԱԱԾ տնօրենի պաշտոնում համակարգում ոգևորությամբ է ընդունվել ԱԱԾ տնօրենը որոշ մտահոգությամբ է վերաբերվում պաշտոնյաների սոցցանցային ուղիղ միացումներին Արթուր Վանեցյանը հանձնարարել է ԱԱԾ մարմիններում կատարել կառուցվածքային փոփոխություններ Ռուսաստանի ԱԳՆ-ն պատասխանել է պաշտոնական Բաքվին Արցախի ներկայացուցիչների հետ հանդիպման առնչությամբ Արքայազն Հարրիի եւ Մեգան Մարքլի հարսանիքը ողջ աշխարհի ուշադրության կենտրոնում է. հյուրերի շարքում է նաև Ալեքսիս Օհանյանը Արցախի նախագահն ընդունել է ՀՀ մշակույթի նախարար Մակունցին ՊՊԾ գնդի գրավման գործով ամբաստանյալները տեղափոխվել են ՔԿՀ-ներ ՀՀ իշխանության որևէ ներկայացուցիչ հրահանգ չի տալու դատարաններին այս կամ այն որոշում կայացնելու հարցում. Փաշինյան ՀՀ նախագահը շնորհավորական ուղերձ է հղել բարերար Լուիզ Սիմոն Մանուկյանին Արցախի խորհրդարանում ընդունել են ՀՀ արտգործնախարար Զոհրաբ Մնացականյանին Արմեն Սարգսյանը ցավակցական հեռագիր է հղել Կուբայի Պետական խորհրդի նախագահին Ծիծեռնակաբերդում հարգանքի տուրք մատուցեցին Պոնտոսի հույների ցեղասպանության զոհերի հիշատակին Ոստիկանության բաժիններ են տարվել բազմաթիվ քրեական «հեղինակություններ» ու «օրենքով գողեր» Թանգարանային գիշերը՝ Մայր Աթոռում. կցուցադրվեն Առաջին Հանրապետության թղթադրամները Արագաչափերն ու տեսանկարահանող սարքերը շարունակում են գործել. ՀՀ ոստիկանություն ԱԱԾ պետը հերքում է ԱՄՆ-ից Հայաստան FBI-ի հետաքննիչների ժամանման մասին լուրը Հայաստանի և Արցախի ԱԳ նախարարները քննարկել են ԼՂ խնդրի կարգավորման գործընթացի վերջին զարգացումները
Խմբագրի ընտրություն
website by Sargssyan