AM | RU
USD
EUR
RUB

Վարչապետության 100 օր։ Ի՞նչ պատասխան տալ ժողովրդին

 

Օգոստոսի 17-ին ՀՀ վարչապետ Նիկոլ Փաշինյանը հանրահավաք է հրավիրել։ Նա որոշել է իր պաշտոնավարման առաջին 100 օրերի գործերը քննարկել հանրության հետ, խոսել կատարված գործերից, քննարկել ապագա ծրագրերը։ Իհարկե, շատերը կարծիք հայտնեցին, որ իրականում վարչապետ Փաշինյանը, հանրահավաք հրավիրելով, շատ ավելի լուրջ նպատակներ է հետապնդում՝ օրինակ, ուզում է Ռուսաստանին բռունցք ցույց տալ կամ էլ թե իր գործերի համար ժողովրդի «դոբրոն» ստանա, բայց մենք դեռ զերծ կմնանք նման մեկնաբանություններից՝ կենտրոնանալով Փաշինյանի հայտարարած նպատակների վրա։

Եվ այսպես, նա ասում է, որ «պետք է կարևոր խոսակցություն ունենալ այն մասին, թե Հայաստանի Հանրապետությունում ինչ է տեղի ունեցել վերջին 100 օրվա ընթացքում… և ինչ է տեղի ունենալու հետո»։ Ի՞նչ խոսք, դա կարող է հետաքրքիր զրույց լինել, եթե, իհարկե, Կառավարության ղեկավարն այն չվերածի մենախոսության։ Հաշվի առնելով, որ այդ «զրույցը» Հանրապետության հրապարակում պետք է տեղի ունենա, իսկ բարձրախոսն էլ հենց Փաշինյանի ձեռքում է լինելու, դրա հավանականությունը շատ մեծ է։ Նման դեպքերում ժողովրդին սովորաբար «այո» կամ «ոչ» ասելն է միայն մնում։

- Կոռուպցիան երկրից պիտի՛ վերանա…
- Այոոոո….
- Բոլոր թալանչիները պիտի՛ պատժվեն։
- Այոոո…
- Դուք ուզու՞մ եք ապրել աղքատ երկրում։
- Ոոոոչչ…
- Ես ձեզ սիրում եմ։
- ...
Դե այսպիսինն է հանրահավաքների ձևը։ Համենայն դեպս այն, ինչը մենք տեսել ենք մեր երկրում։ Դրա համար սպասելիքներն էլ առաջիկա «զրույցից» շատ մեծ չեն։ Խոսքը, իհարկե, հանրահավաքին է վերաբերվում։ Բայց դրանից դուրս, օրինակ, մամուլում, կարելի է խոսել։ Մանավանդ, որ իշխանական թիմն արդեն նախաձեռնել է նման զրույց։ Այդ են վկայում տարբեր պաշտոնյաների, քարոզիչների՝ Փաշինյանի Կառավարության գովերգող բազմաթիվ մեկնաբանությունները, գրառումներն ու հոդվածները։

Ի դեպ, ընթերցողի թույլտվությամբ մի պահ շեղվենք նյութի հիմնական բովանդակությունից՝ նշելու համար, որ Փաշինյանի թիմը ինքն իրեն փառաբանելու հարցում որդեգրել է նախկին իշխանությունների մարտավարությունը։ Նրանք էլ էին ամեն պատեհ և անպատեհ առիթով փորձում ցույց տալ, որ լավագույնն են, սրանք էլ։ Նրանք էլ էին անընդհատ «փիարվում», սրանք էլ։ Նրանք էլ էին միայն ժողովրդի հոգսով ապրում, սրանք էլ… Մի խոսքով, շանը շան կողքը կապես, գիտեք թե ինչ կլինի։

