Times.am | Նորից ադրբեջանական դիվերսիայի մասին
AM | RU
USD
EUR
RUB

Նորից ադրբեջանական դիվերսիայի մասին

 
 

ԼՂՀ Քարվաճառի շրջանի վարչական տարածքում ադրբեջանական դիվերսիոն-հետախուզական խմբի հայտնաբերման լուրը հայկական ինտերնետ հանրության շրջանում ունեցավ պայթած ռումբի ազդեցություն: Ցավոք սրտի, ոմանք ներքաղաքական ինչ-ինչ հաշվարկներից ելնելով կամ սեփական կարճամտության բերումով փորձեցին իրենց մեկնաբանություններով խեղաթյուրել իրականությունը՝ ձևավորելով կարծիք, որ ԼՂՀ ուժային կառույցների կողմից ձերբակալված քաղաքացիական հագուստով, սակայն հետախուզական ստորաբաժանումների սպառազինման մեջ գտնվող զենք ու հանդերձանք կրող արևայրված դեմքերով ադրբեջանցիները դիվերսանտ լինել չեն կարող, որովհետև՝ «նման չեն դիվերսանտի» և պետական սահմանների նկատմամբ թույլ վերահսկողության անհիմն մեղադրանքներ հասցեագրելով երկրի իշխանություններին:

Դիվերսիոն-հետախուզական խմբի հայտնաբերման և առաջին դիվերսանտի՝ Շահբազ Գուլիևի ձերբակալության և խմբի մյուս անդամի՝ Հասան Հասանով անվանյալ զինյալի ոչնչացման ու խմբի պարագլուխի՝ Դիլհամ Ասքերովի ձերբակալության միջև ընկած մի քանի օրվա ժամանակահատվածում հասարակությունը Քարվաճառում ընթացող հակադիվերսիոն գործողության մասին տեղեկանում էր ԼՂՀ ՊԲ ԼՔԲ պաշտոնական հաղորդագրություններից:

Ինչպես միշտ՝ առավելապես ակտիվ էր ինտերնետ հանրության ֆեյսբուքյան հատվածը: Նախնական շրջանում, թերևս, ստույգ տեղեկատվության բացակայության պատճառով մեկնաբանություններում գերակշռում էին տագնապի ու անհանգստության զգացողությունները, իսկ դիվերսանտների ձերբակալությունից և հայ գյուղացիներից գողացած հորթի մսից խորոված անելու հայտնի տեսանյութի համացանցում հայտնվելուց հետո ավելի ու ավելի բարձր սկսեցին հնչել ձերբակալված դիվերսանտների համար հնարավոր ամենից խիստ պատիժ պահանջողների ձայները:

Ադրբեջանական դիվերսիոն-հետախուզական խմբի հետ կապված իրադարձություններն, ըստ իս, հերթական անգամ ապացուցեցին, որ հայ հասարակության որոշակի մասի մոտ պարզապես կա հակառակորդի կերպարի ճիշտ ընկալման խնդիր: Ընդ որում ընկալման սխալի չափը հաճախ ուղիղ համեմատական է տվյալ մարդու բնակության վայրի՝ Ադրբեջանի հետ սահմանից հեռավորության չափին:

Յուրաքանչյուր մարդ ենթագիտակցորեն ուրիշից ակնկալում է մոտավորապես այնպիսի գործողություններ, ինչպիսիք նույն պայմաններում կկատարեր ինքը, մյուս կողմից հոլիվուդյան մարտաֆիլմերն ու թրիլերները ձևավորել են թե հետախույզ-դիվերսանտի, թե մարդասպան-ոճրագործի կերպարների կայուն կարծրատիպեր: Զարմանալի չէ, որ նայելով իրեն ձերբակալած հատուջոկատայինների ճնշումից Դիլհամ Ասքերովի ծամածռված դեմքին, ոմանք չեն ցանկանում հավատալ , թե ալեխառն մազերով այդ հասուն տղամարդը կարող է լինել վտանգավոր ահաբեկիչ, այնինչ այդ «անասնագողը» սառնասրտորեն սպանել է իր առևանգած և օրեր շարունակ իրենց խմբին ուղեկցել հարկադրված անչափահաս քարվաճառցի Սմբատ Ցականյանին:

Իմ խորին համոզմամբ առաջնահերթ է հասկանալ, որ հակառակորդի աշխարհընկալումը տրամագծորեն տարբերվում է մեր աշխարհընկալումից: Փորձելով հակառակորդի հետ հարաբերվել հիմնվելով մեր արժեքային համակարգի ու բարոյական չափանիշների վրա՝ մենք երբևէ չենք կարողանալու հասկանալ հակառակորդի գործողությունների շարժառիթները կամ առավել ևս կանխատեսել դրանք: Զինվորական համազգեստ կրող կամ եվրոպական թանկարժեք կոստյումով պճնված հերթական ադրբեջանցու արտաքինի ներքո չենք կարողանալու նշմարել Ռամիլ Սաֆարովի ծանոթ դիմագծերը: Ի դեպ, եվրոպական ամբիոններից ադրբեջանական «քաղաքակրթության» մասին ճամարտակող Իլհամ Ալիևից նրա դիվերսանտներն ավելի անկեղծ են:

Քարվաճառի անտառներում գողացած հորթի մսից խորոված անելիս նրանք հպարտ-հպարտ խոսում են այն մասին, որ գողությունը եղել է իրենց պապերի ու հայրերի արհեստը, որի նրբությունները ցանկանում են փոխանցել իրենց երիտասարդ ընկերոջը: Որևէ աշխարհագրական տեղանքի հետ պատմությամբ, մշակույթով, նախնիների գերեզմաններով կապված լինելու գենետիկ հիշողություն չունեցող քոչվորը զուրկ է նաև բարոյականության պատմությունից ու սովորությունից: Թալանել,բռնաբարել,սպանել և փախչել-յուրաքանչյուր քաղաքակիրթ միջավայրում ոչ միայն քրեորեն, այլև հասարակական բարոյականության տեսանկյունից խստիվ դատապարտելի այս ոճիրները միայն իր ցեղի առջև հաշվետու քոչվորի աչքերում իսկական տղամարդուն վայել սխրագործություններ են: Արցախյան պատերազմի փորձը, հայ-ադրբեջանական հակամարտության պատմությունը բազմիցս ապացուցել են, որ մեր հակառակորդը՝ անկախ կրթության, բարեկեցության կամ հասարակական դիրքի արտաքին ատրիբուտներից,չնչին բացառություններովշարունակում է մնալ իր պապերի՝ տափաստանային ելուզակների արժանի հետնորդը:

Սուրեն ՍԱՐՈՒՄՅԱՆ

Լրահոս
Ռոբերտ Քոչարյանն ազատ կարձակվի կալանքից Մհեր Մարգարյանը նշանակվել է ՄԱԿ-ում Հայաստանի մշտական ներկայացուցիչ Լևոն Տեր-Պետրոսյանն ու ՀԱԿ-ը պատրաստ են վկայություն տալ Մարտի 1-ի գործով. Արամ Մանուկյան Չավուշօղլու. «ԱՄՆ-ն պետք է իմանա, որ պատժամիջոցներոով և ճնշումներով Թուրքիայից չի կարող որևէ բան կորզել» Իրանի էներգետիկայի նախարարը հայտնել է ՀՀ տարածքով ՌԴ-ին էլեկտրաէներգիա մատակարարելու բանակցությունների մեկնարկի մասին Թուրքիայում շարունակվում է լիրայի արժեզրկումը. Էրդողանը կոչ է անում վաճառել դոլարներն ու եվրոները Վարչապետության 100 օր։ Ի՞նչ պատասխան տալ ժողովրդին Օդի ջերմաստիճանը կբարձրանա Նախիջևանյան ուղղությամբ ադրբեջանական սադրանքներին հայկական զինված ուժերը պատասխանել են կրակով «Լիդիան Արմենիա»-ի աշխատակիցները կառավարության շենքի դիմաց բողոքի ակցիա են կազմակերպել Քաղաքական պատրաստակամություն ենք հայտնել ԼՂ բանակցությունները կառուցողական հունով շարունակելու հարցում. Փաշինյան Անկարան դիմակայելու է ԱՄՆ-ի կողմից եկող սպառնալիքներին. Էրդողան Իրանի ուժայինները ոչնչացրել են 11 ահաբեկչի Հանրապետությունում օդի ջերմաստիճանն աստիճանաբար կբարձրանա 3-5 աստիճանով Կյանքից հեռացել է քանդակագործ Նիկոլայ Նիկողոսյանը Յուրի Խաչատուրովը մեղադրանքը չի մեկնաբանում ՀՀ-ի իմիջը չվնասելու համար, իսկ կալանքի որոշումը վիճարկում ենք. պաշտպան Քոչարյանի խափանման միջոցը փոխելու վերաքննիչ բողոքի քննությունն ավարտվեց, դատարանի որոշումը կհրապարակվի օգոստոսի 13-ին Վերաքննիչ դատարանում ավարտվեց Ռոբերտ Քոչարյանի կալանքի վերաբերյալ բողոքների քննությունը, որոշումը կհրապարակվի օգոստոսի 13-ին. փաստաբան Մտքի տեռոր է, մտահոգվելու, կարծիք, տեսակետ հայտնելու իրավունք չունե՞նք. Հրանտ Մարգարյան Դիանա Հովհաննիսյանը նշանակվել է Երևան քաղաքի առաջին ատյանի ընդհանուր իրավասության դատարանի դատավոր «Ժառանգություն»-ը կմասնակցի Երևանի ավագանու արտահերթ ընտրություններին Ներկրված թռչնամսում հայտնաբերվել են շեղումներ. որոշ խմբաքանակներ ճանաչվել են վտանգավոր և պիտանի չեն օգտագործման համար Վարչապետն անդրադարձել է Քոչարյանի գործով վերջին զարգացումներին և Լավրովի հայտարարությանը Համայնքներում կանաչ ենթակառուցվածքների ստեղծման ծրագիրը շարունակվում է Հնարավոր է նա ուժեղացնի «Փյունիկ»-ի կազմը, եթե ցանկանա. Անդրեյ Տալալաևը՝ Ալեքսանդր Կարապետյանի մասին Վերաքննիչ դատարանում շարունակվում է Ռոբերտ Քոչարյանի խափանման միջոցը փոխելու բողոքների քննությունը Վրաստանում ձյուն է տեղացել (տեսանյութ) Արա Գաբրիելյանն ազատվել է ՊԵԿ նախագահի տեղակալի պաշտոնից Օգոստոսի 11-ին ջերմաստիճանը կնվազի 3-5 աստիճանով, այնուհետև նույնքան կբարձրանա Արսեն Մանուկյանն ազատվել է քաղաքացիական ավիացիայի կոմիտեի գլխավոր քարտուղարի պաշտոնից Քննչական կոմիտեն հայտնում է Շիրակի պետական համալսարանի նախկին պրոռեկտորի նկատմամբ հետախուզում հայտարարելու մասին ՄԻՊ-ն աշխատանքային խումբ է գործուղել Շուռնուխ Մանվել Գրիգորյանի կյանքին վտանգ է սպառնում, խափանման միջոցը փոխելու համար դիմել ենք Վճռաբեկ դատարան. փաստաբան Ես այդ զենքի հետ որևէ առնչություն չունեմ. Հովիկ Աբրահամյանը պարզաբանում է Եթե մինչ արձակուրդիս ավարտը, ԱԺ-ն շրջանցելով՝ չկալանավորվեմ, ապա կհանդիպենք մամուլի ասուլիսում Լճաշենը նշեց իր վերաբնակեցման 190 ամյակը Լրագրողներն այսուհետև պաշտոնյաների հետ հարցազրույցներ չեն կարողանա իրականացնել նիստերի դահլիճին հարակից միջանցքում ՀՔԾ պետը չի բացառում, որ մարտի 1-ի գործով լինեն մինչ այժմ չդիտարկված այլ փաստաթղթեր ու վկայություններ Մարտի 1-ի գործով Հովիկ Աբրահամյանին և Սեյրան Օհանյանին մեղադրանք չի առաջադրվել․ ՀՔԾ պետ Գործադիրը սահմանեց զինվորական ծառայության ընթացքում զոհված զինծառայողի ընտանիքին դրամական աջակցություն տալու կարգը
Խմբագրի ընտրություն
website by Sargssyan