Times.am | «Հայաստան» համահայկական հիմնադրամը պետք է շարունակի միավորել հայերին. կայացավ հիմնադրամի հոգաբարձուների խորհրդի նիստը
AM | RU
USD
EUR
RUB

«Հայաստան» համահայկական հիմնադրամը պետք է շարունակի միավորել հայերին. կայացավ հիմնադրամի հոգաբարձուների խորհրդի նիստը

 
 

ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: ՀՀ նախագահի նստավայրում մայիսի 25-ին կայացավ «Հայաստան» համահայկական հիմնադրամի հոգաբարձուների խորհրդի նիստը, որը վարում էր ՀՀ նախագահ Արմեն Սարգսյանը: Նախագահի խոսքով` հոգաբարձուների խորհրդի նիստը հրավիրվել է պատմական օրերին, երբ նշվում է Հայաստանի առաջին Հանրապետության 100-ամյակը:

«Ի սրտե շնորհավորում եմ մեզ՝ բոլորիս, այս պատմական իրադարձության առթիվ: Հայաստան համահայկական հիմնադրամն իր առջև դրված խնդիրներ ունի, սակայն կարծում եմ, որ կարևորագույններից մեկը համախմբման առաքելությունն է, որ ավելի քան արդիական է այսօր: Հիմնադրամը պետք է շարունակի միավորել ՀՀ քաղաքացիներին, Արցախում և Սփյուռքում բնակվող մեր հայրենակիցներին: Այն ծրագրերը, որոնք իրականացվել են, համահայկական ջանքերի արդյունք են»,- «Արմենպրես»-ի հաղորդմամբ՝ ասաց նախագահը: Արմեն Սարգսյանի խոսքով, հիմնադրամը պետք է տարեց տարի կատարելագործի մեթոդներն ավելի մեծ արդյունք գրանցելու, հավակնոտ ծրագրեր գործարկելու համար:

ՀՀ վարչապետ Նիկոլ Փաշինյանը նշեց, որ «Հայաստան» համահայկական հիմնադրամը ստեղծման օրից նեցուկ դարձավ Հայաստանի նորաստեղծ Հանրապետությանը: Անկախացման առաջին տարիներին նրա դերակատարումն իսկապես շատ մեծ էր:

«Հետագա տարիներին հիմնադրամի դերակատարումը նույնպես շատ մեծ էր, որովհետև, կարծում եմ՝ «Հայաստան» համահայկական հիմնադրամը դարձավ Հայաստանի Հանրապետության իշխանության նկատմամբ Սփյուռքի վստահության ցուցիչ: Հիմնադրամի գործունեությունը վերլուծելիս կարելի է շատ լուրջ ազդակներ ստանալ, թե ինչ պրոցեսներ են տեղի ունենում Սփյուռքում, ինչ մտահոգություններ են ի հայտ գալիս և այդ մտահոգությունների ինչպիսի լուծումներ կարող են լինել: Քաղաքական գործընթացները, որոնք տեղի ունեցան Հայաստանում ապրիլ-մայիս ամիսներին, անշուշտ, համազգային համախմբման նոր ազդակ են դարձել, և մենք ամեն ինչ պետք է անենք և վստահաբար կանենք՝ այդ համախմբման ազդակը կոնկրետ քաղաքական արդյունքի, մշտական քաղաքական գործոնի վերածելու համար: ՀՀ կառավարության առաջնահերթությունները մենք արդեն հայտարարել ենք: Այդ առաջնահերթություններից կարևորագույնը ՀՀ քաղաքացիների և հայ ժողովրդի հաղթանակի զգացումը պահպանելն է, շարունակելն է և նրան մշտական բնույթ տալը»,- ասաց վարչապետը:

«Հայաստան» համահայկական հիմնադրամի գործադիր տնօրեն Արա Վարդանյանը ներկայացրեց 2017 թ-ի կատարված աշխատանքների վերաբերյալ հաշվետվություն: Հիմնադրամի աշխատանքներում ակտիվ մասնակցություն և ներդրում ունեն նրա 22 տեղական մարմինները, որոնք ներկայում գործում են աշխարհի 19 երկրում:

Արա Վարդանյանը նշեց, որ արդեն մեկ շաբաթ է տարբեր երկրներից ժամանած տեղական մարմինների ներկայացուցիչների հետ այցելում են Արցախի և Հայաստանի տարբեր համայնքներ՝ ծանոթանալու հիմնադրամի տարբեր ծրագրերին:

«Կարծում եմ, որ արտահայտում եմ բոլոր տեղական մարմինների կարծիքն առ այն, որ նոր կառավարության հռչակած օրակարգը և դրա հաջող իրագործումը միանշանակ նպաստավոր կլինի Հայաստան համահայկական հիմնադրամի կողմից Սփյուռքում տարվող աշխատանքներին»,-ասաց Արա Վարդանյանը:

