Էրդողանը հնարավոր է համարել C-500 համալիրների գնումը
Նմանատիպ
ԵՐԵՎԱՆ, 7 ՄԱՐՏԻ, Aysor.am: Թուրքիայի նախագահ Ռեջեփ Թայիփ Էրդողանը հնարավոր է համարել, որ Ռուսաստանի հետ C-500 հրթիռային համալիրների գնման գործարք կկնքի:
Ընդ որում՝ թուրք առաջնորդը նշել է, որ C-400-ի գործարքն ավարտված է, ու չի կարող հետքայլ լինել:
«Ամեն ինչ քննարկվել է, համաձայնեցվել՝ վարկային պայմաններից մինչեւ համատեղ արտադրություն, ստորագրությունները դրված են, չի կարող լինել հետքայլ: Դա անբարոյական կլինի… Հուսով եմ, որ հուլիսին կստանանք Ս-400-ի առաջին խմնաքանակը», – 24 TV-ի եթերում ասել է Էրդողանը:
ԱՄՆ Պետքարտուղարությունը նախօրեին կրկին հայտարարել էր, որ Թուքիայի կողմից C-400-ի գնումը կարող է հանգեցնել նրան առաջավոր տեխնոլոգիաների տրամադրման մերժման, ամերիկյան 5-րդ սերնդի F-35 կործանիչների ստեղծման ծրագրին նրա մասնակցության կասեցման եւ պատժամիջոցների:
Էրդողանը նշել է, որ ԱՄՆ-ից Patriot ԶՀՀ-ի գնումը Թուրքիան քննարկել է դեռեւս Բարաք Օբամայի հետ:
«Հարգարժան Թրամփի հետ եւս քննարկել ենք: Մենք նրանց ասել ենք՝ եթե կարող եք տալ, տվեք: Համատեղ արտադրությունը, տեխնոլոգիաների փոխանցումը անխախտելի պայմաններ են: Այլապես ստացվում է. «Մենք քեզ տալիս ենք, բայց բանալին մեզ մոտ կլինի»: Ներողություն եմ խնդրում, բայց այդպես չի լինում»,– հավելել է Էրդողանը:
2017 թվականին Թուրքիային ռուսական C-400 ԶՀՀ-ի մատակարարման պայմանագրի կնքումը դարձել էր Անկարայի եւ Վաշինգտոնի միջև դիվանագիտական բանավեճերի պատճառ, որն իր թուրք դաշնակիցներից պահանջում է ռուսական համալիրներից հրաժարվել ամերիկյան Patriot ԶՀՀ-ի օգտին:
Հետևեք մեզ նաև Telegram-ում