AM | RU
USD
EUR
RUB

Հասարակության «ուռուցքային բջիջն» անզուսպ բազմացման հակում ունի

Այսօր շատերից կարելի է լսել այսպիսի բովանդակություն ունեցող արտահայտություններ.
«ի՞նչ գործ ունի' խառնվի ուրիշի կյանքին...»:

Բանն այն է, որ նման արտահայտություն անողները մեծամասամբ չեն էլ փորձել հասկանալ այդ արտահայտության բուն էությունը, այլ ընդհամենը կրկնում են թևավոր դարձված խոսքեր, ինչպիսիք են, օրինակ, «եղունգ ունես' գլուխդ քորի...»: Դրա պարզ վկայությունն է, որ նույն մարդը հաջողությամբ կարող է նաև կողմ արտահայտվել հետևյալ արտահայտության օգտին' «մեկը հանուն ամենքի և ամենքն էլ հանուն մեկի...»:

Փորձենք, մի փոքր այլ տեսանկյունից մոտենալ խնդրո առարկային:

Բարդ բազմաբջիջ օրգանիզմներում, որոնք ունեն տարբեր ֆունկցիոնալ նշանակության բջջային խմբեր, որոնցից յուրաքանչյուրը կատարում է իրեն բնորոշ ֆունկցիա, կա մի ընդհանրություն. գենային ընդհանրությունն է:

Օրինակ, մարդն ունի մկանային բջիջներ, երիկամային, նյարդային, մաշկային, ճարպային և այլն... Դրանցից յուրաքանչյուրը կատարում է իրեն բնորոշ ընդհանուր ֆունկցիա: Օրինակ, մկանային բջիջը կծկվում է ապահովելով շարժումներ, նյարդայինը ապահովում է զգացողություն կամ դրդում է շարժման մկանային բջիջներին, մաշկայինը կատարում է պաշտպանիչ ֆունցկիա և այլն.... բայց դրանցից յուրաքանչյուրը պատկանելով միևնույն օրգանիզմին' ունի ընդհանրական գեներ, ընդհանրական ԴՆԹ' հատուկ միմիայն այդ օրգանիզմին:

Հենց այդ է պատճառը, որ այդ բջիջներից յուրաքանչյուրի մոտ ի հայտ եկած ախտաբանական պրոցեսը սպառնում է ոչ միայն հարակից բջիջներին և օրգան համակարգերին, այլև ամբողջ օրգանիզմին, և կարող է հարցականի տակ դնել ամբողջ օրգանիզմի գոյությունը: Թերևս հենց այդ է պատճառը, որ եթե խնդիրը տեղում տեղային և արագ լուծում չի ստանում, ապա դրա լուծմանը խառնվում է օրգանիզմը: Կա նաև, օրինաչափ տրամաբանությամբ, հակառակ պատկերը. օրգանիզմի համընդհանուր խնդիրը յուաքանչյուր բջջի խնդիրն է, քանի որ օրգանիզմի գոյությամբ է պայմանավորված առանձին-առանձին բջիջների գոյություն ունենալու հնարավորությունը օրգանիզմի շրջանակներում: Այսպիսով, առկա մեկ բջջի խնդիրը դառնում է ողջ օրգանիզմի խնդիր, և ողջ օրգանիզմի խնդիրը' յուրաքանչյուր բջջի խնդիրն:

Քննարկենք այս մոդելը հասարակության օրինակով:

Ընդհանրական գենոֆոնդ ունեցող հասարակության պարագայում նույնպես առկա է այդ պատկերը: Եւ օրինաչափ է ու տրամաբանական նման վարքագիծը: Հարևանի կամ մտերիմի, թեկուզ անծանոթի խնդիրներով հետաքրքրվելը, դրանց լուծման համար օգնություն առաջարկելը, արատավոր երևույթների նկատմամբ կոշտ կարծիքի արտահայտումը և անգամ միջոցների ձեռնարկումը դրանց չեզոքացման համար, խոսում է հանրության առոջղ լինելու մասին, և հակառակը գենետիկ ընդհանրություն ունեցող հասարակության պայմաններում միմյանցով հետաքրքրվածության բացակայությունը' խոսում է հիվանդ հասարակության մասին:

Այնպիսի հասարակություններում, որտեղ չեն աշխատում ընդհանրական գենետիկ գիտակցական կամ ենթագիտակցական կապը, տրամաբանական է նաև «եղունգ ունես գլուխդ քորի» վարքագիծը և «քիթն ուրիշի կյանք չխոթելու» վարքագիծը , քանի որ այստեղ իսկապես գործ են ունենում ՈՒՐԻՇԻ հետ, քանի որ չկան ընդհանրական գենետիկ, ենթագիտակցական կապվածությունը և մեկ օրգանիզմ, ամբողջություն լինելու զգացողությունը:

Հաշվի առնելով, որ Հայերը մի քանի հազարամյակ է արդեն ընդհանուր գենետիկ ամբողջականություն ունեն և որպես ազգ ունեն ընդհանրական ազգային գիտակցություն և ենթագիտակցություն' օրինաչափ է հայերի նման վարքագիծը, որը ներկայումս որոշ անձանց կամ կազմակերպությունների կողմից այդպես ակտիվորեն քարկոծվում է, և էլ ավելի վտանգավոր է, որ ոմանք սկսել են առանց գիտակցելու պարզապես կրկնել' իրենց գիտակցությունից անկախ, անընդհատ կրկնվող հաղորդումների , անեկդոտների, թևավոր խոսքերի միջոցով իրենց ուղեղ մտցվող այնպիսի արտահայտություններ, որոնք, փաստորեն, այս նյութը գրելուս հիմնական պատճառներից մեկը հանդիսացան:

Հարգելիներս, մենք չենք ապրում Ամերիկայում կամ այլ նման երկրում, որտեղ չկա ազգային մեծամասնություն, և որտեղ ամենքն իսկապես իրենց համար են ապրում և չունեն ենթագիտակցական ամբողջի զգացողությունը:

Մենք ապրում ենք Հայաստանում. Հայ ազգի պատմական Հայրենիքի մի կտորում, որտեղ հազարամյակների ընթացքում ձևավորվել է Հայ ազգը, որտեղ հազարամյակների ընթացքում ձևավորվել են մեր ազգի գենետիկ , գիտակցական և ենթագիտակցական մակարդակներում ամբողջ լինելու զգացողությունը: Պետք չէ օտար օրինաչափությունների զոհ գնալ և չգիտակցված կրկնել' ոմանց կողմից միտումնավոր շրջանառության մեջ դրվող արտահայտություններ:

Եկեք վերջապես ընդունենք, որ ուռուցքային բջիջը, որն իր տեսակով կատարյալ բջիջ է հիշեցնում, քանի որ, ըստ էության, անմահ է, անզուսպ բազմացման հակում ունի և նյութափոխանակության տեսանկյունից ավելի ակտիվ է (տիպիկ կապիտալիստական քաղաքականություն է վարում), միևնույն ժամանակ քիչ տարբերակված է ( ընդ որում որքան քիչ է նրա տարբերակումը, այսինքն որոշակիացումը' այս կամ այն տիպին պատկանելու, այնքան ավելի ագրեսիվ է նա իր էությամբ), այնուամենայնիվ այն իր անզուսպ աճով և թվացյալ անմահությամբ հասնում է օրգանիզմի ամբողջական գրավվմանը և պատճառ է հանդիսանում ամբողջ օրգանիզմի ոչընչացմանը' այդպիսով վերջ դնելով և իր գոյությանը:

Եկեք վերջապես հասկանանք, որ հասարակության մեջ Ուռուցքային տարրեը որոնք չեն ուզում ըդունեն ազգ, ազգային ամբողջական գիտակցություն, ազգային շահ, և առաջնորդովում են անձնական շահով, անձնական էգոիզմով և անգամ ագրեսիվություն են ցուցաբերում պարտադրել իրենց տեսակետները հանրային մեծամասնությանը, օրինաչափ կերպով ստանում են տրամաբանական պատասխանի հասարակության կողմից: Օրգանիզմում գոյություն ունեն ընդունված հաստատուններ, որոնց մի փոքր անգամ շեղումը պատճառ է դառնում ամբողջ օրգանիզմի մահվան: Դրանցից օրինակ թթվահիմնային հավասարակշռություն, շրջանառող արյան ծավալի որոշակի պարտադիր քանակ և այլն, և այդ հավասարակշռությունից ցանկացած շեղում' ամբողջ օրգանիզմի կողմից ակտիվ կերպով բերվում է իր բնականոն դիրք' հավասարակշռություն, ներդաշնակություն, որն ուղղակի անհրաժեշտ պայման է օրգանիզմի լինելիության:

Հայկական իրականության մեջ բավականին բարձր է արտահայտված ընդհանրական օրգանիզմի զգացողությունը, և դա հատկապես արտահայտված է ենթագիտակցական մակարդակով: Եվ քննադատելու փոխարեն , ուրախությամբ պետք է ընդունենք, որ մեր մոտ վառ է արտահայտված ազգային այդ հատկությունը, ամբողջական հավասարակշռություն պահպանելը: Վերջիվերջո քեզ զգում ես մի ամբողջական համակարգի մասնիկ, որը' որքան էլ թվացյալ փոքր է, միևնույն ժամանակ անասելի կարևոր դեր ունի ամբողջական օրգանիզմի հավասարակշռության, ներդաշնակության և գոյության պահպանման գործում:

 

Զաքար ԽՈՋԱԲԱՂՅԱՆ

Լրահոս
Մխիթարյանը վերջնական համաձայնության է եկել «Արսենալ»-ի հետ Էդվարդ Նալբանդյանը ՀԲԸՄ նախագահի հետ քննարկել է համահայկական օրակարգին առնչվող հարցեր Վրաստանում ճանապարհին արգելափակված ՀՀ քաղաքացիներ չկան. դեսպանատուն Լավագույն դիրքապահը. Սարմեն Բլբուլյան Օբամայի գլխավոր խորհրդականները ներողություն են խնդրել Հայոց ցեղասպանությունը չճանաչելու համար ՍԱՊԾ-ն պարտավոր է իր աշխատանքով երաշխավորել քաղաքացու շահերի պաշտպանությունը. վարչապետին է ներկայացվել ծառայության հաշվետվությունը ՀՀ ԱԻ նախարարի հրամանով՝ գազաբալոնի պայթյունի առնչությամբ կիրականացվի փորձաքննություն Արագության գերազանցումն ու անսթափ վիճակում ավտոմեքենա վարելը ծանր հետևանքով ավտովթարների հիմնական պատճառներն են Գարդասիլ՝ փրկության օղա՞կ, թե՞ տրոյական ձի (մաս2) Ազնավուրը հայտարարել է, որ Ջոնի Հալիդեյի մահը սգացել է «հայկական ձևով» Հայաստանի լեռներում անցկացվում է դահուկային մրցավազք ՀՀ-ի և ՌԴ-ի ուժային կառույցների միջև Խոսրով Հարությունյանի կարծիքով՝ միջազգային շրջանակում Արմեն Սարգսյանի նկատմամբ գործընկերային մեծ վստահությունը կարող է փոխանցվել նաև Հայաստանին Թռիչքից րոպեներ առաջ Լոնդոնի ոստիկանությունը ձերբակալել է ալկոհոլի ազդեցության տակ գտնված օդաչուին Զինծառայող Ալբերտ Դալլաքյանի վիրահատության համար անհրաժեշտ գումարը հանգանակությամբ հավաքվել է Նախագահը խորհրդակցություն է անցկացրել Կենտրոնական բանկի ղեկավար կազմի հետ Առաջիկա հինգ օրերին օդի ջերմաստիճանը էապես չի փոխվի, արևային եղանակը կպահպանվի ԱՄՆ կողմից Սիրիայում անվտանգության ուժերի ստեղծումը Թուրքիայի դեմ ուղղված վտանգ չի պարունակում Դավիթ Բաբայանը կարեւորում է Հայաստանի եւ Ադրբեջանի ԱԳ նախարարների հանդիպումը խաղաղ բանակցային գործընթացը շարունակելու համատեքստում Նախագահ Սերժ Սարգսյանն աշխատանքային այցով կմեկնի Ֆրանսիայի Հանրապետություն Թուրք-սիրիական սահմանին սպանվել է 4 թուրք զինվոր Արմեն Սարգսյանը բարձր մակարդակի քաղաքական գործիչ է. Kommersant-ն անդրադարձել է ՀՀ 4-րդ նախագահի թեկնածուին Մխիթարյանը բուժզննում կանցնի Լոնդոնում հանգստյան օրերին. Independent Թուրքիայում զբոսաշրջիկների ավտոբուս է վթարվել. կա 13 զոհ Գերմանական մամուլն անդրադարձել է իսրայելական Aueronautics ռազմարդյունաբերական ընկերության ադրբեջանական սկանդալին Բակո Սահակյանը շնորհավորական ուղերձ է հղել Դատական համակարգի աշխատողի օրվա առթիվ Պայթել է գազաբալոն. կա մեկ տուժած «Հայկական ժամանակ». Ալբերտ Դալլաքյանի վիրահատության գումարը հավաքվել է «Հրապարակ». Գագիկ Ծառուկյանը բիզնեսների կառավարումը հանձնել է իր երեխաներին «Փաստ». էներգիա արտադրող սարքավորումներն էժանացել են «Առավոտ». Սվիտալսկի. ԵՄ-ն ողջունում է կառավարության՝ կոռուպցիայի դեմ նախաձեռնվող քայլերը «Հայկական ժամանակի». Արմեն Ջիգարխանյանն իրեն լավ է զգում «Ժամանակ». Վարչապետի թիմակիցները կառավարության քննադատների հետ փորձում են «լեզու գտնել» «Ժողովուրդ». Արմեն Սարգսյանի թեկնածությունն ընդունելի է Արցախի համար «Փաստ». Քրեական հեղինակությունները դուրս են եկել միմյանց դեմ «Ժամանակ». Նախկին վարչապետ. Սարգսյանը նկատի է ունեցել, որ ապագա նախագահը չպետք է ներգրավված լինի տվյալ քաղաքական իրավիճակում ՕՐՎԱ ԽՈՐՀՈՒՐԴԸ: Հունվարի 20 Դանիայի արդյունաբերության, բիզնեսի ու ֆինանսական հարցերի նախարարը Հայաստան այցելելու պատրաստակամություն է հայտնել Բքի և անբավարար տեսանելիության պատճառով Վարդենյաց լեռնանցքը փակ է Բրիտանական պարբերականը հայտնում է Հենրիխ Մխիթարյանի «Արսենալ» տեղափոխվելու գործարքի ավարտի մասին Չինաստանը վստահում է Հայաստանին
Խմբագրի ընտրություն
Ամենաընթերցված
website by Sargssyan