Վաշինգտոնը նշել է Սիրիայից հեռանալու պայմանը

ԵՐԵՎԱՆ, 29 ՍԵՊՏԵՄԲԵՐԻ, Aysor.am: ԱՄՆ-ի ներկայությունը Սիրիայում կշարունակվի այնքան ժամանակ, քանի դեռ այնտեղ ռազմական ներկայություն է պահպանում Իրանը, սակայն Վաշինգտոնի դերը պարտադիր կերպով չի նախատեսելու զինծառայողների ներկայությունը, հայտարարել է Սիրիայում ԱՄՆ հատուկ ներկայացուցիչ Ջեյմս Ջեֆրին, գրում է Daily Mail-ը:

Վերջինս բացատրել է բարձրաստիճան անձանց վերջին մեկնաբանությունները, որից հետո տպավորություն է ստեղծվել, որ ամերիկյան զորքերը Սիրիայում կմնան անորոշ ժամանակով, որպեսզի դիմակայեն Իրանին:

Պատասխանելով հարցին, թե նախագահ Թրամփն ամերիկյան զորքերի տեղակայումը Սիրիայում կապում է արդյոք իրանական ուժերի հետ, Ջեֆրին ասել է, որ նախագահը ցանկանում է, որ մենք Սիրիայում մնանք, քանի դեռ չեն լուծվել այդ և այլ խնդիրները: