ՀՔԾ քննիչների աշխատասենյակներում ՀՀ որևէ բարձրաստիճան պաշտոնյայի լուսանկար չպետք է լինի. Փաշինյան
12/06/2018 15:55
Նմանատիպ
ԵՐԵՎԱՆ, 12 ՀՈՒՆԻՍԻ, Times.am: ՀՀ վարչապետ նիկոլ Փաշինյանի կարծիքով՝ Հատուկ քննչական ծառայության քննիչների աշխատասենյակներում ՀՀ որևէ բարձրաստիճան պաշտոնյայի լուսանկար չպետք է լինի: Այդ մասին Փաշինյանն ասաց ՀՔԾ նորանշանակ պետ Սասուն խաչատրյանին ՀՔԾ աշխատակազմին ներկայացնելիս:
«Ուզում եմ ի վերջո լուծել իմ և Հատուկ քննչական ծառայության հարաբերություններում առկա մի փոքրիկ դրվագ։ Կարծում եմ, որ Հատուկ քննչական ծառայության քննիչների աշխատասենյակներում ՀՀ որևէ բարձրաստիճան պաշտոնյայի լուսանկար չպետք է լինի, որովհետև հատուկ քննչական ծառայությունը զբաղվում է այնպիսի գործերով, որոնցով կարող է նաև առնչություն ունենալ այդ պաշտոնյաների հետ», – ասաց վարչապետը՝ ավելացնելով, որ ՀՔԾ քննիչների աշխատասենյակներում պետք է լինի ՀՀ զինանշանը և դրոշը։
Հետևեք մեզ նաև Telegram-ում