Մարդ ինչքա՞ն «տուպոյ» պետք ա լինի, որ մենաշնորհը չտարբերի. Գագիկ Ծառուկյան

Մարդ ինչքա՞ն «տուպոյ» պետք ա լինի, որ մենաշնորհը չտարբերի. Գագիկ Ծառուկյան

ԵՐԵՎԱՆ, 1 ՀՈՒՆԻՍԻ, aysor.am: «Բարգավաճ Հայաստան» կուսակցության նախագահ, ԱԺ պատգամավոր Գագիկ Ծառուկյանն այսօր հայտարարել է, որ ստուգումները կարող են սկսել հենց իր ընկերություններից։

«Ես եմ ասել, որ առաջինն իմ մոտ ստուգեն, որ իրավունք ունեն ստուգեն, մյուսներին կարգի հրավիրեն։ Եթե իմ կուսակցության նախարարները փորձեն ուրիշից սկսել, դա անհարմար է, նրանք առաջինը պետք է ինձնից սկսեն։ Ինչ չկա, պակաս է, կարգավորեն նոր անցնեն իրենց աշխատանքին, որ նրանց ճակատը պարզ լինի», – այսօր լրագրողների հետ ճեպազրույցում հայտարարեց Ծառուկյանը։

ԲՀԿ նախագահին վրդովեցրել են այն հայտարարություններն ու տեղեկությունները, որ ցեմենտի շուկայում իրեն պատկանող «Արարատ ցեմենտի» գործարանաը մենաշնորհային դիրք ունի։

«Էդքան դատարկ մարդիկ կլինե՞ն, որ չորս հատ ցեմենտի գործարան կա, Պարսկաստանից, Վրաստանից ներ են կրում, ասում են մենաշնորհ ա։ Մարդ ինչքա՞ն «տուպոյ» պտի լինի, որ մենաշնորհը չտարբերի», – հայտարարեց Ծառուկյանը՝ նշելով, որ եթե այդ գործարանին «տիրություն» չանի, անմիջապես կփակվի։

Նրա խոսքով՝ «Արարատ ցեմենտի» գործարանը ամսական 3 մլն դոլար գազի դիմաց է վճարում, ամսական 1 մլն 200 հազար դրամ էլ վճարում է էլեկտրաէներգիայի դիմաց։

Հետևեք մեզ նաև Telegram-ում