Հայաստանում և Արցախում այսօր սգո օր է

ԵՐԵՎԱՆ, 6 ՀՈԿՏԵՄԲԵՐԻ, Times.am: Աշխարհն այսօր հրաժեշտ կտա աշխահարհահռչակ շանսոնյե, Հայաստանի ազգային հերոս Շառլ Ազնավուրին։

Ֆրանսիայում այսօր տեղի կունենա Ազնավուրի հուղարկավորության արարողությունը։

Հայաստանի Հանրապետությունում և Արցախի Հանրապետությունում այսօր հայտարարված է սգո օր։ Կիջեցվեն ՀՀ դրոշները, դրոշի վերևի մասում կամրացվի սև ժապավեն։

Աշխարհահռչակ շանսոնյե Շառլ Ազնավուրը մահացել է հոկտեմբերի 1-ին 94 տարեկանում: Հոկտեմբերի 5-ին Փարիզում կայացել է նրա՝ ազգային հարգանքի տուրքի արարողությունը, որին մասնակցել են Ֆրանսիայի նախագահ Էմանուել Մակրոնը, Հայաստանի վարչապետ Նիկոլ Փաշինյանը, ՀՀ նախագահ Արմեն Սարգսյանը, ՀՀ ԱԳ նախարար Զոհրաբ Մնացականյանը, Մշակույթի նախարար Լիլիթ Մակունցը։