Հայաստանում ջերմաստիճանը մայիսի 20-21-ը կնվազի 3-4 աստիճանով

ԵՐԵՎԱՆ, 18 ՄԱՅԻՍԻ, Times.am: Մայիսի 18-19-ը` հատկապես կեսօրից հետո, առավելապես Հայաստանի հյուսիսային շրջաններում, մայիսի 20-ին շրջանների զգալի մասում, մայիսի 21-23-ը ժամանակ առ ժամանակ սպասվում է անձրև և ամպրոպ, ամպրոպի ժամանակ` քամու ուժգնացում` 15-20 մ/վ արագությամբ, առանձին հատվածներում սպասվում է նաև կարկուտ:

Քամին՝ հարավ-արևմտյան՝ 3-8 մ/վ:

Օդի ջերմաստիճանը մայիսի 18-19-ը կբարձրանա 1-2, մայիսի 20-21-ը կնվազի 3-4 աստիճանով: Այս մասին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից:

Երևան քաղաքում`

Մայիսի 18-19-ը՝ երեկոյան ժամերին, քաղաքի առանձին հատվածներում հնարավոր է կարճատև անձրև և ամպրոպ, 20-ին՝ կեսօրից հետո, 21-23-ը ժամանակ առ ժամանակ սպասվում է անձրև և ամպրոպ, ամպրոպի ժամանակ` քամու ուժգնացում՝ 15-20 մ/վ արագությամբ: