AM | RU
USD
EUR
RUB

Յուրի Խաչատուրովը մեղադրանքը չի մեկնաբանում ՀՀ-ի իմիջը չվնասելու համար, իսկ կալանքի որոշումը վիճարկում ենք. պաշտպան

 
 

ԵՐԵՎԱՆ, 10 ՕԳՈՍՏՈՍԻ, Tert.am։ ՀԱՊԿ գլխավոր քարտուղար, 2008թ.-ին ՀՀ պաշտպանության նախարար Միքայել Հարությունյանի տեղակալ, «Մարտի 1-ի» գործով մեղադրյալ Յուրի Խաչատուրովի պաշտպանները նրա նկատմամբ կալանավորումը թույլատրելի ճանաչելու որոշման դեմ բողոք են ներկայացրել Վերաքննիչ քրեական դատարան: Այս առնչությամբ Tert.am-ը զրույցեց Յուրի Խաչատուրովի պաշտպաններից Միհրան Պողոսյանի հետ:

- Պարո՛ն Պողոսյան, ի՞նչ բողոք եք ներկայացրել Վերաքննիչ դատարան:

- Նախ նշեմ, որ առաջին ատյանի դատարանն իր կայացրած որոշման մեջ Յուրի Խաչատուրովի առնչությունը սահմանադրական կարգի տապալմանը հաստատված չի համարել։

Այսինքն՝ դատարանն իր կողմից կայացված դատական ակտում հստակ ֆիքսել է, որ ներկայացված նյութերով չի հիմնավորվում, որ Յուրի Խաչատուրովն առնչություն ունի սահմանադրական կարգի տապալման հետ: Այս պարագայում, այնուամենայնիվ, վերջինիս նկատմամբ կալանավորումը դատարանը թույլատրելի էր համարել:

Այդ հիմնավորումը վիճարկելու համար ներկայացրել ենք վերաքննիչ բողոք և վիճարկում ենք հենց կալանքի որոշումը:

- Իսկ ինչո՞ւ դատարանը հիմնավոր չի համարել մեղադրանքը, բայց այնուամենայնիվ համարում է կալանքի հիմքեր կան:

- Իրավական ձևակերպման խնդիր է, հենց դա պարզելու համար մենք վիճարկում ենք առաջին ատյանի դատարանի որոշումը կալանքի վերաբերյալ և գտնում ենք, որ եթե անձին առաջադրված մեղադրանքի առնչության վերաբերյալ կասկածը չի հիմնավորվել, ուրեմն կալանքը թույլատրելի չէ , և այդ հիմքով էլ վիճարկում ենք:

Հիմնավորվեց մեր տեսակետը, որ մենք որևէ առնչություն չունենք նշված մեղադրանքի հետ, դատարանը փաստել է դա, սակայն կալանքը թույլատրելի է համարել:

- Այժմ ՀԱՊԿ գլխավոր քարտուղարը աշխատանքային գործունեության մե՞ջ է, և այնտեղ ի՞նչ է հայտնում իր մեղադրանքի մասին, եթե ձեզ հայտնի է: Բացի այդ, իր դեմ առաջադրված մեղադրանքը ինչ-որ բան փոխե՞լ է նրա անձի նկատմամբ աշխատանքային մթնոլորտում։

- Աշխատանքային պարտականությունների անմիջականորեն կատարմանը Յուրի Խաչատուրովը անցել է կարծեմ օգոստոսի 4-ից: Ինձ հայտնի չէ որևէ փոփոխություն իր անձի նկատմամբ՝ պայմանավորված մեղադրանքով, եթե չեմ սխալվում նույնիսկ մամուլի քարտուղարի միջոցով հանրության տեղեկացրել էր, որ որպես ՀԱՊԿ գլխավոր քարտուղար չի մեկնաբանում առաջադրված մեղադրանքը, և դա Հայաստանի ներքին խնդիրն է:

Պարոն Խաչատուրովը չի ցանկանում իր մեկնաբանություններով ՀՀ-ին որևէ վնաս կամ իմիջային բացասական երանգ հաղորդել, այդ իսկ պատճառով որևէ մեկնաբանություն չի տալիս հարուցված քրեական գործի վերաբերյալ:

- Մեկնաբանություն չի տալիս Ռուսաստանում, իսկ որևէ դիրքորոշում չի՞ հայտնել մեղադրանքի մասին, և բացի այդ, արդյո՞ք ներկայանալու է Վերաքննիչ դատարան, հայտնի՞ է նիստի օրը, թե դեռ բողոքը նոր է վարույթ ընդունվելու:

- Ոչ, դեռևս հայտնի չէ Վերաքննիչ քրեական դատարանում նիստի օրը: Հաշվի առնելով, որ Վերաքննիչ դատարան ներկայանալն արդեն ոչ թե պարտավորություն է այլ իրավունք, այդ դեպքում նիստի օրը հայտնի դառնալուն պես կքննարկենք ներկայանալու կամ չներկայանալու հնարավորությունը: Ես նշեցի, որ Յուրի Խաչատուրովը մեղադրանքը չի մեկնաբանում Ռուսաստանում, նշեմ, որ ընդհանրապես չի մեկնաբանում, որպեսզի որևէ պարագայում բացասական որևէ արձագանք Հայաստանի հանդեպ չլինի: Մեղադրանքի վերաբերյալ ասեմ, որ մենք ի սկզբանե պնդել ենք, որ նա առնչություն չունի մեղադրանքի հետ, և դատարանը հաստատել է մեր կողմից նշված տեսակետը, որ սահմանադրական կարգի տապալմանը Խաչատուրովը որևէ առնչություն չունի:

- Բազմիցս նշվում է, որ դատարաններն այլևս անկախ են: Դուք ակնկալո՞ւմ եք, որ Յուրի Խաչատուրովը հենց այդ հիմնավորմամբ քրեական հետապնդման չի ենթարկվի, հետապնդումը կդադարեցվի նախքան նախաքննության ավարտն ու գործը դատարան ուղարկելը:

- Ամեն դեպքում ես կարծում եմ, որ պետք է կայացվի օրինական դատական ակտ և այդ ակտով կփաստվի, որ Յուրի Խաչատուրովը ենթադրյալ հանցագործության կատարման հետ որևէ առնչություն չունի:

Լրահոս
Վաղը ցերեկը մայրաքաղաքում ջերմաստիճանը կհասնի +11-ի Թումանյանի թողած ժառանգությունը համամարդկային է. Գարեգին Բ Արցախի ԱԳ նախարար Մասիս Մայիլյանին ընդունել է Հարավային Օսիայի նախագահը Հայաստանում ալյուրի արտադրությունը զգալի նվազել է Ռուս սահմանապահը հայտնաբերել է անհետ կորած քաղաքացու դին ԱՄՆ սենատոր Բերնի Սանդերսը 2020թ-ին կրկին կպայքարի ԱՄՆ նախագահի պաշտոնի համար ԵԱՀԿ գործող նախագահը կայցելի Երևան և Բաքու՝ ղարաբաղյան կարգավորման հարցը քննարկելու համար Պարոնայք, իսկ երբեմն էլ` տիկնայք ավելի լավ է ոչինչ մի ձեռնարկեք Հայաստանի նոր իշխանությունները չունեն երկրի զարգացման և ոչ մի ռազմավարական ծրագիր Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում Կիսանախագահական համակարգի անցնելու առաջարկությունը նման է կրկեսի. Սահմանադրագետ ՌԴ-ում քաղաքական մակարդակով որոշում կա հայկական վարորդական վկայականով ավտոմեքենա վարելու արգելքը հանելու. Մելքումյան Ամենայն հայոց բանաստեղծի ծննդավայրում հնչում են նրա ստեղծագործությունները Ռամիլ Սաֆարովին Հունգարիա վերադարձնելու պահանջով ՄԻԵԴ ներկայացված գանգատով որոշումն ակնկալվում է այս տարի ՊԵԿ-ը կանխել է մաքսային կանոնների խախտմամբ Հայաստան ոսկյա զարդեր ներկրելու փորձը ԻՊ-ն Աֆղանստանում ստեղծել է ահաբեկչական նոր «ցանց» Արարատ Միրզոյանը հայտնում է սահմանադրական փոփոխությունների օրակարգի առկայության մասին Թուրքիայի Մեջլիսի նախագահը հրաժարական է տվել «Քարվաճառի դիվերսանտները». Ադրբեջան՝ պետություն, որտեղ հայ սպանելը հերոսություն է ԱԺ խմբակցությունները Կալաշնիկովի հետ հանդիպմանը քննարկել են նաև Վերին Լարսի այլընտրանքային ճանապարհի հարցը Կնոջ պաշտպանված ու բարձր գնահատված դերը թե՛ առողջ հասարակության, թե՛ ամուր պետության պարտադիր երաշխիք է.ՄԻՊ Իսրայելական տխրահռչակ Aeronautics ընկերությունը հայտարարել է Ադրբեջանի հետ նոր գործարքի մասին Հնդկաստանում ՌՕՈՒ երկու ինքնաթիռ է բախվել ԱԱԾ-ն հաստատում է Սեդրակ Քոչարյանին մեղադրանք առաջադրելու լուրը Սպանությունից 15 տարի անց ԵԱՀԿ ԽՎ ձմեռային նստաշրջանին մասնակցելու համար ՀՀ ԱԺ պատվիրակությունը կմեկնի Վիեննա ԵՄ-ն Ռուսաստանին ընդգրկել է մարդու իրավունքները համակարգային խախտողների ցանկում Սբ. Գևորգ եկեղեցում ադրբեջանցու նկարահանած տեսանյութը նոր չէ. Վիրահայոց թեմը պարզաբանում է Հայաստանը որևէ կերպ չարձագանքեց ռուսական առաջատար ԶԼՄ-ներին Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար Կարեն Սարգսյանն ազատվել է հատուկ հանձնարարությունների գծով Արցախի նախագահի ներկայացուցչի պաշտոնից Արամ Առաջինը եկել է Հայաստան Նախարարի տիկնոջ ընկերությունը 2.5 անգամ, իսկ «Աստղիկ» ԲԿ-ն մեկ միլիարդ դրամով ավելի պետական ֆինանսավորում կստանա Կալանավորը փախել է Հանրապետական հիվանդանոցից Ապարանի և Արագածի ավտաճանապարհներին բուք է Հայաստանի մշակութային օրացույցում փետրվարի 19-ը տոն է. նշվում է Թումանյանի 150-ամյակը «Փաստ». Խորհրդարանակա՞ն, թե՞ կիսանախագահական «Ժամանակ». Ինչու է Փաշինյանը ԿԲ ղեկավարի պաշտոնում ցանկանում իր մարդուն տեսնել «Ժողովուրդ». Օպտիմալացման ենթակա գերատեսչությունները կշարունակեն աշխատանքը շունչները պահած «Հրապարակ». Վարչապետի՞, թե՞ քաղաքապետի օգնական
Խմբագրի ընտրություն
website by Sargssyan