Խորհրդարանն առաջին ընթերցմամբ ընդունեց օրենքի մի քանի նախագիծ

Խորհրդարանն առաջին ընթերցմամբ ընդունեց օրենքի մի քանի նախագիծ

ԵՐԵՎԱՆ, 19 ԱՊՐԻԼԻ, Panorama.am: Ազգային ժողովն այսօր քվեարկության դրեց մի քանի օրինագծեր։ Այսպես՝ առաջին ընթերցմամբ ընդունվեց «Լուսավոր Հայաստան» խմբակցության կողմից ներկայացված «Վարչական իրավախախտումների վերաբերյալ ՀՀ օրենսգրքում փոփոխություն և լրացում կատարելու մասին» օրենքի նախագիծը։ Նախագծին կողմ քվեարկեց 86 պատգամավոր, 2 պատգամավոր ձեռնպահ քվեարկեց։

Խորհրդարանը 94 կողմ ձայնով ընդունեց նաև «ՀՀ քրեակատարողական օրենսգրքում փոփոխություններ և լրացումներ կատարելու մասին» օրենքի նախագիծը։

96 կողմ ձայնով ընդունվեց նաև «ՀՀ ընդերքի մասին օրենսգրքում փոփոխություններ և լրացումներ կատարելու մասին» օրենքի նախագիծը։

Երկրորդ ընթերցմամբ և ամբողջությամբ ընդունվեց «Բաժնետիրական ընկերությունների մասին» Հայաստանի Հանրապետության օրենքում փոփոխություններ և լրացումներ կատարելու մասին» օրենքի նախագիծը։

Հետևեք մեզ նաև Telegram-ում