AM | RU
USD
EUR
RUB

Քաղաքական ուժերն իրար զիջում են, որպեսզի ընտրական օրենսդրության բարեփոխումների միասնական նախագիծ կազմեն

 

ԵՐԵՎԱՆ, 20 ՀՈւԼԻՍԻ, Times.am: Արտահերթ խորհրդարանական ընտրությունները պետք է անցկացվեն դասական համամասնական ընտրակարգով: Այս մասին հուլիսի 20-ին ԱԺ ընտրական օրենսդրության բարեփոխումների նպատակով աշխատանքային խմբի հերթական նիստի ընթացքում հայտարարեց «Ելք» դաշինքի ներկայացուցիչ Էդմոն Մարուքյանը: Մարուքյանի խոսքով՝ դա կհեշտացնի ընտրությունների կազմակերպումն ու անցկացումը:

«Ելք»-ի ու Կառավարության կողմից այս տարբերակն ընդունվել է, որովհետև արտահերթ ընտրություններ կազմակերպելու խնդիր կա: Որքան բարդ եղավ ընտրակարգը, այնքան հետաձգվելու են ընտրությունները։ Իսկ դրանց հետաձգման դեպքում այն իրավիճակը, որ այսօր մենք ունենք, երբ պարզ չէ՝ ով է իշխանություն, ով՝ ընդդիմություն, ավելի է սրվելու»,- նշեց Էդմոն Մարուքյանը:

ՀՀԿ-ն կողմ չէ այն մտքին, թե փակ համամասնական ընտրակարգից բացի այլ տարբերակը կարող է խանգարել ընտրությունների արագ անցկացմանը: ՀՀԿ ներկայացուցիչ Դավիթ Հարությունյանի խոսքով՝ եթե իրենց առաջարկը չընդունվի, իրենք կպաշտպանեն ՀՅԴ-ի ծրագիրը։

«Դաշնակցության մոդելն ունի մեկ թերություն. նրանց առաջարկով չի երաշխավորվի տարածքային թեկնածուների պարտադիր ներկայացվածությունը ԱԺ-ում։ Քանի որ որևէ մեկը չպաշտպանեց այն տարբերակը, որը մենք ենք առաջարկել, այս պարագայում նախընտրում ենք դաշնակցության առաջարկը, որովհետև այն ավելի ժողովրդավարական է: Այս մոդելը հնարավորություն է տալիս ուժեղացնել ներկուսակցական ժողովրդավարությունը»,- ասաց Դավիթ Հարությունյանը:

«Ծառուկյան» դաշինքն առաջարկում է ընտրացուցակները հաշվելու գործընթացում վերացնել կամ հնարավորինս նվազեցնել մարդկային գործոնը: Դաշինքի ներկայացուցիչ Նաիրա Զոհրաբյանի խոսքով՝ սա իր մեջ ձայների հափշտակման մեծ ռիսկեր է պարունակում:

«Որևէ մեկը չի կարող երաշխիք տալ, որ իր կուսակիցները չեն վերցնի այլ անձի համար քվեարկած քվեաթերթիկը և դնեն իրենց անվան տակ»,- նշեց Նաիրա Զոհրաբյանը:

Դաշնակցության ներկայացուցիչ Արմեն Ռուստամյանը նույնպես հակված է մարդկային գործոնը վերացնելուն, և այս խնդրի պարագայում թիմային վստահության պակասի հարց է նկատում:

«Եթե իրարից ձայն խլելու ռիսկ կա, նշանակում է, որ թիմում ու տեղամասում վստահության մթնոլորտ չկա։ Սա ընտրական գործընթացի կարևորագույն հիմնաքարերից մեկն է, այսինքն՝ մենք չենք կարողանում ընտրությունները վերահսկել։ Կողմ եմ տեխնիկական լուծումներին, որ մարդկային գործոնը վերանա, դրա համար կարելի է նաև մեծ գումարներ ներդնել»,- նշեց Արմեն Ռուստամյանը:

ԱԺ ընտրական օրենսդրության բարեփոխումների նպատակով աշխատանքային խմբի հերթական նիստի ընթացքում քննարկվեց նաև թեկնածուների անհատական քարոզարշավ անցկացնելու հարցը: Այս հարցի շուրջ կուսակցություններն ունեն միասնական դիրքորոշում՝ պետությունն անհատին առանձին քարոզարշավ իրականացնելու հնարավորություն չի տալու:

«Անհատներն առանձին նախընտրական հիմնադրամներ չեն կարող բացել: Եթե ցանկանում են իրենց ներկայացնել, ապա կարող են դա անել սեփական միջոցներով, օրինակ՝ տվյալ տարածքում տնետուն գնալով»,- ասաց ՀՅԴ ներկայացուցիչ Արմեն Ռուստամյանը:

«Ծառուկյան» դաշինքը հայտարարեց, որ իրենք պատրաստ են կոնսենսուսի ու քննարկել բոլոր տարբերակները:

«Բոլորիս նպատակը մեկ միասնական նախագիծ ունենալն է։ Մենք պատրաստ ենք կոնսենսուսի ու փոխզիջման, եթե մեր առաջարկած տարբերակի հետ համաձայն չեք, կարող ենք այլ բան քննարկել»,- նշեց Նաիրա Զոհրաբյանը:

