«Փաստ». Արդարադատության նախարարությունում միայն մեկ աշխատող կա՞
Նմանատիպ
«Փաստ» թերթը գրել է. «Երեկ դիմել էինք ՀՀ արդարադատության նախարարություն, որպեսզի իրենց մասնագետներից որևէ մեկը պատասխանի մեզ հուզող հարցերին՝ կապված համատիրությունների վերացման օրենսդրական նախաձեռնությունների մասին: Ի՞նչ է նախատեսվում, ինչպե՞ս, ե՞րբ: Նման պարզ հարցեր: Սակայն լրատվական ծառայությունից մեր թղթակցին տված պատասխանը ուղղակի զարմացրեց: Մեզ ասացին, որ թեմային տեղյակ մասնագետն արդեն մի քանի լրատվամիջոցների հարցազրույցներ է տալիս այդ նույն թեմայով, բոլորը հետաքրքրված են, այդ պատճառով էլ չի հասցնում: Այսինքն, ստացվում է, որ հսկայական նախարարությունում նշյալ հարցից հասկացող մեկ մասնագետ կա ընդամենը: Ինչպես ասում են՝ մեկնաբանություններն ավելորդ են: Մեզ մնում է ընդամենը հավելել՝ նախարարությունում, ըստ իրենց կայքի, 2016 թ. հաստիքացուցակով 326 հաստիք կա»:
Մանրամասները թերթի այսօրվա համարում։
Հետևեք մեզ նաև Telegram-ում