Արա Բաբլոյանը ցավակցական խոսք է հղել Կերչում զոհվածների հարազատներին

ԵՐԵՎԱՆ, 19 ՀՈԿՏԵՄԲԵՐԻ, Times.am: ԱԺ նախագահ Արա Բաբլոյանը ցավակցական խոսք է հղել Կերչի քոլեջում տեղի ունեցած ողբերգության կապակցությամբ։

«Խոր վշտով տեղեկացանք Կերչի քոլեջում տեղի ունեցած ողբերգության մասին, որը բազմաթիվ մարդկային զոհերի և վիրավորների պատճառ դարձավ:

Մեր խորին ցավակցությունն ու զորակցությունն ենք հայտնում զոհվածների հարազատներին ու մտերիմներին և մաղթում շուտափույթ ապաքինում տուժածներին»,- ասված է ՀՀ ԱԺ նախագահ Արա Բաբլոյանի ցավակցական խոսքում:

Հիշեցնենք, որ հոկտեմբերի 17-ին Կերչում տեղի ունեցած ահաբեկչության հետևանքով զոհվեց 21 մարդ, ևս 50-ը ստացել են վիրավորումներ։