Արցախի համայնքներում աշխատող ավելի քան 400 բուժքույրեր կվերապատրաստվեն
Նմանատիպ
ԵՐԵՎԱՆ, 15 ՀՈՒՆԻՍԻ, Times.am: Արցախի Հանրապետության առողջապահության նախարարության և Հայ օգնության ֆոնդի միջև կնքված համագործակցության հուշագրի շրջանակներում Արցախի համայնքներում աշխատող ավելի քան 400 բուժքույրեր կվերապատրաստվեն:
Արցախի առողջապահության նախարարությունից տեղեկացրին, որ «Համայնքային բուժքույրերի ունակությունների բարձրացում» ծրագրի առաջին փուլը մեկնարկել է այս տարվա գարնանը, որի շրջանակներում Արցախի Հանրապետության առողջապահության նախարարության կողմից ընտրված 7 բուժքույր և 4 բժիշկ դասընթացների են մասնակցել Հայաստանի Առողջապահության ազգային ինստիտուտում, ովքեր որպես թրեյներներ իրենց փորձը կփոխանցեն գյուղական վայրերում աշխատող բուժաշխատողներին:
Հայ օգնության ֆոնդը նվիրատվության կարգով Հադրութի շրջանի Տումի և Մեծ Թաղեր գյուղական բժշկական ամբուլատորիաներին տրամադրել է տարբեր բժշկական սարքավորումներ, այդ թվում, պուլսօքսիմետր, գլյուկոմետր, թթվածնի տարա, ստրիպներ, ինչպես նաև ԷՍԳ սարք ինքնավերլուծումով: Վերջինս հնարավորություն կտա տեղում իրականացնել ԷՍԳ, շուտ կողմնորոշվել հիվանդի վիճակի մասին, անհրաժեշտության դեպքում անմիջապես ստանալ սրտաբանի կարծիք ու խորհրդատվություն՝ համացանցի միջոցով:
Հետևեք մեզ նաև Telegram-ում