ՀՀ առողջապահության նախարարը անդրադարձել է դեղատոմսերով դեղերի տրամադրման հարցին
Նմանատիպ
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Դեղատոմսերով տրամադրվող դեղերի ցանկի հարցը գտնվում է քննարկման փուլում: «Արմենպրես»-ի հաղորդմամբ` լրագրողների հետ ճեպազրույցում այս մասին նշեց Առողջապահության նախարար Արսեն Թորոսյանը: Նրա խոսքով` մասնագետների հետ մի քանի հարց է մնացել ճշտելու՝ վերջնական ցանկերը և ընթացակարգերը հաստատելու համար:
«Եթե ամեն ինչ իմ մտածած պլանով լինի, ապա, հավանաբար, հուլիսի 1-ից և աշնանը ուժի մեջ մտնող ցանկերի մասով մեկ տարով երկարացում կլինի: Հակաբիոտիկների մասով մասնագետները հակված են, որպեսզի թողնենք ուժի մեջ, քանի որ դրանց վերաբերյալ ավելի լուրջ խնդիր կա»,– «Արմենպրես»-ի հաղորդմամբ` նշեց նախարարը:
Անդրադառնալով նախարարությունում կադրային ջարդերի մասին խոսակցություններին՝ Արսեն Թորոսյանն ասաց, որ նախարարությունում կադրային ջարդ չի եղել և չի լինելու:
Հետևեք մեզ նաև Telegram-ում