«Ժողովուրդ». Ռումբ՝ պետականության հիմքերում. ճգնաժամը գնալով ավելի է խորանում
Նմանատիպ
«Հայաստանում սահմանադրական ճգնաժամը գնալով ավելի է խորանում: Սա, իհարկե, միանգամայն սպասելի էր: Ի սկզբանե պարզ էր, որ Հայաստանում խորհրդարանական կառավարման համակարգն իրեն չի արդարացնի և շատ արագ կհանգեցնի ճգնաժամի:
Եվ ահա նոր սահմանադրությունն ուժի մեջ մտնելուց երկու ամիս անց ականատես ենք լինում այդ ճգնաժամի հերթական դրսևորումներին. խորհրդարանում ներկայացված չորս ուժերից որևէ մեկն այլևս չունի կայուն մեծամասնություն` չունի 53 մանդատ: Սա այն բանից հետո, երբ հերթական պատգամավորը (երեկվա դրությամբ արդեն վեց հոգի) հայտարարեց ՀՀԿ խմբակցությունից դուրս գալու մասին: Հիմա երբեմնի իշխող խմբակցությունում մնացել է 52 պատգամավոր, բայց այդ թիվն էլ դեռ նվազելու է:
Մյուս կողմից կայուն մեծամասնություն չունեն գործադիր իշխանությունում ներկայացված «Ելք», «Ծառուկյան» և ՀՅԴ խմբակցությունները. այստեղ էլ 47 պատգամավոր է:
Հետևեք մեզ նաև Telegram-ում