AM | RU
USD
EUR
RUB

Գեղարքունիքում կարտոֆիլի բերքահավաքը սկսվել է անհամեմատ ցածր բերքատվությամբ

 
 

ԳԱՎԱՌ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Գեղարքունիքի մարզում, սեպտեմբերի վերջին տասնօրյակից սկսած, ընթանում է կարտոֆիլի բերքահավաքը: Ինչպես «Արմենպրես»-ին տեղեկացրին Գեղարքունիքի մարզպետարանի աշխատակազմի գյուղատնտեսության եւ բնապահպանության վարչությունից, առանձին տնտեսություններում կարտոֆիլի բարձր բերք են ստանում, իսկ առանձին տնտեսություններում էլ մտահոգվելու չափ ցածր բերք են հավաքել:

«Մարզում ունենք ավելի քան 9 հազար հեկտար կարտոֆիլի ցանքեր եւ ակնկալում ենք մինչեւ 200 հազար տոննա բերքատվություն: Եթե հեկտարի միջին բերքատվությունը կազմի 200 ցենտներ, ապա մենք կունենք մեր ակնկալած թիվը: Բայց ամբողջ խնդիրն այն է, որ մի տեղ բարձր բերքատվություն կա, մեկ այլ տեղ՝ անհամեմատ ցածր:

Մասնագետները դա կապում են եղանակային անբարենպաստ պայմանների՝ խոնավության եւ բարձր ջերմաստիճանի հետ, ինչի հետեւանքով կարտոֆիլի ցանքերում առաջացել է ժանգ հիվանդությունը, ինչի դեմ անզոր են եղել տնտեսությունները:

Միայն բերքահավաքի ավարտից հետո կարող ենք հստակեցնել իրական պատկերը: Իսկ այս պահին կարտոֆիլի բերքահավաքը մարզում ավարտվել է հազիվ մոտ 20 տոկոսի չափով»,-ներկայացրեց Գեղարքունիքի մարզպետարանի աշխատակազմի գյուղատնտեսության եւ բնապահպանության վարչության պետ Համբարձում Համբարձումյանը: Ֆերմերային տնտեսության ղեկավար, Սոթք գյուղի բնակիչ Կոլիկ Շահսուվարյանի հավաստմամբ՝ այս տարվա բերքատվությունը ցածր է լինելու նախորդ տարվանից:«Մեր ցանքերում հեկտարից ստանում ենք 20-30 տոննա բերք: Տնամերձերում, որոշ ցանքատարածքներում վիճակը լավ չէ, անգամ մտահոգիչ է: Տարին շատ շոգ էր, որն էլ ուղեկցվեց գարնանային առատ անձրեւներով: Շատ տեղերում նույնիսկ սերմացուի չափ բերք չեն կարողացել ապահովել: Բայց տեղեր էլ կա, որ լավ բերք է ստացվում»,-ներկայացրեց Կոլիկ Շահսուվարյանը:

Մեծ Մասրիկի համայնքապետարանի աշխատակազմի քարտուղար Էդիկ Պողոսյանի տեղեկացմամբ՝ արդյունքները մոտ 2 հեկտարի վրա այնքան ցածր են եղել, որ տնտեսությունները որոշել են բերքահավաք չկատարել, այլ միանգամից աշնանացան ցորենի ցանք են կատարել:«Կարտոֆիլի բերքահավաքը մեզ մոտ դեռ նոր է թափ հավաքում, բայց առաջին հեկտարները փաստում են ոչ բարձր բերքատվության մասին: Որոշ տեղերում սպասում ենք բարձր բերքատվություն, բայց շատ տեղերում էլ անչափ ցածր արդյունքներ է գրանցում բերքահավաքը՝ մինչեւ անգամ մեկ հեկտարից 100 ցենտների չափով:Մոտ 2 հեկտարի վրա էլ պարզապես որոշեցին չհավաքել բերքը, քանի որ կատարված ծախսերն անհամեմատ մեծ կլիներ, քան ստացված բերքի արժեքը կարող էր լինել:

Բացի այդ, ապրանքային կարտոֆիլ չէր ստացվել, եւ այդ տնտեսությունները գերադասեցին միանգամից հողը վարել ու աշնանացան ցորեն ցանել: Ընդ որում, կարտոֆիլի բերքի ցածր արդյունքների մասին մեզանում կանխատեսում էին դեռ օգոստոսի սկզբներին, երբ կարտոֆիլի ցողունը փտում ու պոկվում էր արմատից, իսկ եղած բերքն արդեն դադարում էր աճ ապահովելուց: Նույնիսկ Ռուսաստանից փորձեցինք մասնագիտական խորհրդատվություն ստանալ, բայց անզոր եղանք՝ մեզ համար անհասկանալի հիվանդության դեմ պայքարելու համար»-նշեց Էդիկ Պողոսյանը:
Կարտոֆիլի բերքահավաքը Գեղարքունիքի մարզում կավարտվի հոկտեմբերի երրորդ տասնօրյակի ընթացքում:

Լրահոս
ՀՔԾ-ն ավարտել է քրեական գործերի նախաքննությունը Արարատյան Հայրապետական թեմը Սուրբ Սարգսի տոնին անցկացնելու է հետաքրքիր միջոցառումներ Վարչապետը և Հայաստանում Շվեյցարիայի դեսպանը քննարկել են համագործակցության զարգացման հարցեր Հայաստանը և Լատվիան կարող են միմյանց օգնել և միմյանցից սովորել Զոհրաբ Մնացականյանն ու Յոհաննես Հանը քննարկել են Հայաստան-Եվրոպական Միություն համաձայնագրի կիրարկումը 2019-ին պետբյուջեից որպես աջակցություն սահմանամերձ համայնքներին հատկացվել է ավելի քան 928 մլն դրամ Հայաստանի Զինված ուժերը համալրվել են հայրենական ԱՐՄԻ-55Մ անօդաչու թռչող սարքերով Կառավարությունը բացասական եզրակացություն տվեց Էդմոն Մարուքյանի օրենսդրական նախաձեռնությանը Կառավարությունը չի առարկում, որ ուսանողներն ուսման վարձը վճարեն ամսական կտրվածքով Եկեղեցու դեմ անհասկանալի ուժերի պայքարն ահագնանում է Ներում ստանալու համար դիմել է 250 դատապարտյալ. Ովքեր են ներում ստացած դատապարտյալները Երևանի տրանսպորտային ցանցը հաջորդ տարվանից կազատվի միրոավտոբուսների կեսից Մեկնարկում է երկու և ավելի անչափահաս երեխա ունեցող ուսանողների փաստաթղթերի ընդունելությունը ուսման վարձի զեղչի նպատակով Արարատ Միրզոյանն ու Հայաստանում Գերմանիայի դեսպանը քննարկել են երկկողմ համագործակցության օրակարգը «Երևանի ավտոբուս» ՓԲԸ-ն 70 նոր ավտոբուս կշահագործի Դիլիջանի ոլորանները և Վարդենյաց լեռնանցքը կցորդիչով տրանսպորտային միջոցների համար դժվարանցանելի են Սաթիկ Սեյրանյան. Այս պայմաններում մամուլի ու լրագրողների համար չափազանց դժվար է աշխատելը Մի շարք ոլորտներում նշանակալի ներդրում ունեցած անձինք կազատվեն պարտադիր զինվորական ծառայությունից Ահաբեկչություն՝ Հնդկաստանում Հալեպում և Համայում գրոհայինները կրակել են բնակավայրերի ուղղությամբ ՀՀ ԱԺ մշտական հանձնաժողովում ընդունել են ՌԴ ԴԺ Պետական դումայի պատվիրակությանը Լեռնային Ղարաբաղի հակամարտությունը կարող է շատ վտանգավոր լինել, եթե ճիշտ չկառավարվի. ՀՀ նախագահ Ամենայն Հայոց Կաթողիկոսը ցավակցագիր է հղել Իրանի նախագահին Ժաննա Անդրեասյանը նշանակվել է Աշխատանքի և սոցիալական հարցերի նախարարի տեղակալ Արման Թաթոյան. «Բրյուսելում ձեռք բերեցինք համատեղ աշխատանքի լրացուցիչ պայմանավորվածություններ» Սեյրան Օհանյան. «0038 հրամանը դնել մարտիմեկյան ողբերգության հիմքում ծայրահեղական մոտեցում է» Զախարովան պատասխանել է Բոլթոնի սպառնալիքներին Արցախի նախագահն ու ՀՀ անվտանգության խորհրդի քարտուղարը քննարկել են անվտանգության ոլորտում փոխգործակցությանը վերաբերող հարցեր Կառավարությունը կգործարկի մսի և կենդանի գլխաքանակի արտահանման մեխանիզմներ. առկա է ամսական 50 հազար գլուխ գառ արտահանելու ներուժ Հատուկ հանձնարարությունների գծով Արցախի նախագահի ներկայացուցիչ է նշանակվել Մակրոնը հայտնել է Հայաստան պետական այցով ժամանելու մտադրության մասին Նիկոլ Փաշինյանը 15 կետով ներկայացրեց տնտեսական հեղափոխությանը միտված քայլերը ՀՀԿ ԳՄ նիստը վարել է Սերժ Սարգսյանը Հանրապետության մի շարք ավտոճանապարհներին ձյուն է տեղում, որոշ տեղերում առկա մառախուղ «Հրապարակ». ԵԿՄ-ն պատրաստվում է համագումարին «Փաստ». Առաջիկայում ՄԻԵԴ-ում նորանոր գործեր կլսվեն «ընդդեմ Հայաստանի» «Հրապարակ». Դա ի՞նչ է՝ «նեպրիյա՞զն» Եվրոպայի նկատմամբ «Իրատես». Ի՞նչ «նախապատմություն» է ունեցել Լևոն Տեր-Պետրոսյանի հարցաքննությունը «Հրապարակ». Ինչ են բացատրել պատգամավորներին ԱԺ նիստի առաջին ընդմիջման ընթացքում «Ժամանակ». Lրացուցիչ հարկային պարտավորություն՝ Ծառուկյանի գազալցակայաններին
Խմբագրի ընտրություն
website by Sargssyan