Պուտինը նշել է՝ ինչպիսին կլինի Եվրոպայում ԱՄՆ-ի հրթիռների տեղակայման պատասխանը
20/02/2019 15:27
Նմանատիպ
ԵՐԵՎԱՆ, 20 ՓԵՏՐՎԱՐԻ, Panorama.am: ՌԴ նախագահ Վլադիմիր Պուտինը Դաշնային ժողովին ուղղված ամենամյա ելույթում խոսել է այն մասին, թե ինչպիսին կլինի Եվրոպայում ԱՄՆ հրթիռների տեղակայման պատասխանը։ Այս մասին տեղեկանում ենք Gazeta-ից։
Պուտինի խոսքերով, այն կլինի «հայելային» ու «ասիմետրիկ»։
Պուտինը հայտարարել է, որ Ռուսաստանը կստեղծի ու կտեղադրի այնպիսի զինատեսակներ, որոնք կարող են օգտագործվել ոչ միայն այն տարածքում, որտեղից սպառնալիք է գալիս, այլ նաև այնտեղ, որտեղ կգտնվեն որոշումների կայացման կենտրոնները՝ երկրին սպառնացող հրթիռային համակարգերի կիրառման վերաբերյալ։
«Այդ միջոցները կիրականացնենք անմիջապես»,-ասել է Պուտինը։
Պուտինը նաև ամերիկացի գործընկերներին խորհուրդ է տվել «թողնել պատրանքները»։
Հետևեք մեզ նաև Telegram-ում