Թերեզա Մեյի խայտառակ պարտությունը. Բրիտանիայի խորհրդարանը մերժեց «Բրեքսիթի» գործարքը

ԵՐԵՎԱՆ, 16 ՀՈՒՆՎԱՐԻ, Panorama.am: Մեծ Բրիտանիայի վարչապետ Թերեզա Մեյն արժանացավ վատագույն պարտության խորհրդարանական երկրի պատմության մեջ. Բրիտանիայի խորհրդարանի ստորին պալատը մերժեց վարչապետի ներկայացրած ԵՄ-ից դուրս գալու կամ Բրեքսիթի գործարքը։

Պատգամավորները գործարքը մերժեցին 432 դեմ, 202 կողմ ձայներով, որը պետք է կարգավորեր 2019թ.-ի մարտի 29-ին Բրիտանիայի ԵՄ-ից դուրս գալու պայմանները։

Քվեարկությունից հետո լեյբորիստական կուսակցության ղեկավար Ջերեմի Գորբինը հանդես է եկել կառավարությանն անվստահություն հայտնելու նախաձեռնությամբ, որը կարող է հանգեցնել համընդհանուր ընտրությունների։

Կառավարությանն անվստահության քվեարկությունը նախատեսվում է, որ տեղի կունենա այսօր՝ Բրիտանիայի ժամանակով 19.00-ին։