AM | RU
USD
EUR
RUB

Կառավարությունը մեր պատուհանից. ՀԴՄ-ից կարմրախայտ

 

Քաղաքական մենամարտ

Շաբաթվա թերևս ամենակարևոր իրադարձությունը ԱԺ-ում կառավարության ծրագրի քննարկումն ու ընդունումն էր։ Բնականաբար քննարկումն ընթացավ բավականին թեժ մթնոլորտում, ինչը լիովին տեղավորվում է իշխանություն-ընդդիմություն քաղաքական բանավեճերի տրամաբանության շրջանակներում։

Հարկ չկա անդրադառնալ ընդդիմության գնահատականներին երկու պատճառով։ Նախ ընդդիմությունը չի ներկայացնում կառավարությունը։ Երկրորդը չլինելով իշխանություն և չունենալով կոնկրետ պատասխանատվություն` նա ազատ է իր գնահատականներում և անկախ օբյեկտիվության աստիճանից, կարող է ասել ինչ ցանկանա և քաղաքական գործընթացների տրամաբանության թելադրանքով, կարող է օրինական հնարավորինս բոլոր եղանակներով ընդդիմանալ իշխանության գործողություններին և ծրագրերին, հակառակ դեպքում պարզապես կդադարի ընդդիմություն լինելուց։

Իսկ ի տարբերություն ընդդիմությանը` իշխանությունը պարտավոր է առավելագույնս զգույշ լինել ոչ միայն իր քայլերում, այլև խոսքերում, որովհետև բացի նրանից, որ հանրության ուշադրությունը առավելապես կենտրոնացած է իշխանության ներկայացուցիչների խոսքին ու գործին, նաև նրանք են այդ ամենի ուղղակի պատասխանատուն։

Հենց այդ պատճառով էլ քննարկման միակ հասցեատեր, վարչապետ Նիկոլ Փաշինյանի որոշ պատասխանները կարող են հարուցել հասարակության լայն շերտերի տարակուսանքը։

Ոչ թե իշխանությունն էր պետք փոխել, այլ գլուխը

Աղքատությունը մեր գլուխներում է,- ասում է ՀՀ վարչապետը։

Այս ձևակերպումը փիլիսոփայական է ու կարող է մեկնաբանվել ցանկացած ձև։ Օրինակ, ստոիկյան փիլիսոփայության հիմնադիրներից Մարկոս Ավրելիոսն ասում էր․ փոխիր վերաբերմունքդ քեզ անհանգստացնող երևույթի նկատմամբ ու այն կդադարի քեզ անհանգստացնել։

Ըստ այդմ, եթե աղքատը այլ հայացքով նայի աղքատությանը, դա այլևս այնքան էլ աղքատության չի նմանվի։

Իհարկե վերը բերված համեմատությունը սոփեստություն է, սակայն սոփեստություն է նաև նմանատիպ պատասխանը ընդդիմության հարցերին, առավել ևս, երբ այն համեմվում է սեփական օրինակով։

«Աղքատությունը մեր գլուխներում է, ես սա ասում եմ՝ որպես մի մարդ, որ այդ ամբողջ ճամփեն ծերից ծեր անցել է, որ 1991թ., երբ ԵՊՀ ուսանող է դարձել, իր ընտանիքն ի վիճակի չի եղել իր ուսման վարձը վճարել, ասում եմ որպես մի մարդ, որ իմ գլխում հաղթահարել եմ աղքատությունը, հասկացել եմ, թե ինչ է նշանակում քաղաքացի»,-ասում է Նիկոլ Փաշինյանը։

Որքան էլ ասվածի մեջ ճշմարտության մասնիկ լինի, այնուամենայնիվ մենք չենք ընտրել ժողովրդի առաջնորդ, չենք ընտրել մանկավարժ, ում խորհուրդներով պատրաստվում ենք կյանք մտնել։ Ընտրել ենք վարչապետ, ումից իրավունք ունենք պահանջել շատ հստակ քայլեր, անկախ կյանքի նկատմամբ մեր «սխալ» պատկերացումներից։

Իսկ սեփական օրինակով խորհուրդը նմանվում է հաճախ կայքերում տեղադրվող լայքահավաք «նյութերին», որտեղ տրվում է 10 խորհուրդ, ինչպես դառնալ միլիոնատեր, ու պարզվում է, հիմնականում պետք էր առավոտյան շուտ արթնանալ։

«Մեզ ասում են՝ դուք պատասխանատվությունը քաղաքացու վրա եք գցում, ամեն մարդ չի կարող բիզնեսով զբաղվել: Այստեղ է, որ հին ու նոր մտածողություններն են բախվում, բիզնեսով միայն առանձնահատուկ մարդիկ կարող են զբաղվել»,- շարունակում է վարչապետը:

Այստեղ է, որ երկրի ղեկավարը շփոթվում է։ Իհարկե բիզնեսով միայն առանձնահատուկ մարդիկ չեն զբաղվում, սակայն փաստ է նաև, որ բոլորը չեն կարող բիզնեսով զբաղվել։ Աշխարհում չկա մի պետություն, որտեղ լինեն միայն պետական համակարգ ու գործարարներ։

Բացի այդ հասարակությունը բազմաշերտ է ու մարդիկ իրարից տարբերվում են ոչ միայն իրենց հասարակական դիրքով, այլև մտածողությամբ, աշխարհայացքով, ունակություններով ու ձգտումներով։ Պետության խնդիրն է, որպեսզի պայմաններ ստեղծի բոլորի համար՝ գործարարի համար նպաստավոր բիզնես միջավայր, մյուսների համար արժանապատիվ աշխատավարձ ստանալու հնարավորություն։

Գումարած այդ ամենին՝ աղքատությունը վերացական հասկացություն չէ, այլ վիճակագրություն, որն ունի իր չափման պարամետրերը։

ՄԱՀ կամ ՀԴՄ

Փոքր-ինչ տարակուսելի էր նաև Նիկոլ Փաշինյանի արձագանքը Սիսիանի վթարային շենքերի հարցին:

«Լուսավոր Հայաստան» խմբակցության անդամ Սրբուհի Գրիգորյանի դիտարկմանը, որ իրեն մտահոգում է Սիսիանում վթարային շենքերում ապրող բնակիչների անվտանգությունը ու հարցին, թե այդ խնդիրը եր՞բ լուծում կստանա, ՀՀ վարչապետը պատասխանեց․ «Օրինակ` հարկային օրենսգրքի փոփոխություններից հետո Սիսիանում քանի՞ խանութ է լինելու, որ ՀԴՄ խփելու է կամ չի խփելու, եթե խանութները ՀԴՄ կխփեն, բոլոր քաղաքացիները կպահանջեն, մենք այդ խնդիրը կլուծենք, եթե ոչ՝ ոչ: Մենք ունենք իրականացվող ծրագրեր, որոնք այս տեմպերով որ իրականացնենք, 20 տարի կտևի»։

Related image

Ստացվում է քաղաքացիների ոչ միայն բարեկեցությունը, այլև կյանքը կախված է ՀԴՄ-ներից։ Եթե Սիսիանի խանութատերերը «իրենց գլխում չհաղթահարեն» ՀԴՄ տրամադրելու օրենսդրական պահանջը, Սիսիանի մի շարք բնակիչներ վտանգված են փլատակների տակ մնալու կամ լավագույն դեպքում վերածվելու անօթևանների։

Հարկ է նաև շեշտել, որ ՀԴՄ-երից ստացվող գումարները գնում են բացառապես պետբյուջե, այնինչ կարելի է ուղիներ փնտրել, որպեսզի այդ շենքերի անվտանգության հարցի լուծմանը հնարավոր լինի հասնել նաև մասամբ տեղական բյուջեի ու լրավճարների օգնությամբ։

Ծրագրերը նույնպես պետք է ունենան առաջնահերթություններ ու առաջնայինները պետք է լինեն նրանք, որոնք անմիջապես սպառնում են մարդկանց կյանքին ու առողջությանը։

Հակահեղափոխություն չի լինելու

«Եվ եթե ուզում եք իմանալ … երբ որ մեր կառավարությանը, շատ դեպքերում նաև քննադատում են նման դեպքերի համար … կառավարությունը, այո, շատ դեպքերում նույնիսկ ստիպված է եղել ինչ-որ առումով փրկագին վճարել, որպեսզի էս դրսևորումները կարողանա և հնարավորություն ունենա կառավարել»,-ասում է ՀՀ վարչապետը։

Image result for պարգևատրել գումար

Ոչ՝ խոսքը ահաբեկչական ակտի կամ պատանդների մասին չէ։ Խոսքն ընդամենը պարգևավճարների մասին է, որը տրվել է հարկահավաքմամբ զբաղվողներին, ովքեր ըստ օպերատիվ տվյալների ցանկացել են հրաժարվել հարկեր հավաքելուց, ինչն էլ կարող էր հակահեղափոխություն իրականացնելու հիմքերից մեկը լինել։

Հենց այդպես էլ արդարացվում է ՊԵԿ նախագահի 8 ամսվա ընթացքում միայն ինքն իրեն տրամադրված 14 միլիոն դրամ պարգևավճարը։

Պարգևավճարը տրվեց, հակահեղափոխությունը կանխվեց։

Երևի ձուկ չի սիրում

Որպեսզի դրական էմոցիաներով ու բարի ժպիտով ավարտենք կառավարության ծրագրի քննարկումը, թերևս եզրափակենք Որոտանի կարմրախայտով։

Image result for Որոտանի կարմրախայտը ե՞ս եմ կերել

Դիտարկմանը, որ կառավարության ծրագրում նշված չէ Որոտանի կարմրախայտի մասին, վարչապետն արձագանքեց․ «Գիտեք, էլի հասկանում եմ, բայց գալ, սենց ինձ նայել, ասել՝ Որոտանում կարմրախայտ չկա… Որոտանի կարմրախայտը ե՞ս եմ կերել»։

Արմեն ՍՏԵՓԱՆՅԱՆ

Լրահոս
ՀԱՊԿ գլխավոր քարտուղարի նոր թեկնածուի մասին փաստաթղթերն ուղարկվել են անդամ երկրներին Ադրբեջանի կողմից առանց ծանուցման լայնամասշտաբ զորավարժությունների անցկացումը միջազգային պարտավորությունների խախտում է. ՀՀ ԱԳՆ Պաշտպանական խումբը բողոքարկել է Ռոբերտ Քոչարյանի կալանավորման ժամկետը ևս երկու ամսով երկարացնելու վերաբերյալ դատարանի որոշումը Էրդողանը խոսել է մահապատժի վերականգնման մասին Եվրոպական դատարանը ընդունել է Դեմիրթաշի գործով Թուրքիայի բողոքը Բակո Սահակյանն ու Արտակ Դավթյանը քննարկել են բանակաշինության ոլորտում համագործակցությանը վերաբերող հարցեր Ալիև. Ղարաբաղյան հակամարտության կարգավորման բանակցությունների ձևաչափը պետք է մնա անփոփոխ Վարչապետ Փաշինյանը հեռախոսազրույց է ունեցել Նուրսուլթան Նազարբաևի հետ Դեսպան Արմեն Պապիկյանն իր հավատարմագրերն է հանձնել Ավստրիայի դաշնային նախագահ Ալեքսանդր Վան դեր Բելլենին Սևանի ավտոճանապարհներին և Դիլիջանի ոլորաններում ձյուն է տեղում «Հրապարակ». Ամեն ինչ արվում է Կոտայքում Գագիկ Ծառուկյանի դիրքերը թուլացնելու համար «Ժամանակ». Ոչ թե ցնցումների դեմն են առնում, այլ հետաձգում են «Հրապարակ». Մատենադարանի ճաշարանը փակվելու եզրին է «Ժամանակ». Նոր Հայաստան, նոր ատոմակայան «Փաստ». Նիկոլ Փաշինյանի վարկանիշը նվազել է «Փաստ». Ի՞նչ է հայտարարագրել Հնդկաստանում ՀՀ դեսպանը «Ժողովուրդ». Իրավապահ համակարգը խնդրի առաջ է հայտնվել ՕՐՎԱ ԽՈՐՀՈՒՐԴԸ: Մարտի 20 Արմեն Սարգսյանը հյուրընկալել է Ելենա Վարդանովային և ՀՀ-ում ՌԴ դեսպան Սերգեյ Կոպիրկինին Ալիևն Էրդողանին հորդորել է Կարսում և Իգդիրում իշխանությունը հանձնել ազգայնականներին Նուրսուլթան Նազարբաեւը հրաժարական տվեց Ադրբեջանը Հայաստանի հետ սահմանին նոր զորամաս է տեղակայել Եթե գլխավոր քարտուղար նշանակվի առանց Հայաստանի կարծիքի՝ կնշանակի, որ ՀԱՊԿ գոյություն չունի. Նիկոլ Փաշինյան Աջակողմյան ղեկային տեղաբաշխմամբ տրանսպորտային միջոցներ կարելի է ներմուծել մինչև մայիսի 1-ը. ՊԵԿ Ստեփանծմինդա-Լարս ավտոճանապարհը մարդատար մեքենաների համար բացվել է Փաշինյանը խոսել է հայկական և ադրբեջանական կողմերում պահվող քաղաքացիների փոխանակման հարցի մասին Մանհեթենում անհայտ անձը փողոցում կրակել է մարդկանց վրա Արցախը բանակցություններում ներգրավելու հայտարարությունների շարքը ոչ թե մարտահրավեր է, այլ երկխոսության հրավեր. Փաշինյան Իտալիայի Լացիոն ընդունել է Հայոց ցեղասպանությունը ճանաչող բանաձև Հայաստանի տարածքով իրանական գազի տարանցման շուրջ քննարկումները թափանցիկ են բոլոր գործընկերների համար. Փաշինյան Նիկոլ Փաշինյանի մամուլի ասուլիսը՝ ուղիղ «Խավիարային դիվանագիտություն» իրականացնելու փոխարեն ԱՄԷ-ում Ադրբեջանի դեսպանը խավիարը գողացել է Արման Օսիկյանը նշանակվել է Կադաստրի «գրասենյակների վարչության» պետ Էրդողան. Թուրքիայի վերելքը զայրացնում է մնացած խաչակիրներին Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար Հանրապետությունում կան դժվարանցանելի ճանապարհներ. տեղ-տեղ առկա է մերկասառույց «Իրատես». Կենտրոնի բազում խնդիրները թողած սկսել է ոչ էականից «Ժողովուրդ». Ինչ ճակատագիր կունենա հարկային օրենսգրքում փոփոխությունը «Հրապարակ». Երիտասարդ իշխանությունների «աքիլեսյան գարշապարն» իրենց կանայք են «Ժամանակ». Սահմանափակվում է բուքմեյքերական ընկերությունների ֆիզիկական ներկայությունը
Խմբագրի ընտրություն
website by Sargssyan