Հայաստանի ԱԳ նախարարը կմասնակցի ՀԱՊԿ արտաքին գործերի նախարարների խորհրդի նիստին

ԵՐԵՎԱՆ, 10 ՀՈՒՆԻՍԻ, Times.am: Հայաստանի արտաքին գործերի նախարար Զոհրաբ Մնացականյանը հունիսի 11-ին Ալմաթիում մասնակցելու է Հավաքական անվտանգության պայմանագրի կազմակերպության (ՀԱՊԿ) արտաքին գործերի նախարարների խորհրդի նիստին: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից։