Վենեսուելան փակել է Բրազիլիայի հետ սահմանը
21/02/2019 22:07
Նմանատիպ
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Վենեսուելայի նախագահ Նիկոլաս Մադուրոն հայտարարել է, որ փետրվարի 23-ից նախատեսվող հումանիտար օգնությունից առաջ ամբողջությամբ փակում է Բրազիլիայի հետ ցամաքային սահմանը: «Փետրվարի 21-ին ամբողջովին կփակվի Բրազիլիայի հետ ցամաքային սահմանը՝ մինչ նոր հայտարարությունը»,- ինչպես փոխանցում է «Արմենպրես»-ը, ասել է Մադուրոն: Նրա ելույթը հեռարձակվել է Periscope-ի եթերում:
Նա նա չի բացառել Կոլումբիայի հետ սահմանի փակումը: «Կոլումբիայի հետ կապված ես ուսումնասիրում եմ այդ հնարավորությունը»,- ասել է Վենեսուելայի առաջնորդը:
Ավելի վաղ Վենեսուելայի ընդդիմությունը հայտարարել է, որ երկրին հումանիտար օգնության մատակարարումները կսկսվեն փետրվարի 23-ից:
Հետևեք մեզ նաև Telegram-ում