Ոստիկանությունում «արձակուրդային» չվճարելու համար արձակուրդի դիմում չեն ընդունում. «Ժամանակ»
Նմանատիպ
Ոստիկանությունում, բացի առանձին վարչությունների կառուցվածքային փոփոխություններից, պարզվում է՝ առաջիկայում սպասվում են նաև այլ ուշագրավ փոփոխություններ: Մասնավորապես, ըստ «Ժամանակ»-ի տեղեկությունների՝ առաջիկայում օրենսդրական փոփոխությունների միջոցով Ոստիկանական համակարգից հանվելու է վճարովի արձակուրդի հնարավորությունը: Այսինքն՝ համակարգի աշխատողներն այդուհետ արձակուրդի մեկնելիս չեն վճարվի, անկախ այն հանգամանքից՝ այդ արձակուրդը նրանց հասանելիք հերթական ամենամյա արձակո՞ւրդն է, թե՞ ոչ: Արձակուրդի մեկնած ցանկացած աշխատակցի աշխատավարձից կգանձվի նրա հանգստացած օրերի գումարը:
Համակարգի աշխատակիցների խոսքով՝ այս օրերին որևէ արձակուրդի դիմում համատարած չի ընդունվում, քանի որ խոսվում է, որ առաջիկայում կառավարությունը պետք է համապատասխան որոշում կայացնի կարգի վերացման հետ կապված:
«Դիմումը գրում ենք, որ գնանք արձակուրդ, չեն ընդունում, ասում են՝ շուտով վճարովի արձակուրդը հանելու են, կառավարության որոշմանն են սպասում, դրա համար էլ ոչ մեկը չի կարողանում արձակուրդ գնալ»,-«Ժամանակ»-ի հետ զրույցում դժգոհել է համակարգի աշխատակիցներից մեկը:
Հետևեք մեզ նաև Telegram-ում