Ադրբեջանի բանակում 18-ամյա զինվոր է մահացել
04/09/2018 18:46
Նմանատիպ
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի բանակում մահացել է 18-ամյա ժամկետային զինծառայող Քենան Հասրեթ օղլու Դադաշովը:
Այս մասին, ինչպես հաղորդում է «Արմենպրես»-ը, հայտնում է ադրբեջանական meydan.tv-ն:
Մահացած զինվորն Ադրբեջանի Ասթարայի շրջանի Փալիքեշ գյուղի բնակիչ էր:
Ասթարայի շրջանի ղեկավարությունը Meydan TV-ի հետ զրույցում նշել է, որ իրենք զինվորի մահվան հանգամանքներից տեղյակ չեն, իսկ Փալիքեշ գյուղի ղեկավարությունը հայտնել է, որ զինվորի դիակը դեռևս գյուղ չի տեղափոխվել:
Ադրբեջանի պաշտպանության նախարարությունը դեպքի վերաբերյալ որևէ հրապարակում չի կատարել, և չի պատասխանել լրատվամիջոցի հարցերին:
Հետևեք մեզ նաև Telegram-ում