Քաղաքական ուժերը հաջորդ նիստի ընթացքում կքննարկեն ներկայացված բոլոր առաջարկներն ու կառանձնացնեն նրանք, որոնք պետք է ընդգրկվեն բարեփոխումների նախագծում:

Լրահոս
Տնտեսի կիրակին՝ վաղը Սիրիայի դեմոկրտական ուժերը հայտարարել են ԻՊ-ի դեմ վերջնական հաղթանակի մասին Ստեփանծմինդա–Լարս ավտոճանապարհը բաց է տրանսպորտային բոլոր միջոցների համար Վարդենյաց լեռնանցքը ծանրաքաշ և կցորդիչով մեքենաների համար փակ է Դավիթ Տոնոյանը հանդիպել է Ադրբեջանում ազատազրկման դատապարտված Կարեն Ղազարյանի հոր հետ ՀԱՊԿ գլխավոր քարտուղարի հարցի շուրջ կառույցի ներսում քննարկումները շարունակվում են «Իրականությունից անտեղյակ «խորհրդատուների» հորինվածքներին պետք է վերաբերվել համբերատարությամբ». Լևոն Մնացականյան Չինաստանի քիմիական գործարանում պայթյունի հետևանքով վնասվել է 2800 բնակելի տուն Ռոբերտ Քոչարյանը 5-րդ գանգատն է ներկայացրել ՄԻԵԴ «Պայքարելու ենք, որ մեր երեխաները հետ գան իրենց զորամաս» Գլեդիս Բերեջիկլյանը հաղթել է Նոր Հարավային Ուելսի ընտրություններում և դարձել նահանգի առաջին ընտրված կին վարչապետը Արցախի երիտասարդները Եռաբլուրում շաբաթօրյակ և ծառատունկ իրականացրին (Տեսանյութ) Արցախում խորհրդակցություն է անցկացվել կուտակային կենսաթոշակային համակարգի ներդրման մասին Հայկական դիրքերի ուղղությամբ արձակվել է ավելի քան 1900 կրակոց Մակրոնը՝ «դեղին բաճկոնների» դեմ զորք դուրս բերելու մասին Այսօրվանից Աստանան պաշտոնապես վերանվանվել է Նուր-Սուլթան ՀՀ ԶՈՒ և ԶՈՒ ԳՇ ղեկավար կազմի հետ անցկացվել է խորհրդակցություն Դավիթ Տոնոյանն ու Անջեյ Կասպրշիկը քննարկել են արցախա-ադրբեջանական ուժերի առաջնագծում տիրող իրավիճակը Հանրապետությունում առաջիկա օրերին կլինեն տեղումներ, օդի ջերմաստիճանը կնվազի Չինաստանի քիմիական գործարանում պայթյունի հետևանքով վնասվել է 2800 բնակելի տուն «Հրապարակ». «Ցելով ուզում են ինձ ոչնչացնել» «Ժամանակ». ՊԵԿ շարքային աշխատողների համար այլևս պարգևատրումներ չեն լինի, պարզվում է ավտոբուսների մեջ խոսելն է պատճառը «Ժամանակ». Ինչ նպատակով է Հակոբ Արշակյանը վետո դրել գործարարի ներդրումային ծրագրի վրա «Փաստ». Միլիոններ՝ ընդամենը մի քանի ամսվա ճանապարհի շինարարության համար «Հրապարակ». Ալեն Սիմոնյանը չի հիասթափվել «Փաստ». Լարված են Ռուբեն Ռուբինյանի և Արման Եղոյանի հարաբերությունները «Հրապարակ». Փորձառուները հեռացան՝ տեղը զիջելով երիտասարդին «Ժողովուրդ». Ինչու են դանդաղել հարկային հավաքագրման տեմպերը ՕՐՎԱ ԽՈՐՀՈՒՐԴԸ: Մարտի 23 Արցախում մտադիր են փոխել ընտրական օրենսգիրքը Yeni Şafak. Թուրք մասնագետները կմեկնեն Ադրբեջան՝ S-300-ներն ուսումնասիրելու համար Սուրեն Քրմոյանը և Արթուր Հովհաննիսյանն ազատվել են արդարադատության նախարարի տեղակալի պաշտոններից Նիկոլ Փաշինյանը և Անջեյ Կասպրչիկը քննարկել են ԼՂ հակամարտության կարգավորման բանակցային գործընթացին առնչվող հարցեր Արցախի ԱԳՆ-ն ողջունում է Կանադայում Արցախի հետ խորհրդարանական բարեկամության խմբի ստեղծումը Նիկոլ Փաշինյանն ընդունել է ԱՄՆ դեսպան Լին Թրեյսիին Թերեզա Մեյին Բրյուսելում հարկ Է եղել ընթրել ԵՄ-ի մյուս ղեկավարներից առանձին. The Daily Mail Էրդողանին խիստ վրդովվեցրել է Թրամփի գրառումը Պետական եկամուտների կոմիտեն փոխում է հարկ վճարողների գույքի արգելադրման վարչարարությունը ԱԺ աշխատակազմը պարզաբանել է մաքրուհիների հետ կապված խնդիրը Լոռու մարզում 15-ամյա տղան լուսանկարվելիս մոտ 150 մետր բարձրությունից ընկել է անդունդը
Խմբագրի ընտրություն
Ամենաընթերցված
website by Sargssyan