AM | RU
USD
EUR
RUB

«Ալիևի համար շատ դժվար է լինելու կառավարման 4-րդ շրջանը». ադրբեջանագետ

 

ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Ադրբեջանի Գյանջա քաղաքում տեղի ունեցած վերջին զարգացումները խոսում են այն մասին, որ այդ երկրում կան խնդիրներ մի շարք ուղղություններով: «Արմենպրես»-ի մամուլի սրահում հրավիրված ասուլիսում ադրբեջանագետ Տաթև Հայրապետյանը նշեց, որ թվացյալ պատկերը, թե Ադրբեջանում իրավիճակը վերահսկվում է իշխող ընտանիքի կողմից, տեսնում ենք, որ այս վերջին իրադարձություններն այլ իրողության մասին են խոսում:

«Տեղի ունեցավ մահափորձ քաղաքապետի նկատմամբ, որից հետո ի նշան ձերբակալված անձի պաշտպանության ցույց անցկացվեց, որի ընթացքում 2 բարձրաստիճան ոստիկան սպանվեց: Այնինչ, սովորաբար Ադրբեջանում նման ակցիաների դեպքում լուրջ վերահսկողություն է իրականացվում»,-ասաց Տաթև Հայրապետյանը:

Սկզբնական շրջանում տեղեկատվական դաշտը հաղորդեց, որ քաղաքապետի նկատմամբ մահափորձը կենցաղային ֆոն ուներ, դրանից հետո խոսվեց ծայրահեղ կրոնականների, այնուհետև արտաքին միջամտության մասին, նույնիսկ հայկական հետք էին տեսնում:

Ադրբեջանագետի խոսքով՝ Ադրբեջանի իշխանությունները պատրաստ են նման իրավիճակի առաջացման մեղքը բարդել բոլորի վրա և երբեք չվերցնել պատասխանատվություն: Եվ բավական է, երկրում լինի փոքր արտակարգ իրավիճակ, թե՛ տեղեկատվական, թե՛ պետական համակարգը, թե՛ ինստիտուտները, որոնք, ըստ էության, մեկ մարդուց են կախված, հայտնվում են կոլապսի մեջ:

«Այս դեպքով պայմանավորված՝ այժմ սկսվել է ձերբակալությունների զանգվածային ալիք, խոսվում է մոտ 100 ձերբակալվածի մասին, և նրանց բոլորին ներկայացնում են կրոնական ծայրահեղականների ֆոնի վրա: Իմ համոզմամբ, դա արտաքին ծածկույթն է, իրականում ներքին խնդիրներ կան, առկա են ներիշխանական պայքարի տարրեր»,-ասաց ադրբեջանագետը:

Տաթև Հայրապետյանը նշեց, որ այս բոլոր գործընթացներին իրենց ազդեցությունն են թողնում Հայաստանում տեղի ունեցող փոփոխությունները: Մտավախություն կա, որ հայաստանյան իրադարձությունները կարող են արտահայտվել նաև իրենց երկրում: Տաթև Հայրապետյանի խոսքով, Ալիևի համար շատ դժվար է լինելու կառավարման այս 4-րդ շրջանը, որովհետև խնդիրները գնալով սրվելու են, ընդ որում, կանխատեսումներ կան, որ սա դեռ ավարտը չէ: Ամբողջատիրական թվացյալ վերահսկողությունն իր ճաքերն է տալիս, որովհետև ինստիտուտները չեն գործում:

Փորձագետ Լիանա Հովհաննիսյանի խոսքով, Ադրբեջանում տեղի ունեցած վերջին իրադարձությունները կարող են ինչ-որ կերպ ազդեցություն ունենալ սահմանային իրավիճակի վրա: Սովորաբար հասարակության ներքին խնդիրներից շեղելու համար, իշխանությունները փորձում են հանրությանը համախմբել արտաքին թշնամու նկրտումների գաղափարի շուրջ: Եվ պատահական չեն այս առումով հնչող հակահայկական հայտարարությունները:

«Ադրբեջանի գործողությունները դրսևորվում են մի քանի ուղղություններով՝ քաղաքական, ռազմական, տեղեկատվական, քարոզչական: Քաղաքական դաշտում Ադրբեջանի ապակառուցողական դիրքորոշումը դրսևորվում է բանակցային սեղանի շուրջ՝ շարունակելով չկատարել նախկինում ձեռք բերված պայմանավորվածությունները: Ադրբեջանի բարձրաստիճան պաշտոնյաններից հնչում են ուժի կիրառման սպառնալիքի մասին հայտարարություններ, կարծես թե փորձում են հանրությանը պատրաստել պատերազմի, տեղի են ունենում կրակակետերի փոփոխություններ, ռազմական տեխնիկայի, զինուժի կուտակումներ: Այստեղ, կարծում եմ, միջազգային հանրությունն անելիք ունի, համարժեք պետք է արձագանքի իրավիճակը մեղմացնելու համար»,-ասաց փորձագետը:

Ինչ վերաբերում է տեղեկատվական, քարոզչական ոլորտում քայլերին, այստեղ նույնպես ակտիվություն է նկատվում, որն ուղեկցվում է ապատեղեկատվության տարածմամբ: Փորձագետը նշեց, որ հայկական մեդիան շատ գործ ունի անելու:

Լրահոս
Տնտեսի կիրակին՝ վաղը Սիրիայի դեմոկրտական ուժերը հայտարարել են ԻՊ-ի դեմ վերջնական հաղթանակի մասին Ստեփանծմինդա–Լարս ավտոճանապարհը բաց է տրանսպորտային բոլոր միջոցների համար Վարդենյաց լեռնանցքը ծանրաքաշ և կցորդիչով մեքենաների համար փակ է Դավիթ Տոնոյանը հանդիպել է Ադրբեջանում ազատազրկման դատապարտված Կարեն Ղազարյանի հոր հետ ՀԱՊԿ գլխավոր քարտուղարի հարցի շուրջ կառույցի ներսում քննարկումները շարունակվում են «Իրականությունից անտեղյակ «խորհրդատուների» հորինվածքներին պետք է վերաբերվել համբերատարությամբ». Լևոն Մնացականյան Չինաստանի քիմիական գործարանում պայթյունի հետևանքով վնասվել է 2800 բնակելի տուն Ռոբերտ Քոչարյանը 5-րդ գանգատն է ներկայացրել ՄԻԵԴ «Պայքարելու ենք, որ մեր երեխաները հետ գան իրենց զորամաս» Գլեդիս Բերեջիկլյանը հաղթել է Նոր Հարավային Ուելսի ընտրություններում և դարձել նահանգի առաջին ընտրված կին վարչապետը Արցախի երիտասարդները Եռաբլուրում շաբաթօրյակ և ծառատունկ իրականացրին (Տեսանյութ) Արցախում խորհրդակցություն է անցկացվել կուտակային կենսաթոշակային համակարգի ներդրման մասին Հայկական դիրքերի ուղղությամբ արձակվել է ավելի քան 1900 կրակոց Մակրոնը՝ «դեղին բաճկոնների» դեմ զորք դուրս բերելու մասին Այսօրվանից Աստանան պաշտոնապես վերանվանվել է Նուր-Սուլթան ՀՀ ԶՈՒ և ԶՈՒ ԳՇ ղեկավար կազմի հետ անցկացվել է խորհրդակցություն Դավիթ Տոնոյանն ու Անջեյ Կասպրշիկը քննարկել են արցախա-ադրբեջանական ուժերի առաջնագծում տիրող իրավիճակը Հանրապետությունում առաջիկա օրերին կլինեն տեղումներ, օդի ջերմաստիճանը կնվազի Չինաստանի քիմիական գործարանում պայթյունի հետևանքով վնասվել է 2800 բնակելի տուն «Հրապարակ». «Ցելով ուզում են ինձ ոչնչացնել» «Ժամանակ». ՊԵԿ շարքային աշխատողների համար այլևս պարգևատրումներ չեն լինի, պարզվում է ավտոբուսների մեջ խոսելն է պատճառը «Ժամանակ». Ինչ նպատակով է Հակոբ Արշակյանը վետո դրել գործարարի ներդրումային ծրագրի վրա «Փաստ». Միլիոններ՝ ընդամենը մի քանի ամսվա ճանապարհի շինարարության համար «Հրապարակ». Ալեն Սիմոնյանը չի հիասթափվել «Փաստ». Լարված են Ռուբեն Ռուբինյանի և Արման Եղոյանի հարաբերությունները «Հրապարակ». Փորձառուները հեռացան՝ տեղը զիջելով երիտասարդին «Ժողովուրդ». Ինչու են դանդաղել հարկային հավաքագրման տեմպերը ՕՐՎԱ ԽՈՐՀՈՒՐԴԸ: Մարտի 23 Արցախում մտադիր են փոխել ընտրական օրենսգիրքը Yeni Şafak. Թուրք մասնագետները կմեկնեն Ադրբեջան՝ S-300-ներն ուսումնասիրելու համար Սուրեն Քրմոյանը և Արթուր Հովհաննիսյանն ազատվել են արդարադատության նախարարի տեղակալի պաշտոններից Նիկոլ Փաշինյանը և Անջեյ Կասպրչիկը քննարկել են ԼՂ հակամարտության կարգավորման բանակցային գործընթացին առնչվող հարցեր Արցախի ԱԳՆ-ն ողջունում է Կանադայում Արցախի հետ խորհրդարանական բարեկամության խմբի ստեղծումը Նիկոլ Փաշինյանն ընդունել է ԱՄՆ դեսպան Լին Թրեյսիին Թերեզա Մեյին Բրյուսելում հարկ Է եղել ընթրել ԵՄ-ի մյուս ղեկավարներից առանձին. The Daily Mail Էրդողանին խիստ վրդովվեցրել է Թրամփի գրառումը Պետական եկամուտների կոմիտեն փոխում է հարկ վճարողների գույքի արգելադրման վարչարարությունը ԱԺ աշխատակազմը պարզաբանել է մաքրուհիների հետ կապված խնդիրը Լոռու մարզում 15-ամյա տղան լուսանկարվելիս մոտ 150 մետր բարձրությունից ընկել է անդունդը
Խմբագրի ընտրություն
Ամենաընթերցված
website by Sargssyan