Ադրբեջանում ցուցարարների հետ բախման ժամանակ երկու ոստիկան է սպանվել

Ադրբեջանում ցուցարարների հետ բախման ժամանակ երկու ոստիկան է սպանվել

ԵՐԵՎԱՆ, 11 ՀՈՒԼԻՍԻ, Times.am: Ադրբեջանի Գյանջա քաղաքում հուլիսի 10-ի երեկոյան 150-200 ցուցարարներ, որոնք ներկայացվում են որպես ինչ-որ «կրոնական խմբավորման» անդամներ, ակցիա են իրականացրել ի պաշտպանություն Գյանջայի քաղաքապետ Էլմար Վելիևի դեմ մահափորձ իրականացրած Յունիս Սաֆարովի:

Այս մասին հայտնում են ադրբեջանական ԶԼՄ-ները:

«Թուրան» լրատվական գործակալության փոխանցմամբ, երբ ոստիկանները փորձել են կանխել ակցիայի անցկացումը, ցուցարարների հետ բախում է տեղի ունեցել, ինչի ժամանակ երկու ոստիկան սպանվել է:

Ինչպես հայտնել են Ադրբեջանի ներքին գործերի նախարարությունից, ոստիկանները մահացել են կտրող-ծակող գործիքից ստացած վնասվածքներից:

Մահացած ոստիկաններն են Գյանջա քաղաքի ոստիկանապետ Իլգար Բալակիշիևը և Նիզամիի շրջանի ոստիկանության պետի տեղակալ Սամեդ Աբասովը:

Հետևեք մեզ նաև Telegram-ում