Վրաստանի ԱԳ նախարարը՝ քաղաքացիներին. ԵՄ երկրներում չփնտրել ապաստան

Վրաստանի ԱԳ նախարարը՝ քաղաքացիներին. ԵՄ երկրներում չփնտրել ապաստան

ԵՐԵՎԱՆ, 15 ՄԱՐՏԻ, Panorama.am: Վրաստանի արտաքին գործերի նախարար Դավիթ Զալկալիանին հայտարարել է, որ իրենց քաղաքացիները հնարավորություն չունեն ապաստան ստանալ Եվրամիության երկրներում։ Նա նաև կոչ է արել նրանց այդ նպատակով անտեղի գումար չվատնել։ Այս մասին գրում է Ռիա նովոստին։

Վրաստանի քաղաքացիները կարող է ԵՄ երկրներ գնալ առանց վիզայի, բայց ավելի վաղ եվրոպական մի քանի երկրներ անհանգստություն էին հայտնել Վրաստանից ժամանած ապաստան հայցողների մեծ քանակի պատճառով:

«Առանց վիզայի ռեժիմը Եվրամիության հետ շատ մեծ նվաճում է, որը պահանջում են հատուկ ուշադրություն և խնամք»,- ասել է նա։

Նախարարի խոսքով, որոշ եվրոպական երկրներում ապաստան հայցողների թվաքանակի դինամիկ աճ է նկատվում: Արտգործնախարարը հավելել է, որ այժմ ԵՄ-ի հետ վիզային ռեժիմի դադարեցման ռիսկ չկա:

Հետևեք մեզ նաև Telegram-ում