AM | RU
USD
EUR
RUB

Եվրախորհրդարանում կողմ են Թուրքիա-ԵՄ բանակցությունների պաշտոնապես առկախմանը

 
 

ԵՐԵՎԱՆ, 15 ՆՈՅԵՄԲԵՐԻ, Panorama.am: Եվրախորհրդարանի՝ Թուրքիայի հարցերով զեկուցող Քեթի Փիրին ներկայացրել է Թուրքիայի վերաբերյալ իր հերթական զեկույցի նախնական տարբերակը։ Նոյեմբերի 14-ին Ստրասբուրգում ներկայացված փաստաթղթում Փիրին կոչ է արել պաշտոնապես առկախել ԵՄ-Թուրքիա բանակցությունները, քանի որ Թուրքիան չի համապատասխանում «Կոպենհագենյան չափանիշներին»։ Այս մասին կգրում է Էրմենիհաբերը։

Զեկույցում անդրադարձ է կատարվել 2016թ․ հեղաշրջման փորձից հետո Թուրքիայում ծայր առած զանգվածային ձերբակալությունների, կալանավորումների, աշխատանքից հեռացման դեպքերին, մամուլի և խոսքի ազատության սահմանափակումներին։ Կոչ է արվել հրատապ միջոցներ ձեռնարկել քրդական հարցը խաղաղ քաղաքական գործընթացների ճանապարհով լուծելու նպատակով։ Փիրին դատապարտել է նաև ընդդիմադիր պատգամավորների կալանավորման դեպքերը՝ կոչ անելով Մարդու իրավունքների եվրոպական դատարանին՝ հնարավորինս արագ որոշում կայացնել քրդամետ «Ժողովուրդների դեմոկրատական» կուսակցության (HDP) նախկին համանախագահ Սելահաթթին Դեմիրթաշի գործով։

Միևնույն ժամանակ, ԵՄ զեկուցողը համոզմունք է հայտնել, որ Թուրքիայի հետ բոլոր կամուրջները այրել պետք չէ։ Ընդգծվել է Թուրքիայի դերը փախստականների հիմնախնդրի հաղթահարման հարցում և կոչ է արվել ԵՄ երկրներին՝ այս հարցում ֆինանսական աջակցություն ցուցաբերել Թուրքիային։

Զեկույցի նախագիծը նախ պետք է հաստատվի Եվրախորհրդարանի արտաքին հարաբերությունների հանձնաժողովի կողմից, որից հետո հունվարին կամ փետրվարին վերջնական քվեարկության կդրվի ԵԽ-ում։ Զեկույցի՝ Թուրքիա-ԵՄ բանակցությունների առկախման կոչը ներառող հատվածի փոփոխություն չի ակնկալվում։

Նշենք, որ Թուրքիա–ԵՄ բանակցությունների դադարեցման համար անհրաժեշտ է, որպեսզի Եվրահանձնաժողովը հանդես գա համապատասխան առաջարկով, իսկ ԵՄ անդամ երկրների առաջնորդները հաստատեն այդ առաջարկը։

Հավելենք նաև, որ նախորդ տարի Թուրքիայի վերաբերյալ տարեկան զեկույցն ընդունելիս Եվրախորհրդարանը զգուշացրել էր, որ եթե Թուրքիայում վերջին սահմանադրական փոփոխությունները իրավական ուժի մեջ մտնեն, ապա ԵԽ-ն կպահանջի պաշտոնապես դադարեցնել ԵՄ անդամակցության բանակցությունները։ Պատճառն այն է, որ ըստ Վենետիկի հանձնաժողովի զեկույցի՝ Թուրքիայում ներկա կառավարման համակարգը համատեղելի չէ ուժերի տարանջատման սկզբունքի հետ, ինչը հակասում է Կոպենհագենյան քաղաքական չափանիշներին։