Նրա խոսքով, տարիներ ի վեր խոսվում է այն մասին, որ Սփյուռքն օգտագործվում է որպես դրամահավաքի կազմակերպման միջոց, մինչդեռ Սփյուռքը շատ ավելի մեծ դեր պետք է ունենա Հայաստանի ու Արցախի զարգացման գործում: «Հայաստան համահայկական հիմնադրամը հայը հային օգնելու գործիք է»,-ասաց Արա Վարդանյանը:

Հոգաբարձուների խորհրդի անդամներն իրենց առաջարկություններով հանդես եկան: Մասնավորապես, խորհրդի անդամ Արսեն Ղազարյանն առաջարկեց, որ գործարարները, բիզնես հատվածը ևս մասնակցություն ունենան հիմնադրամի դրամահավաքության գործում:

« Հիմնադրամի աշխատանքներն ապացուցել են, որ ամենավստահելի կառույցներից մեկն է: Ես, որպես հայաստանյան գործարար, թվերը համադրելով, ասում եմ՝ 1000 խոշոր հարկատու ունենք, եթե յուրաքանչյուրը հանգանակություն կատարի, ապա կարծում եմ, որ կունենանք տարեկան 10 մլն դոլար Հայաստանից ներդրում: Առաջարկում եմ, այս քարոզչությունը ճիշտ տանել»,-ասաց Արսեն Ղազարյանը:

Խորհրդի նիստում հնչեցին կարծիքներ, որ Հայաստանի պետական կառույցները, եկեղեցին նույնպես տարվա կտրվածքով ներդրում կատարեն: Առաջարկին արձագանքեց Ամենայն հայոց կաթողիկոս Ն.Ս.Օ.Տ.Տ Գարեգին Բ-ն:

«Եկեղեցին մշտապես իր աջակցությունն է տրամադրել հիմնադրամին: Դեռևս 92-թվականին, երբ հռչակվեց հիմնադրամի ստեղծումը, եկեղեցու կողմից հորդոր եղավ, որպեսզի ժողովուրդը զորակցություն հայտնի: Այդ օրից եկեղեցին իր սրբազան պարտքը համարեց աջակցելու, զորակցելու հիմնադրամին ոչ միայն կոչերով, այլև ներդրումներ իրականացնելով»,-ասաց վեհափառը: Նա նշեց, որ եկեղեցին շահութաբեր գործունեություն չի իրականացնում, ամբողջ ծախսերը ձևավորվում են նվիրատվություններից: Կաթողիկոսը ճիշտ չի համարում առանձնաբար հանգանակություն իրականացնի, որ այդ հանգանակություններից գոյացած գումարը փոխանցի հիմնադրամին:

«Ամենայն հայոց հայրապետությունը զանազան բարեգործական ծրագրեր է իրականացնում սոցիալական տարբեր ոլորտներում: Որքան հիշում եմ, 25 հազար հայորդիներ օգտվել են նախորդ տարի եկեղեցու կողմից իրականացրած բարեգործական ծրագրերից: Այդ ուղղությամբ գումարը կազմել է 3 մլն դոլար: Մենք այն բարձրաձայնումների ունկնդիր ենք եղել, որ եկեղեցին ներդրումներ կատարի հիմնադրամի հաշվին: Մենք խոսել ենք թեմակալ առաջնորդների հետ, տեղեկացրել այս առաջարկության մասին: Միանշանակ պատասխան է եղել, որ ակտիվորեն մասնակցում են հիմնադրամի գումարների հավաքագրման և բարերարներին խրախուսելու առումով: Բայց եթե նման հարց է հնչում, մենք կարող ենք քննարկել»,-ասաց կաթողիկոսը:

