Ադրբեջանի իշխանությունները շարունակում են հալածել երկրի շիական ընդդիմությանը

Ադրբեջանի իշխանությունները շարունակում են հալածել երկրի շիական ընդդիմությանը

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի իշխանությունները շարունակում են հետապնդել և շինծու մեղադրանքներով ձերբակալել Բաքվից 30 կմ հեռավորության վրա գտնվող անհնազանդ շիական Նարդարան ավանի բնակիչներին: Այս մասին, ինչպես հաղորդում է «Արմենպրես»-ը, հայտնում է ադրբեջանական «Թուրան» լրատվական գործակալությունը:

«Թուրան»-ի փոխանցմամբ՝ այս անգամ ձերբակալվել է Նարդարանի 10 բնակիչ:

Ձերբակալությունները տեղի են ունեցել սեպտեմբերի 20-ին՝ «Աշուրա»-ի տոնակատարությունից հետո:

«Աշուրա»-ի արարողության ժամանակ ուժայինները արգելել են բնակիչներին մուտք գործել Նարդարանում գտնվող շիական սրբավայր, ինչը առաջացրել է ավանի բնակիչների ընդվզումը:

Ձերբակալվածներին հիմնականում առաջադրվել է ապօրինի զենք-զինամթերք պահելու մեղադրանք:

Ադրբեջանի իշխանությունները հետևողականորեն հետապնդում են Նարդարանի բնակչությանը, քանի որ նրանք անհնազանդ են ներկայիս իշխանություններին:

Հետևեք մեզ նաև Telegram-ում