ՄԱԿ-ի գլխավոր քարտուղարը ողջունել է Իդլիբի հարցով ՌԴ-ի և Թուրքիայի համաձայնագիրը
25/09/2018 11:26
Նմանատիպ
ԵՐԵՎԱՆ, 25 ՍԵՊՏԵՄԲԵՐԻ, Panorama.am: ՄԱԿ-ի գլխավոր քարտուղար Անտոնիու Գուտերեշը և Թուրքիայի նախագահ Ռեջեփ Թայիփ Էրդողանը Գլխավոր ասամբլեայի շրջանակներում հանդիպում են ունեցել։ Այս մասին հայտնում է «Գազետա.ռու»-ն։
«Գուտերեշը և Էրդողանը քննարկել են Իդլիբի հարցում ՌԴ-ի և Թուրքիայի համաձայնագիրը են սիրիական հարցը»,- նշված է գլխավոր քարտուղարի կայքի պաշտոնական հաղորդագրության մեջ։
Ինչպես նշվում է, Գուտերեշը ողջունել է սիրիական Իդլիբի հարցում Ռուսաստանի և Թուրքիայի համաձայնագիրը։
Ավելի վաղ հաղորդվել էր, որ Ֆրանսիան ևս ողջունում է Իդլիբի հարցով Ռուսաստանի և Թուրքիայի վերաբերյալ համաձայնագիրը։
Հիշեցնենք, որ երկու երկրների ղեկավարների հանդիպումը Սոչիում տեղի էր ունեցել սեպտեմբերի 17-ին։
Հետևեք մեզ նաև Telegram-ում