Բայց դա չէ կարևորը։ Առավել մտահոգողն այն է, որ իշխանական թիմը այսօր ընդհնարապես չի խոսում իր սխալների ու բացթողումների մասին, որոնք ի դեպ, շատ էին այս 100 օրերի համար։ Չափազանց շատ։ Օրինակ, ոչ ոք չի խոսում այն մասին, որ Հայաստանը շատ կարևոր հարաբերություններ է կորցնում Ռուսաստանի, Եվրոպայի և Միացյալ Նահանգների հետ։ Խնդիրներն արտաքին քաղաքականության ոլորտում վաղուց արդեն անցել են վտանգավոր կոչվելու եզրը։ Ոչ ոք՝ ինկատի ունեմ իշխանական թիմից, չի խոսում, որ արդարադատությունը Հայաստանում կամայական է դարձել, որ երկրում վերաբացվել է քաղաքական հետապնդումների ու բռնությունների էջը։ Ոչ ոք չի խոսում, որ զգետնվել և ոտնահարվում են հայ ժողովրդի համար դարեր շարունակ կենսական նշանակություն ունեցող բազում արժեքներ։ Իշխանությունը լռում է, լռում ու լռում։

Փոխարենը հայտարարվում է, որ, օրինակ, Փաշինյանի կոչից հետո զինծառայությունից խուսափած 156 զինակոչիկ է եկել ծառայության։ Մինչդեռ հետո պարզվեց, որ անցած տարի ավելի մեծ թվով երիտասարդներ են որոշել վերադառնալ և իրենց պարտքը տալ Հայրենիքին։ Այսինքն, Փաշինյանի թիմակիցները փորձում են անգամ բնական պրոցեսները վերագրել վարչապետի հեղինակությանն ու աշխատանքին։ Նույն ձևով խոսվում է արտագաղթի ու ներգաղթի մասին, տնտեսական աճի և այլն։ Իսկ երբ այդ խոսքերին հետևում է պաշտոնական վիճակագրությունը, պարզվում է, որ սայլը դեռ այնտեղ է, որտեղից վերցրել է Փաշինյանը։ Ոչ մի քայլ առաջ։

Այն, որ Կառավարությունն այսօր զբաղված է մարդ բռնելով, վաղուց է արդեն շատերի շուրթերին։ Այն, որ երկրի սոցիալական խնդիրները շարունակում են ծանր քարի պես կախված մնալ ժողովրդի վզին, կրկին փաստ է։ Այն, որ Փաշինյանի պաշտոնավարման ընթացքում Հայաստանի և Արցախի անվտանգային խնդիրները զգալիորեն շատացել են, կրկին անհերքելի է։ Այն, որ երկիրը զարգացման տեսլական չունի, ակնառու է… Եվ ուրեմն ի՞նչ պետք է խոսի Նիկոլ Փաշինյանը հանրահավաքում։ Խաբի՞ մարդկանց, ինչպես դա անում են իր կողքինները։ Թե՞ ասի, որ 2 ոչխարի փոխարեն 10 պահեն։ Հասկանու՞մ եք, լուրջ չէ այս ամենը։ Լուրջ չէ և հիասթափեցնող։

Արմեն ՍԱՀԱԿՅԱՆ

 

