Աղաջանյանը վստահեցնում է՝ հետայսու կառավարության բոլոր անդամները պետք է գործուղումների գնան էկոնոմ դասով
01/06/2018 13:45
Նմանատիպ
ԵՐԵՎԱՆ, 1 ՀՈՒՆԻՍԻ, Times.am: Եթե փոխվարչապետն էկոնոմ դասով է երթևեկում, ապա բոլոր նախարարները ևս այդ տարբերակով պետք է գնան գործուղումների:
Լրագրողների հետ ճեպազրույցում ասաց ՀՀ վարչապետի աշխատակազմի ղեկավար Էդուարդ Աղաջանյանը: «Փոխվարչապետ Տիգրան Ավինյանն իր Աստանա այցն իրականացրել է էկոնոմ դասի չվերթով՝ թե գնալը, թե հետադարձը: Այսուհետև սա է լինելու նոր կառավարության աշխատելաոճը»,-ասաց Աղաջանյանը:
Նա նշեց, որ այս ուղղությամբ ևս ծախսերը կտրուկ կրճատվելու են, իսկ պաշտոնյաներին ուղեկցող անձնակազմը լինելու է միայն անհրաժեշտության դեպքում: «Ուղեկցողների թիվը պայմանավորված է լինելու միայն անհրաժեշտությամբ, և որևէ մեկը շրջագայության նպատակով չի մեկնելու արտերկիր»,-հավելեց պաշտոնյան:
Հետևեք մեզ նաև Telegram-ում