AM | RU
USD
EUR
RUB

ԱԺ բոլոր խմբակցությունները պատրաստ են արտահերթ խորհրդարանական ընտրությունների անցկացման վերաբերյալ բանակցությունների

 
 

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովի խմբակցությունները պատրաստ են վարչապետ Նիկոլ Փաշինյանի հետ արտահերթ խորհրդարանական ընտրությունների ժամանակացույցի և պայմանների վերաբերյալ բանակցությունների: «Արմենպրես»-ի հետ զրույցում նման տեսակետ հայտնեցին խմբակցությունների ներկայացուցիչները՝ անդրադառնալով վարչապետի հայտարարությանը, որ առաջիկայում բանակցություններ կհրավիրի խորհրդարանական և ոչ խորհրդարանական քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները:

«Ես, անկեղծ ասած, արտահերթ խորհրդարանական ընտրություններ անցկացնելու հիմքեր չեմ տեսնում, բայց ցանկացած բանակցությունների մենք պատրաստ ենք: Խորհրդարանն աշխատում է իր բնականոն հունով, ընդառաջում է կառավարության բոլոր օրենքներին և ծրագրերին: Մենք որևէ խոչընդոտ չենք ստեղծում՝ առավել ևս ներդրումների հետ կապված, ողջունում և օժանդակում ենք: Նախքան արտահերթ խորհրդարանական ընտրությունները, մենք «Ընտրական օրենսգրքի» փոփոխությունները պետք է ավարտին հասցնենք»,- նշեց ԱԺ ՀՀԿ խմբակցության ղեկավար Վահրամ Բաղդասարյանն ու հավելեց՝ արտահերթ խորհրդարանական ընտրությունները ոչ քաղաքական խնդիրները կարգավորելու մոտեցում չեն:

Բաղդասարյանը, այնուամենայնիվ նշեց, որ ցանկացած տիպի բանակցությունների առաջարկ չեն մերժում: Հարցին՝ հնարավո՞ր է բանակցությունների արդյունքում փոխեն իրենց տեսակետը, նշեց՝ բանակցությունները հենց նրա համար են, որ հասկանան, թե ինչ իմաստ ունի նշված նյութը: «Այս հարցը միանձնյա որոշման ենթակա չէ, բայց քննարկման առարկա է: Մենք կքննարկենք ու որոշում կկայացնենք»,- նշեց Բաղդասարյանը:

ԲՀԿ խմբակցության պատգամավոր Վահե Էնֆիաջյանի խոսքով՝ իրենք ևս կողմնակից են, որ ձևավորվի քննարկումների ձևաչափ, և կարողանան համակողմանի որոշում կայացնել: Խորհրդարանական ընտրությունների ժամկետ դեռ չի կարող նշել, քանի դեռ բանակցությունները չեն կայացել: Զերծ մնաց այլ մանրամասներ ասելուց, պարզապես նշեց՝ իրենց խմբակցությունը պատրաստ է այդ բանակցություններին:

ԱԺ «Ելք» խմբակցության ղեկավար Լենա Նազարյանը նշեց՝ «Քաղաքացիական պայմանագիր» կուսակցությունը հեղափոխական ուժն է, որն էլ և առաջ է բերել արտահերթ ընտրությունների օրակարգն ու անհրաժեշտությունը: Ժամկետների մասին հստակ դեռ ոչինչ ասել չկարողացավ: Վարչապետի հետ բանակցությունների ընթացքում կհստակեցվի դա: «Կարծում եմ, որ խորհրդարանական ընտրություններն իսկապես անհրաժեշտություն են մի քանի պատճառներով: Նախկինում նշում էինք մասնավորապես այն, որ կառավարության ծրագրում է գրված մինչ մեկ տարի ժամկետը: Խոսում էինք նաև այն մասին, որ հանրության տրամադրությունները արտացոլված չեն ԱԺ-ում: Հիմա, փաստորեն, Երևանի ավագանու ընտրություններից հետո ունենք հետևյալ պատկերը՝ ԲՀԿ-ն և «Լույս» դաշինքը, որոնք ներկայացված են նաև Ազգային ժողովում, շատ քիչ ներկայացվածություն ունեն ավագանիում: Դա նշանակում է, որ մարդկանց վերաբերմունքը նաև փոխվել է քաղաքական ուժերի հանդեպ: Եվ հիմա առավել արտացոլված և ակնհայտ է, որ ԱԺ-ն չի արտացոլում մարդկանց տրամադրություններն ու կամքը»,- հիմնավորեց Նազարյանը:

ՀՅԴ Գերագույն մարմնի ներկայացուցիչ Արսեն Համբարձումյանը արձանագրեց, որ արտահերթ խորհրդարանական ընտրությունների անցկացման գաղափարը ամրագրված է կառավարության գործունեության ծրագրում: Դրան կողմ են քվեարկել նաև իրենք: «Եվ մեր դիրքորոշման մեջ որևէ բան չի փոխվել, հետևաբար, որևէ անպատեհություն չենք տեսնում արտահերթ խորհրդարանական ընտրությունների, դրա ժամանակացույցի, ճանապարհային քարտեզի շուրջ քննարկում ունենալու համար»,- ընդգծեց Համբարձումյանը:

Նա նշեց՝ իրենք ի սկզբանե առիթ են ունցել ասելու, որ արտահերթ ընտրությունների կոնկրետ ժամկետներ ասելը ճիշտ չէ, պետք է նկատի ունենալ ընտրությունների կազմակերպման համար անհրաժեշտ քայլերի և գործողությունների տրամաբանական ժամկետները, օրենսդրաիրավական կարգավորումները, մրցակցային պայմանների ապահովումը: Շեշտեց՝ պատրաստ են քննարկել ճանապարհային քարտեզը և ժամանակացույցը, դրանից հետո իրենց որոշման մասին կտեղեկացնեն:

Լրահոս
Վաղը ցերեկը մայրաքաղաքում ջերմաստիճանը կհասնի +11-ի Թումանյանի թողած ժառանգությունը համամարդկային է. Գարեգին Բ Արցախի ԱԳ նախարար Մասիս Մայիլյանին ընդունել է Հարավային Օսիայի նախագահը Հայաստանում ալյուրի արտադրությունը զգալի նվազել է Ռուս սահմանապահը հայտնաբերել է անհետ կորած քաղաքացու դին ԱՄՆ սենատոր Բերնի Սանդերսը 2020թ-ին կրկին կպայքարի ԱՄՆ նախագահի պաշտոնի համար ԵԱՀԿ գործող նախագահը կայցելի Երևան և Բաքու՝ ղարաբաղյան կարգավորման հարցը քննարկելու համար Պարոնայք, իսկ երբեմն էլ` տիկնայք ավելի լավ է ոչինչ մի ձեռնարկեք Հայաստանի նոր իշխանությունները չունեն երկրի զարգացման և ոչ մի ռազմավարական ծրագիր Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում Կիսանախագահական համակարգի անցնելու առաջարկությունը նման է կրկեսի. Սահմանադրագետ ՌԴ-ում քաղաքական մակարդակով որոշում կա հայկական վարորդական վկայականով ավտոմեքենա վարելու արգելքը հանելու. Մելքումյան Ամենայն հայոց բանաստեղծի ծննդավայրում հնչում են նրա ստեղծագործությունները Ռամիլ Սաֆարովին Հունգարիա վերադարձնելու պահանջով ՄԻԵԴ ներկայացված գանգատով որոշումն ակնկալվում է այս տարի ՊԵԿ-ը կանխել է մաքսային կանոնների խախտմամբ Հայաստան ոսկյա զարդեր ներկրելու փորձը ԻՊ-ն Աֆղանստանում ստեղծել է ահաբեկչական նոր «ցանց» Արարատ Միրզոյանը հայտնում է սահմանադրական փոփոխությունների օրակարգի առկայության մասին Թուրքիայի Մեջլիսի նախագահը հրաժարական է տվել «Քարվաճառի դիվերսանտները». Ադրբեջան՝ պետություն, որտեղ հայ սպանելը հերոսություն է ԱԺ խմբակցությունները Կալաշնիկովի հետ հանդիպմանը քննարկել են նաև Վերին Լարսի այլընտրանքային ճանապարհի հարցը Կնոջ պաշտպանված ու բարձր գնահատված դերը թե՛ առողջ հասարակության, թե՛ ամուր պետության պարտադիր երաշխիք է.ՄԻՊ Իսրայելական տխրահռչակ Aeronautics ընկերությունը հայտարարել է Ադրբեջանի հետ նոր գործարքի մասին Հնդկաստանում ՌՕՈՒ երկու ինքնաթիռ է բախվել ԱԱԾ-ն հաստատում է Սեդրակ Քոչարյանին մեղադրանք առաջադրելու լուրը Սպանությունից 15 տարի անց ԵԱՀԿ ԽՎ ձմեռային նստաշրջանին մասնակցելու համար ՀՀ ԱԺ պատվիրակությունը կմեկնի Վիեննա ԵՄ-ն Ռուսաստանին ընդգրկել է մարդու իրավունքները համակարգային խախտողների ցանկում Սբ. Գևորգ եկեղեցում ադրբեջանցու նկարահանած տեսանյութը նոր չէ. Վիրահայոց թեմը պարզաբանում է Հայաստանը որևէ կերպ չարձագանքեց ռուսական առաջատար ԶԼՄ-ներին Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար Կարեն Սարգսյանն ազատվել է հատուկ հանձնարարությունների գծով Արցախի նախագահի ներկայացուցչի պաշտոնից Արամ Առաջինը եկել է Հայաստան Նախարարի տիկնոջ ընկերությունը 2.5 անգամ, իսկ «Աստղիկ» ԲԿ-ն մեկ միլիարդ դրամով ավելի պետական ֆինանսավորում կստանա Կալանավորը փախել է Հանրապետական հիվանդանոցից Ապարանի և Արագածի ավտաճանապարհներին բուք է Հայաստանի մշակութային օրացույցում փետրվարի 19-ը տոն է. նշվում է Թումանյանի 150-ամյակը «Փաստ». Խորհրդարանակա՞ն, թե՞ կիսանախագահական «Ժամանակ». Ինչու է Փաշինյանը ԿԲ ղեկավարի պաշտոնում ցանկանում իր մարդուն տեսնել «Ժողովուրդ». Օպտիմալացման ենթակա գերատեսչությունները կշարունակեն աշխատանքը շունչները պահած «Հրապարակ». Վարչապետի՞, թե՞ քաղաքապետի օգնական
Խմբագրի ընտրություն
website by Sargssyan