AM | RU
USD
EUR
RUB

Ծմակահողի ֆենոմենը

 
 

ԼՂՀ Մարտակերտի շրջանի Ծմակահող գյուղում առաջին անգամ եղել եմ այս տարի, հուլիս ամսին, «Արցախ Barcamp» ծրագրի ժամանակ: Այս տարի Արցախ Barcamp-ն անցկացվեց հենց Ծմակահողում' հաշվի առնելով գյուղի մի շարք հատկանիշներ:

Բացի վերը նշված միջուցառումը, ավելի վաղ, 2013 թ. հուլիսի 14-21 Ծմակահողում անց է կացվել «Բարդ ֆիզիկական եւ կենսաբանական համակարգերի մոդելավորման տեխնոլոգիաները» թեմայով ամառային գիտական դպրոց-սեմինարը: Վերջինիս կազմակերպիչներն էին Երեւանի պետական համալսարանը, Արցախի պետական համալսարանը, ԼՂՀ Մշակույթի եւ երիտասարդության նախարարությունը, Armsoft ընկերությունը եւ Ծմակահողի համայնքապետարանի աշխատակազմը: Բացի գիտական թեմաների ներկայացումն ու քննարկումը, ծրագրի մասնակիցները նաեւ հնարավորություն են ունեցել այցելել Արցախի մի շարք տեսարժան վայրեր, լինել Շուշիում, Գանձասարում, Կաչաղակաբերդում, Դադիվանքում:

Այս տարի, 2014 թ. հուլիսի 12-22 Ծմակահողում անց է կացվել պատանի բնագետների ամառային դպրոց: Այս դպրոցին մասնակցել են դպրոցականներ նաեւ գյուղի դպրոցից: Հիմնական դասավանդողները եղել են Instigate ընկերության աշխատակիցները, ԵՊՀ եւ ԱրՊՀ դասախոսներ, ինչպես նաեւ' մասնագիտացված դպրոցի աշխատակիցներ: Ծրագրի նպատակներից է եղել գյուղի աշակերտների համար տարատեսակ թրեյնինգների կազմակերպում նրանց հետագա մասնագիտական եւ համալսարանական ուսման մակարդակի բարձացման համար:

Եւ այս տարվա հուլիսի 24-28 Ծմակահողում անցկացվեց «Արցախ Barcamp»-ը: Համաձայնենք, որ մի փոքրիկ գյուղի համար բավականին հագեցած ու բովանդակալից միջոցառումներ են:

Այս միջոցառումները կազմակերպվել են Ծմակահողում' մեծապես հաշվի առնելով այն փաստը, որ գյուղը մեծանուն ակադեմիկոս Անդրանիկ Իոսիֆյանի ծննդավայրն է: Սակայն միայն այս փաստով, առանց տեղում անհրաժեշտ պայմանների նման լայնամասշտաբ միջոցառումներ կազմակերպելը չէր հաջողվի:

Կարծում եմ' գաղտնիքն այն է, որ այս գյուղում պատրաստ են հյուրեր ընդունել. դպրոցի բակը հարմար է քեմփինգի համար, դպրոցի բակում կառուցված է սանհանգույց, որն օգտագործվում է տարբեր ծրագրերի մասնակիցների կողմից:

Երբ գյուղում հյուրեր են լինում ու մնում են դպրոցում, մի քանի գյուղացիներ աշխատանք են ունենում' ապահովելով նրանց սնունդը: Բնականաբար, հյուրերը նաեւ օգտվում են տեղի խանութներից' այդկերպ եւս օգտակար լինելով գյուղին: Բացի տնտեսական օգուտը, տարբեր վայրերից եկած հյուրերն իրենց հետ բերում են շփումներ, գիտելիք, փորձի փոխանակում:

Ծմակահողի համայնքապետը երիտասարդ է, ակտիվ ու պատրաստակամ. հյուրերին հաճույքով է պատմում իր գյուղի մասին, ամեն հարցի համար սրտացավ է, ամեն խնդրից տեղյակ է, սիրով է ցույց տալիս իր գյուղն ու հավատով կիսվում է իր ապագա ծրագրերից: Իսկ ապագա ծրագրերը գյուղի զարգացմանն են ուղղված:

Այս գյուղում էլ շատ խնդիրներ կան, բայց նաեւ այդ խնդիրները լուծելու ծրագրեր կան ու աշխատանք է տարվում: Համայնքապետը գործուն մասնակցություն ունի Ծմակահողում միջոցառումների կազմակերպմանը, ավելին, առանց նրա ջանքերի թերեւս հնարավոր էլ չլիներ նման միջոցառումներ իրականացնել:

Ծմակահողցիները բարեհամբույր են, ու գյուղի հյուրը կարող է իրեն կատարելապես հանգիստ ու ապահով զգալ այստեղ:

Ծմակահողում զբոսնելիս մի դպրոցական աղջկա հանդիպեցինք, Նանեին: Երբ գյուղի եկեղեցու տեղը հարցրինք, առաջարկեց ուղեկցել, քանի որ, իր ասելով, շփոթվելը շատ հեշտ էր: Ու ճիշտ էր. առանց իրեն թերեւս կորցնեինք մեր ճանապարհը: Մեզ ուղեկցեց մինչեւ եկեղեցի, հետո էլ' նորից դեպի գյուղ: Խելացի ու բանիմաց աղջիկը պատմում էր գյուղից, եկեղեցուց, դպրոցից, իր ապագա պլաններից, ընտրած մասնագիտությունից ու հեռանկարներից էր խոսում: Վերջում, երբ շնորհակալություն հայտնեցի ուղեկցելու համար, ասաց. «Ինձ համար պատիվ է, որ մեր գյուղ հյուրեր են գալիս ու ցանկանում են մեր եկեղեցին այցելել»: Նանեի միջոցով ակամայից կարծիք կազմեցի դպրոցի աշակերտների մասին ու ինքս էլ հպարտություն ապրեցի, որ փոքրիկ Ծմակահող գյուղում այդպիսի բարձր գիտակցությամբ օժտված երեխա է մեծանում:

Նանեն մեծապես օգնեց, որ Ծմակահողն էլ ավելի շատ սիրեմ ու իսկապես ցանկանամ մի օր էլ վերադառնալ այնտեղ' հենց թեկուզ տեսնելու, թե այդ խելացի աղջնակը որքանով է իրականացրել իր ծրագրերը:

Ծմակահողը զբոսաշրջությունը զարգացնելու ու Արցախը սիրելու մի լոկալ օրինակ է, իմ կարծիքով' հաջողված օրինակ: Թերեւս ժամանակի ընթացքում այն կդառնա ամառային գիտական դպրոցներ անցկացնելու կայուն վայր, ու այդ դպրոցներն էլ միանշանակ իրենց ներդրումը կունենան համայնքի զարգացման համար: Եթե Արցախի յուրաքանչյուր համայնք իր հնարավորություններն ու առանձնահատկությունները հաշվի առնելով կարողանա հյուրերի համար գրավիչ ու հետաքրքիր կենտրոն դառնալ, արդյունքում ամբողջ Արցախը կզարգանա:

Ծմակահողի ֆենոմենն արժե հաշվի առնել:

Ծմակահող գյուղը գտնվում է Գանձասարից արեւելք' հինավուրց Վաճառական բնակավայրի ավերակների մոտ' Վաճառ գետի գեղատեսիլ կիրճի մուտքի մոտ' Խաչեն գետի ձախափնյա հովտում: Ծմակահող գյուղի շրջակայքը հարուստ է պատմական բացառիկ հուշարձաններով, որոնց թվում են Մամական, Սուրբ Ստեփանոս (13-րդ դար) եկեղեցիները եւ Կաչաղակաբերդ ամրոցը:

Թամարա Գրիգորյան

Լրահոս
Եվրասիական տնտեսական հանձնաժողովի խորհրդի նիստին քննարկվել է թվայնացման օրակարգը ԱԺ-ն մերժեց Ընտրական օրենսգրքի բարեփոխումների փաթեթը Բակո Սահակյանն այցելել է Արցախի Հանրապետության անհայտ կորած ազատամարտիկների հարազատների միության կենտրոնական գրասենյակ ՀՀ նախագահն ԱԺ կանոնակարգ-օրենքում փոփոխությունների վիճահարույց նախագծի վերաբերյալ հանդես կգա հայտարարությամբ Իգոր Պետրիշենկոյի համոզմամբ՝ ԵԱՏՄ-ն պետք է միջազգային վարկանիշային հարթակում նոր դիրքեր նվաճի Եվրոպական ներդրումային բանկի և ՀՀ ԿԲ միջև կնքվել է 50 միլիոն եվրոյի վարկային համաձայնագիր Լևոն Արոնյանը և Հրանտ Մելքումյանը հաղթանակներով են մեկնարկել Այլ օֆ Մեն մրցաշարում Հայաստանի Հանրապետական կուսակցության խմբակցության հայտարարությունը ԵԱՀԿ-ն կաջակցի Հայաստանին կոռուպցիոն հանցագործությունների քննության առավել արդյունավետ համակարգ ներդնելու հարցում Ասկեր Մամինը ներկայացրեց ԵԱՏՄ անդամ երկրների տնտեսության զարգացման համար կարևոր առաջնահերթությունները Թուրքիայում զինվորը պատանդ է վերցրել առևտրի կենտրոնի աշխատակիցներին Կառավարությունն անգամ գործող ԸՕ-ով ընտրությունների անցկացման դեպքում պատրաստ է ապահովել դրանց նկատմամբ մաքսիմալ վստահություն. Արտակ Զեյնալյան Ղրղզստանի փոխվարչապետը դրական է գնահատում Եվրասիական տնտեսական միությանն անդամակցության երեք տարիները Դավիթ Սաֆարյանը հաղթանակով մեկնարկեց աշխարհի առաջնությունում Թուրքիայում սաուդացի լրագրողին խեղդամահ են արել ԱԺ-ն չընդունեց ԸՕ երկրորդ ընթերցումն առաջինից հետո 72-ժամում անցկացնելու որոշումը Ռուսաստանի նախագահ Վլադիմիր Պուտինի հետ ձևավորվել է փոխվստահության մթնոլորտ Գեղարքունիքի վեց համայնքներում հայտնի են համայնքի ղեկավարի ընտրությունների արդյունքները Երևանում մեկնարկել է «Եվրասիական շաբաթ» միջազգային ֆորումը Հանրապետականը հստակեցրել է իր դիրքորոշումն Ընտրական օրենսգրքի նախագծի վերաբերյալ ՔՊ-ի առաջադրած թեկնածուները հաղթել են Էջմիածնի և Արմավիրի քաղաքապետի ընտրություններում ՕՐՎԱ ԽՈՐՀՈՒՐԴԸ: Հոկտեմբերի 22 Տարոն Մարգարյանի ընտանիքը Երևանում է Օսիպյանը սևանցիների հետ հանդիպմանը վստահեցրել է՝ հարուցված քրեական գործը կքննվի անաչառ ՀՀ վարչապետի պաշտոնակատարը և Լիբանանի խորհրդարանի նախագահը բարձր են գնահատել երկկողմ քաղաքական երկխոսությունը Յուրի Խաչատուրովին փոխարինելու գործընթացը կավարտվի հնարավորինս կարճ ժամկետներում. Շավարշ Քոչարյան Թրամփի և Կիմ Չեն Ինի երկրորդ հանդիպումը կարող է տեղի ունենալ 2019-ի սկզբին Սիրիայի Դեյր-էզ-Զորում կոալիցիայի ավիարվածներից զոհվել է ավելի քան 60 մարդ Պետք է տնտեսական կապերը համապատասխանեցնենք քաղաքական հարաբերությունների բարձր մակարդակին Անցնող շաբաթ հրադադարի ռեժիմը հակառակորդը խախտել է ավելի քան 80 անգամ ՄԱԿ-ի և ՅՈՒՆԵՍԿՕ-ի ղեկավարները դատապարտել են սաուդցի լրագրողի սպանությունը Թրամփ-Պուտին հանդիպումը կարող է կայանալ նոյեմբերին Նիկոլ Փաշինյանը ժամանել է Լիբանանի նախագահական պալատ հանդիպելու նախագահ Միշել Աունի հետ Маленький принц войны Երևան-Սևան ավտոճանապարհը բաց է, երթևեկությունը վերականգնվել է Բակո Սահակյանը շնորհավորել է Արամ Ա-ին Վիլնյուսի կենտրոնական կամուրջները լուսավորվել են Հայաստանի դրոշի գույներով Պղնձաձուլարանի հավանական փակման դեպքում շուրջ 630 մարդ կկորցնի աշխատանքը «Հրապարակ». Տարոն Մարգարյանը տեղափոխվել է Մոսկվա՞ «Հրապարակ». Արարատի մարզում նախկին իշխանության կողմնակիցները ճամբարափոխ են եղել
Խմբագրի ընտրություն
website by Sargssyan