Times.am | Ունենալ գործուն համակարգեր, թափանցիկ դաշտ, ստվերը հասցնել զրոյի. ՊԵԿ նոր նախագահի գերակայությունները
AM | RU
USD
EUR
RUB

Ունենալ գործուն համակարգեր, թափանցիկ դաշտ, ստվերը հասցնել զրոյի. ՊԵԿ նոր նախագահի գերակայությունները

 
 

ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Համակարգային փոփոխությունների արդյունքում հարկային վարչարարությունը չի լինելու սուբյեկտիվ: Այս մասին «Արմենպրես»-ի հետ զրույցում հավաստիացրեց ՀՀ պետական եկամուտների կոմիտեի նախագահ Դավիթ Անանյանը:

-Պարոն Անանյան, քաղաքական վերջին փոփոխություններով պայմանավորված՝ հարկային, մաքսային համակարգում կիրառվում են նոր մոտեցումներ: Արդեն կա՞ն բիզնեսից արձագանքներ:

-Դրական ազդակներ ստանում ենք, բայց դրանք դեռ չեն եղել համակարգային փոփոխությունների արդյունքում: Դա համաժողովրդական զարթոնքի արդյունքն է, բարձրագույն իշխանության, երկրի ղեկավարության հայտարարությունն ու երաշխիքները, որոնք ուղղված են ավելի թափանցիկ, գործընկերային մթնոլորտ ձևավորելուն: Այսինքն՝ մենք այսօր կարող ենք արձանագրել, որ ներկայում արձանագրվող ցուցանիշները դրանք դեռևս համակարգային բնույթ չեն գրում: Դրանք զարթոնքային մթնոլորտի արդյունք են:

-Խոսվում է հարկայինում, մաքսայինում արագ սպասարկման, զարտուղի ճանապարհներով գործարքներից խուսափելու մասին: Այսպիսի՞ ազդակներ եք ստանում:

-Այո, ինչպես նաև հարկերը վճարելու հետ կապված որոշակի տեղաշարժեր կան, ավելի զգուշ են դարձել հարկ վճարողները: Դրանք իմ նշած փոփոխությունների արդյունք են, երբ հարկային, մաքսային համակարգում աշխատող մասնագետներն ու պրոֆեսիոնալները իրենց պարտականություններում ավելի հոգատար ու զգույշ են դարձել:

-Ըստ ձեզ՝ այս փուլում գերատեսչության առաջնահերթ խնդիրները որո՞նք են լինելու:

-Առաջնահերթ խնդիրներն այն են, որ մենք այդ զարթոնքային տրամադրությունները համակարգային փոփոխությունների վերածենք: Այսինքն՝ մենք ունենանք շատ գործուն համակարգեր, թափանցիկ դաշտ, ստվերը հասցնենք գրեթե զրոյի կամ դրան մոտ: Եվ ամենակարևորն այն է, որ այդ ամենը լինի համակարգային փոփոխությունների արդյունք: Այն է՝ անձանցից որևէ կերպ կախված չլինի: Այսինքն, եթե Անանյան Դավիթը չլինի, միևնույն է համակարգը գործի, Պողոսյան Պողոսը գա պաշտոնի, համակարգը գործի: Համակարգը լինի առողջ և թափանցիկ:

-Բիզնեսը հաճախ դժգոհում էր, որ հարկայինի աշխատակիցներն առիթ-անառիթ գալիս էին փորձում էին ինչ-որ խախտումներ գտնել, տուգանել: Նման քաղաքականությունը փոխվելո՞ւ է:

-Նախ ասեմ, որ բիզնեսի գնահատականն առիթ կամ անառիթ ևս կարող է սուբյեկտիվ լինել: Բայց ես կարող եմ վստահեցնել, որ համակարգային փոփոխությունների արդյունքում հարկային վարչարարությունը համենայն դեպս չի լինի սուբյեկտիվ, կլինի նպատակային: Ես չեմ կարծում, որ այդ փոփոխությունների արդյունքում հարկ վճարողներն ավելի գրկաբաց կընդունեն հարկահավաքությամբ զբաղվող պրոֆեսիոնալներին, որովհետև մարդիկ ամեն դեպքում հարկերի հետ կապված մեծ խանդավառություն չեն ունենում, ամեն դեպքում, ուզում եմ ասել, որ սուբյեկտիվ մոտեցում չի լինի:

-Ժամանակին շատ էր խոսվում այն մասին, որ փոքր բիզնեսին պետք է հանգիստ թողնել, այլ մոտեցում ցուցաբերել: Ըստ ձեզ՝ այս պարագայում ինչպիսի քաղաքականություն պետք է կիրառել:

-Փոքր բիզնեսի նկատմամբ մենք ավելի հոգատար պետք է լինենք, մեր վարչարարությունը պետք է արդյունավետ դարձնենք: Վարչարարության հետ կապված համակարգերը պետք է լինեն ավտոմատ և ռիսկերը գնահատման հիման վրա լինեն: Ունենք այդպիսի համակարգեր, մասնավորապես, օպերատիվ տվյալների մշակման և ստացման, ռիսկերի գնահատման, դրանց հիման վրա գործերի պլանավորման համակարգեր, բայց դրանք բարելավելու անհրաժեշտություն կա: Դրանցում պետք է մարդկային գործոնը մի քիչ ավելի քչացնել, որ համակարգը որոշի ռիսկը, գնահատի և իդենտիֆիկացնի այն հարկ վճարողներին, ովքեր չեն դրսևորում ավելի պատասխանատու վարքագիծ:

Ինչ վերաբերում է փոքր բիզնեսին, ապա պետք է այդ հատվածին ավելի հանգիստ թողնել, ավելի հոգատար լինել փոքր բիզնեսով զբաղվողների հանդեպ, վարչարարությունն էլ օգտագործել նպատակային ու արդյունավետ:

Լրահոս
Էդվարդ Նալբանդյան. «Հողերի հանձնման մասին խոսակցությունները սին են և մոլորեցնող» 6 ամսում երկիրը լքել է 51 հազար ՀՀ քաղաքացի, որից միայն ապրիլ-հունիսին` 48 հազար «Չէ, Դուք այս 100 օրվա ընթացքում վարչապետ այդպես էլ չդարձաք. Անգամ շարքային». Արմեն Աշոտյանը՝ Նիկոլ Փաշինյանին Լուկաշենկոն Բելառուսի վարչապետ է նշանակել Սերգեյ Ռումասին Կյանքից հեռացել է ՄԱԿ-ի նախկին գլխավոր քարտուղար Քոֆի Անանը Էրդողանը հայտարարել է, որ Թուրքիան մտադիր չէ տնտեսական ճնշումների հետևանքով փոխել ընտրված կուրսը Գեղարքունիքի մարզպետը ծանոթացավ մարզում իրականացվող շինարարական աշխատանքների ընթացքին Մեկ շաբաթում հակառակորդը հրադադարը խախտել է շուրջ 170 անգամ ԿԸՀ-ն մանրամասնել է Երևանի ավագանու ընտրությունների քարոզչական վահանակների տեղադրման կարգը Լեհաստանում ավտոբուսի շրջվելու հետևանքով զոհվել է երեք մարդ Բակո Սահակյանը ՀՀ ԶՈՒ գլխավոր շտաբի պետի հետ քննարկել է բանակաշինության ոլորտում համագործակցության հարցեր Չփորձեք մատ թափ տալ պատգամավորների վրա. Աժ փոխնախագահը՝ Փաշինյանին Թուրքիան արդիականացված տանկեր է կուտակել Սիրիայի սահմանին Հանրահավաքը Հանրապետության Հրապարակում. ուղիղ ԱԱԾ-ն չեզոքացրել է առանձնապես խոշոր չափերով թմրամիջոցների մաքսանենգությամբ զբաղվող հանցավոր խումբ Գերմանիայի կանցլեր Անգելա Մերկելը կայցելի Հայաստան ՀՀԿ-ում Քոչարյանի հետ համագործակցության տրամադրությունները «դրական են». Շարմազանով «Հակառակորդի ձախողված հարձակման փորձերը ցույց են տալիս ՊԲ-ի պատրաստվածության բարձր աստիճանը». Դավիթ Բաբայան Եղանակը ցրտելու է Ժամկետային զինծառայողներն արդեն ունեն բջջային հեռախոսներից օգտվելու հնարավորություն՝ ըստ կանոնակարգի. Արծրուն Հովհաննիսյան Մանվել Գրիգորյանի կալանքը երկարացվել է երկու ամսով ՊԲ դիրքապահները կանխել են հակառակորդի 15 հոգանոց խմբի հարձակման փորձը Պետդեպում նշել են Թրամփի՝ Իրանի հետ երկխոսության մեջ մտնելու պայմանները Չինական Psearcher պարբերականը Հայաստանի մասին հատուկ թողարկում է պատրաստել Ռուս սահմանապահները ձերբակալել են հայ-թուրքական սահմանը հատած Գվինեայի քաղաքացու Հայ բարերարները շարունակում են աջակցել Արցախի զարգացմանը Կասպից «սահմանադրություն». ի՞նչն է մտահոգում Հայաստանին 100 օրում մենք լուծել ենք մեր հիմնական խնդիրը. վարչապետ Անահիտ Ֆարմանյանի մեղադրանքը և նրան կալանավորելու որոշումը իրավական հիմքեր չունեն. Փաստաբանների հայտարարությունը Մարտի 1-ի գործով հարցաքննվելու է նաև Սերժ Սարգսյանը. ՀՔԾ պետ Պատրաստվում ենք ապահովել ՀՀ-ի կողմից Ֆրանկոֆոնիայի գագաթնաժողովի անցկացման լավագույն որակը. Զոհրաբ Մնացականյան Կառավարությունը կրճատեց Երևանի ավագանու լիազորությունների ժամկետը Ռոբերտ Մակարյանն ազատվել է գյուղատնտեսության նախարարի տեղակալի պաշտոնից ՀՀ նախագահի հրամանագրով Նորայր Յոլչյանն ազատվել է ԶՈւ թիկունքի պետ-վարչության պետի պաշտոնից Յուրի Խաչատուրովը Հայաստանի Հանրապետության քաղաքացի է. պաշտպան Ինձ հետապնդելու միակ պատճառը ազգանունս է, որով միայն հպարտանում եմ. Անահիտ Ֆարմանյան ՀՀ նախագահը Օլեգ Եսայանին հետ է կանչել Բելառուսում Հայաստանի դեսպանի պաշտոնից ՀԱՊԿ բարձրագույն մարմնում Հայաստանը կներկայացնի վարչապետը Ոստիկանությանը հայտնի է կառավարության 3-րդ մասնաշենքում ռումբի մասին ահազանգողի ինքնությունը Կառավարության 3-րդ մասնաշենքից աշխատակիցներին տարհանել են ռումբի մասին ահազանգից հետո. ԱԻՆ-ը վտանգավոր ոչինչ չի հայտնաբերել
Խմբագրի ընտրություն
website by Sargssyan