Լրահոս
Վարդան Բոստանջյանի պատգամավորական մանդատը փոխանցվեց Այծեմնիկ Օհանյանին Երևանում տեղի է ունենալու ՀԱՊԿ միացյալ շտաբի ներկայացուցիչների հերթական խորհրդակցությունը Մինսկում տեղի է ունենալու ԱՊՀ մասնակից պետությունների պաշտպանության նախարարների խորհրդին առընթեր նիստ Ռոբերտ Քոչարյանի գրասենյակի հայտարարությունը Հայաստանում չկա որևէ ուժ, որ ի վիճակի կլինի կանգնել ժողովրդի իշխանության առաջ. Նիկոլ Փաշինյան Լարիսա Ալավերդյանի կարծիքով, Ռոբերտ Քոչարյանին կալանավորելիս շտապել էին Հայաստանում օդի ջերմաստիճանը օգոստոսի 16-17-ին կբարձրանա Ռոբերտ Քոչարյանի մամուլի ասուլիսը տեղի չունեցավ Բողոքի ակցիայի մասնակիցները ներխուժեցին սրահ, որտեղ պետք է կայանա Ռոբերտ Քոչարյանի ասուլիսը Մեկնարկում է Ռոբերտ Քոչարյանի մամուլի ասուլիսը. ուղիղ Հայաստանը շարունակում է ձեռնարկել բոլոր միջոցները Ադրբեջանում գերեվարված Կարեն Ղազարյանին անվտանգ հայրենիք վերադարձնելու ուղղությամբ Նախիջևանյան ուղղությամբ ադրբեջանական ուժերի վերադիրքավորման փորձերն ամեն կերպ կանխվելու են. ՀՀ ԱԳՆ Ռոբերտ Քոչարյանն ազատ կարձակվի կալանքից Մհեր Մարգարյանը նշանակվել է ՄԱԿ-ում Հայաստանի մշտական ներկայացուցիչ Լևոն Տեր-Պետրոսյանն ու ՀԱԿ-ը պատրաստ են վկայություն տալ Մարտի 1-ի գործով. Արամ Մանուկյան Չավուշօղլու. «ԱՄՆ-ն պետք է իմանա, որ պատժամիջոցներոով և ճնշումներով Թուրքիայից չի կարող որևէ բան կորզել» Իրանի էներգետիկայի նախարարը հայտնել է ՀՀ տարածքով ՌԴ-ին էլեկտրաէներգիա մատակարարելու բանակցությունների մեկնարկի մասին Թուրքիայում շարունակվում է լիրայի արժեզրկումը. Էրդողանը կոչ է անում վաճառել դոլարներն ու եվրոները Վարչապետության 100 օր։ Ի՞նչ պատասխան տալ ժողովրդին Օդի ջերմաստիճանը կբարձրանա Նախիջևանյան ուղղությամբ ադրբեջանական սադրանքներին հայկական զինված ուժերը պատասխանել են կրակով «Լիդիան Արմենիա»-ի աշխատակիցները կառավարության շենքի դիմաց բողոքի ակցիա են կազմակերպել Քաղաքական պատրաստակամություն ենք հայտնել ԼՂ բանակցությունները կառուցողական հունով շարունակելու հարցում. Փաշինյան Անկարան դիմակայելու է ԱՄՆ-ի կողմից եկող սպառնալիքներին. Էրդողան Իրանի ուժայինները ոչնչացրել են 11 ահաբեկչի Հանրապետությունում օդի ջերմաստիճանն աստիճանաբար կբարձրանա 3-5 աստիճանով Կյանքից հեռացել է քանդակագործ Նիկոլայ Նիկողոսյանը Յուրի Խաչատուրովը մեղադրանքը չի մեկնաբանում ՀՀ-ի իմիջը չվնասելու համար, իսկ կալանքի որոշումը վիճարկում ենք. պաշտպան Քոչարյանի խափանման միջոցը փոխելու վերաքննիչ բողոքի քննությունն ավարտվեց, դատարանի որոշումը կհրապարակվի օգոստոսի 13-ին Վերաքննիչ դատարանում ավարտվեց Ռոբերտ Քոչարյանի կալանքի վերաբերյալ բողոքների քննությունը, որոշումը կհրապարակվի օգոստոսի 13-ին. փաստաբան Մտքի տեռոր է, մտահոգվելու, կարծիք, տեսակետ հայտնելու իրավունք չունե՞նք. Հրանտ Մարգարյան Դիանա Հովհաննիսյանը նշանակվել է Երևան քաղաքի առաջին ատյանի ընդհանուր իրավասության դատարանի դատավոր «Ժառանգություն»-ը կմասնակցի Երևանի ավագանու արտահերթ ընտրություններին Ներկրված թռչնամսում հայտնաբերվել են շեղումներ. որոշ խմբաքանակներ ճանաչվել են վտանգավոր և պիտանի չեն օգտագործման համար Վարչապետն անդրադարձել է Քոչարյանի գործով վերջին զարգացումներին և Լավրովի հայտարարությանը Համայնքներում կանաչ ենթակառուցվածքների ստեղծման ծրագիրը շարունակվում է Հնարավոր է նա ուժեղացնի «Փյունիկ»-ի կազմը, եթե ցանկանա. Անդրեյ Տալալաևը՝ Ալեքսանդր Կարապետյանի մասին Վերաքննիչ դատարանում շարունակվում է Ռոբերտ Քոչարյանի խափանման միջոցը փոխելու բողոքների քննությունը Վրաստանում ձյուն է տեղացել (տեսանյութ) Արա Գաբրիելյանն ազատվել է ՊԵԿ նախագահի տեղակալի պաշտոնից
Խմբագրի ընտրություն
website by Sargssyan