Յուլյա Տիմոշենկոն ռազմական օգնություն Է խնդրել ԱՄՆ-ի Կոնգրեսից
Նմանատիպ
Ուկրաինայի նախագահի թեկնածու, «Բատկիվշչինա» կուսակցության առաջնորդ Յուլյա Տիմոշենկոն դիմել Է ԱՄՆ-ի Կոնգրեսին՝ խնդրելով ռազմական օգնություն ցուցաբերել Ուկրաինային: Ինչպես տեղեկացնում Է «Արմենպրես»-ը, համապատասխան հաղորդագրությունը տարածել Է կուսակցության մամուլի ծառայությունը:
«Դիմում եմ ԱՄՆ-ի Կոնգրեսի անդամներին՝ խնդրելով բոլոր հնարավոր քայլերը ձեռնարկել Ուկրաինային աջակցելու, նրա ինքնիշխանությունը եւ տարածքային ամբողջականությունը պաշտպանելու համար»,-պնդում Է Տիմոշենկոն:
«Բատկիվշչինա» կուսակցության առաջնորդի վարկածով՝ «Ուկրաինային հարկավոր Է համակողմանի օգնություն, այդ թվում՝ ռազմատեխնիկական, որը պետք Է ներառի հակաօդային եւ հակատանկային միջոցներ եւ օգնությունը զինվորական անձնակազմի ուսուցմանը»:
Բացի այդ, Տիմոշենկոն Ժնեւում Ուկրաինայի, ԱՄՆ-ի, ԵՄ-ի եւ Ռուսաստանի ներկայացուցիչների քառակողմ հանդիպման հանրագումարային փաստաթուղթը համարում Է «ճիշտ ուղղությամբ արված առաջին քայլը», հաղորդել Է ԻՏԱՌ-ՏԱՍՍ-ը:
Հետևեք մեզ նաև Telegram-ում