ՄԻԵԴ-ում Հայաստանի ներկայացուցչի պաշտոնում Գևորգ Կոստանյանին կփոխարինի Արտակ Ասատրյանը
15/06/2018 13:53
Նմանատիպ
ԵՐԵՎԱՆ, 15 ՀՈՒՆԻՍԻ, Times.am: Մարդու իրավունքների եվրոպական դատարանում Հայաստանի ներկայացուցչին այսուհետ կնշանակի և պաշտոնից կազատի վարչապետը՝ արդարադատության նախարարի առաջարկությամբ: Նման որոշում ընդունվեց կառավարության նիստում։
Որոշման մեջ նշվում է նաև, որ ՄԻԵԴ-ում Հայաստանի ներկայացուցիչ կարող է նշանակվել Հայաստանի Հանրապետության այն քաղաքացին, ով տիրապետում է մարդու իրավունքների վերաբերյալ Հայաստանի Հանրապետության օրենսդրությանը, միջազգային ակտերին և անգլերենին կամ ֆրանսերենին:
Արդարադատության նախարար Արտակ Զեյնալյանը տեղեկացրեց, որ ՄԻԵԴ-ում Հայաստանի ներկայացուցչին կփոխարինի Արդարադատության փոխնախարար Արտակ Ասատրյանը։
Հետևեք մեզ նաև Telegram-ում