Կարո Եղնուկյանը 10 միլիոն դրամ գրավ մուծելու դեպքում ազատ կարձակվի
Նմանատիպ
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: ՊՊԾ գնդի գրավման գործով զինված խմբավորմանն օժանդակելու մեջ մեղադրվող Կարո Եղնուկյանը 10 միլիոն ՀՀ դրամ գրավ մուծելու դեպքում կալանքից ազատ կարձակվի: Ինչպես տեղեկացնում է «Արմենպրես»-ը, Երևան քաղաքի ընդհանուր իրավասության դատարանի Էրեբունի նստավայրում այս մասին հայտարարեց նիստը նախագահող դատավոր Արտուշ Գաբրիելյանը:
Քննելով Կարո Եղնուկյանի պաշտպան Տիգրան Հայրապետյանի միջնորդությունը` նրա նկատմամբ ընտրված խափանման միջոց կալավորումը վերացնելու և նրան ազատ արձակելու մասին՝ դատարանը որոշեց ամբաստանյալ Կարո Եղնուկյանի պաշտպան Տիգրան Հայրապետյանի միջնորդությունը մերժել: Սակայն դատարանը միաժամանակ որոշեց ամբաստանյալ Կարո Եղնուկյանի նկատմամբ գրավի կիրառումը ճանաչել թույլատրելի և գրավի չափ սահմանել 10 միլիոն ՀՀ դրամ:
Դատավորի խոսքով` հաշվեհամարին սահմանված գումարի մուծված լինելու ապացույցը ՀՀ ԱՆ համապատասխան քրեակտարողական հիմնարկ կամ դատարան ներկայացնելու դեպքում ամբաստանյալ Կարո Եղնուկյանը ազատ կարձակվի կալանքից:
Հետևեք մեզ նաև Telegram-ում