«Հրապարակ». Ֆինանսների նախարարը՝ բյուջեի մասին

«Հրապարակ». Ֆինանսների նախարարը՝ բյուջեի մասին

«Հրապարակ» թերթը գրում է. «Հնարավո՞ր է պառլամենտի լուծարումը, նոր ընտրությունները պայմանավորված են նաև 2018-ի բյուջեի «խղճուկությամբ»․ այնտեղ արտահայտված չէ տնտեսական «թռիչքաձև զարգացման» բումը, ավելանալու է արտաքին պարտքը, ինչի դեմ ժամանակին խոսում էր ընդդիմադիր Փաշինյանը, փորձում եք խիստ սահուն թոշակ-աշխատավարձերի բարձրացման բացակայությունը քողարկել արտահերթ ընտրությունների հանգամանքո՞վ՝ հարցրինք ֆինանսների նախարար Ատոմ Ջանջուղազյանին։

«Ոչ, չենք փորձում։ Կարծում եմ նաև՝ «խղճուկ» բառն էլ տեղին չէ մեր բյուջեի համար օգտագործելը։ Ճիշտ է, մեր բերած բյուջեն դեռևս հեռու է մեր երազանքների բյուջեն լինելուց, բայց նաև շատ հեռու է անցած տասնամյակների ներկայացրած բյուջեներից»։

Եթե մենք դեկտեմբերին գնում ենք ընտրությունների, ապա այն հսկա ծախս է և մեծ բեռ բյուջեի վրա․ որտե՞ղ է տրամաբանությունը՝ նոր բեռ վերցնելու։ Նկատենք, որ ընտրությունների գնալու մոտիվացիան Փաշինյանը բացատրում է այն հանգամանքով, որ տնտեսական վիճակը լավ չէ, ներդրումներ չկան։ «Նախ ասեմ, որ Ձեր պատկերացրածի չափ «հսկա» չէ ընտրությունների ծախսը, և ապա՝ պետք էլ չէ ընտրությունները կապել միայն ծախսի հետ, Դուք մի կողմ եք թողնում ամենակարևորը՝ դրանց բովանդակությունը»։ Ո՞ր բովանդակությունը։ «Ժողովրդի, հասարակության պահանջը՝ ընտրություններ անցկացնելու․ այն պետք է դոմինանտ լինի մեր բոլոր գործողությունների նկատմամբ, մենք պետք է ամեն ինչ անենք, որպեսզի նեղ-անձնային շահերը ստորադասվեն գլխավոր պահանջներին»։ Այդ թվում և թոշակ-աշխատավարձերի բարձրացմա՞նը։ «Այդ թվում՝ եթե լուծվում են երկրի համար առավել գլոբալ խնդիրներ» »:

Մանրամասները թերթի այսօրվա համարում:

Հետևեք մեզ նաև Telegram-ում