Լրահոս
Ալիևն Էրդողանին հորդորել է Կարսում և Իգդիրում իշխանությունը հանձնել ազգայնականներին Նուրսուլթան Նազարբաեւը հրաժարական տվեց Ադրբեջանը Հայաստանի հետ սահմանին նոր զորամաս է տեղակայել Եթե գլխավոր քարտուղար նշանակվի առանց Հայաստանի կարծիքի՝ կնշանակի, որ ՀԱՊԿ գոյություն չունի. Նիկոլ Փաշինյան Աջակողմյան ղեկային տեղաբաշխմամբ տրանսպորտային միջոցներ կարելի է ներմուծել մինչև մայիսի 1-ը. ՊԵԿ Ստեփանծմինդա-Լարս ավտոճանապարհը մարդատար մեքենաների համար բացվել է Փաշինյանը խոսել է հայկական և ադրբեջանական կողմերում պահվող քաղաքացիների փոխանակման հարցի մասին Մանհեթենում անհայտ անձը փողոցում կրակել է մարդկանց վրա Արցախը բանակցություններում ներգրավելու հայտարարությունների շարքը ոչ թե մարտահրավեր է, այլ երկխոսության հրավեր. Փաշինյան Իտալիայի Լացիոն ընդունել է Հայոց ցեղասպանությունը ճանաչող բանաձև Հայաստանի տարածքով իրանական գազի տարանցման շուրջ քննարկումները թափանցիկ են բոլոր գործընկերների համար. Փաշինյան Նիկոլ Փաշինյանի մամուլի ասուլիսը՝ ուղիղ «Խավիարային դիվանագիտություն» իրականացնելու փոխարեն ԱՄԷ-ում Ադրբեջանի դեսպանը խավիարը գողացել է Արման Օսիկյանը նշանակվել է Կադաստրի «գրասենյակների վարչության» պետ Էրդողան. Թուրքիայի վերելքը զայրացնում է մնացած խաչակիրներին Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար Հանրապետությունում կան դժվարանցանելի ճանապարհներ. տեղ-տեղ առկա է մերկասառույց «Իրատես». Կենտրոնի բազում խնդիրները թողած սկսել է ոչ էականից «Ժողովուրդ». Ինչ ճակատագիր կունենա հարկային օրենսգրքում փոփոխությունը «Հրապարակ». Երիտասարդ իշխանությունների «աքիլեսյան գարշապարն» իրենց կանայք են «Ժամանակ». Սահմանափակվում է բուքմեյքերական ընկերությունների ֆիզիկական ներկայությունը «Ժողովուրդ». Զեյնալյանի թիրախում են Վճռաբեկի քաղաքացիական պալատի 11 դատավորներ «Ժամանակ». Արարատի մարզպետը որոշել է իրենով անել Աբրահամյաններին պատկանող բիզնեսները «Փաստ». «Վստահության կորստի» իրավական և քաղաքական ենթատեքստերը «Հրապարակ». Միջազգային ներկայացվածությամբ ընկերությունների մոտ դժգոհություններ են հասունանում ՕՐՎԱ ԽՈՐՀՈՒՐԴԸ: Մարտի 19 Զոհրաբ Մնացականյանը հեռախոսազրույց է ունեցել Սերգեյ Լավրովի հետ Դավիթ Տոնոյանը և ԿԽՄԿ պաշտոնյան կարևորել են Կարեն Ղազարյանի կանոնավոր տեսակցությունների և նամակագրության ապահովումը Ղարաբաղի հարցը ամենամտահոգիչներից է և խիստ ցանկալի է, որ հարցին մոտենան մասնագետները. Էդգար Էլբակյան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Վերաքննիչ դատարանը մերժեց ԱԱԾ տնօրենի և ՀՔԾ պետի գաղտնալսման գործով Քոչարյանին տուժող ճանաչելը Տնտեսական հեղափոխությունն ու Հայաստանի բանկային ոլորտը Շվեդիայում հուշարձան կկանգնեցվի՝ ի հիշատակ հայերի ու ասորիների ցեղասպանության Կարեւոր ենք համարում ԵՄ-ի հետ մեր հարաբերությունների խորացումը Նախագահ Սարգսյանն ընդունել է Ամերիկայի հայկական համագումարի համանախագահին Վերաքննիչ դատարանը մերժել է Քոչարյանի պաշտպանների ներկայացրած բողոքը Ստամբուլում վերջին հրաժեշտը տվեցին Պոլսի Հայոց պատրիարք Մեսրոպ Մութաֆյանին C-400 համակարգերի գնման շուրջ կնքված գործարքը Թուրքիայի համար կարող է աշխարհաքաղաքական նշանակություն ստանալ. թուրքագետ Արցախի հարցն այս փուլում խաղաղ լուծում չունի Արտասահմանյան ջինսերին փոխարինելու կգա հայկականը. Գյումրիում մեկնարկել է «Made in Armenia» ջինսերի արտադրությունը
Խմբագրի ընտրություն
website by Sargssyan