Լրահոս
ԱՄՆ սենատոր Բերնի Սանդերսը 2020թ-ին կրկին կպայքարի ԱՄՆ նախագահի պաշտոնի համար ԵԱՀԿ գործող նախագահը կայցելի Երևան և Բաքու՝ ղարաբաղյան կարգավորման հարցը քննարկելու համար Պարոնայք, իսկ երբեմն էլ` տիկնայք ավելի լավ է ոչինչ մի ձեռնարկեք Հայաստանի նոր իշխանությունները չունեն երկրի զարգացման և ոչ մի ռազմավարական ծրագիր Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում Կիսանախագահական համակարգի անցնելու առաջարկությունը նման է կրկեսի. Սահմանադրագետ ՌԴ-ում քաղաքական մակարդակով որոշում կա հայկական վարորդական վկայականով ավտոմեքենա վարելու արգելքը հանելու. Մելքումյան Ամենայն հայոց բանաստեղծի ծննդավայրում հնչում են նրա ստեղծագործությունները Ռամիլ Սաֆարովին Հունգարիա վերադարձնելու պահանջով ՄԻԵԴ ներկայացված գանգատով որոշումն ակնկալվում է այս տարի ՊԵԿ-ը կանխել է մաքսային կանոնների խախտմամբ Հայաստան ոսկյա զարդեր ներկրելու փորձը ԻՊ-ն Աֆղանստանում ստեղծել է ահաբեկչական նոր «ցանց» Արարատ Միրզոյանը հայտնում է սահմանադրական փոփոխությունների օրակարգի առկայության մասին Թուրքիայի Մեջլիսի նախագահը հրաժարական է տվել «Քարվաճառի դիվերսանտները». Ադրբեջան՝ պետություն, որտեղ հայ սպանելը հերոսություն է ԱԺ խմբակցությունները Կալաշնիկովի հետ հանդիպմանը քննարկել են նաև Վերին Լարսի այլընտրանքային ճանապարհի հարցը Կնոջ պաշտպանված ու բարձր գնահատված դերը թե՛ առողջ հասարակության, թե՛ ամուր պետության պարտադիր երաշխիք է.ՄԻՊ Իսրայելական տխրահռչակ Aeronautics ընկերությունը հայտարարել է Ադրբեջանի հետ նոր գործարքի մասին Հնդկաստանում ՌՕՈՒ երկու ինքնաթիռ է բախվել ԱԱԾ-ն հաստատում է Սեդրակ Քոչարյանին մեղադրանք առաջադրելու լուրը Սպանությունից 15 տարի անց ԵԱՀԿ ԽՎ ձմեռային նստաշրջանին մասնակցելու համար ՀՀ ԱԺ պատվիրակությունը կմեկնի Վիեննա ԵՄ-ն Ռուսաստանին ընդգրկել է մարդու իրավունքները համակարգային խախտողների ցանկում Սբ. Գևորգ եկեղեցում ադրբեջանցու նկարահանած տեսանյութը նոր չէ. Վիրահայոց թեմը պարզաբանում է Հայաստանը որևէ կերպ չարձագանքեց ռուսական առաջատար ԶԼՄ-ներին Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար Կարեն Սարգսյանն ազատվել է հատուկ հանձնարարությունների գծով Արցախի նախագահի ներկայացուցչի պաշտոնից Արամ Առաջինը եկել է Հայաստան Նախարարի տիկնոջ ընկերությունը 2.5 անգամ, իսկ «Աստղիկ» ԲԿ-ն մեկ միլիարդ դրամով ավելի պետական ֆինանսավորում կստանա Կալանավորը փախել է Հանրապետական հիվանդանոցից Ապարանի և Արագածի ավտաճանապարհներին բուք է Հայաստանի մշակութային օրացույցում փետրվարի 19-ը տոն է. նշվում է Թումանյանի 150-ամյակը «Փաստ». Խորհրդարանակա՞ն, թե՞ կիսանախագահական «Ժամանակ». Ինչու է Փաշինյանը ԿԲ ղեկավարի պաշտոնում ցանկանում իր մարդուն տեսնել «Ժողովուրդ». Օպտիմալացման ենթակա գերատեսչությունները կշարունակեն աշխատանքը շունչները պահած «Հրապարակ». Վարչապետի՞, թե՞ քաղաքապետի օգնական «Ժամանակ». Կարեն Կարապետյանը Ծառուկյանի խնամու դաչայում հավաք է կազմակերպել «Հրապարակ». Թեժ պայքար սփյուռքի գործերի գլխավոր հանձնակատարի պաշտոնի համար «Իրատես». Երբևէ «բացվելու» են Սիրիա զորք ուղարկելու որոշման էջերը «Ժողովուրդ». Դատավորը դիմել է ՍԴ ՕՐՎԱ ԽՈՐՀՈՒՐԴԸ: Փետրվարի 19
Խմբագրի ընտրություն
website by Sargssyan