Իրանը երաշխավորում Է, որ միջուկային զենք չի ստեղծի. Զարիֆ

Իրանի արտաքին գործերի նախարար Ջավադ Զարիֆը National Public Radio ռադիոկայանին տված հարցազրույցում հայտարարել Է, որ իր երկիրը պատրաստ Է մշակել այնպիսի մի մեխանիզմ, որը կարող Է երաշխավորել, որ Թեհրանը երբեք չի զբաղվի միջուկային զենքի ստեղծմամբ:

«Մենք չենք խոսում իրանական միջուկային ծրագրի կասեցման, այլ խոսում ենք դրա սահմանափակման մասին»,-ասել Է Զարիֆը: «Մեզ անհրաժեշտ Է մշակել այնպիսի մեխանիզմներ, որոնք կերաշխավորեն, որ Իրանը երբեք միջուկային զենք չի ստեղծի: Մենք պատրաստ ենք փորձարկել այդ մեխանիզմները: Եթե դուք ասում եք, որ Իրանը պետք Է դադարեցնի հարստացման իր ծրագիրը, ապա դա անելն անհնարին Է, որովհետեւ անկարելի Է դադարեցնել գիտությամբ զբաղվելը: Անկարելի Է դադարեցնել տեխնոլոիգաների մշակմամբ զբաղվելը: Մենք դա արդեն կարողանում ենք անել: Ուստի ամենաճիշտ մոտեցումը երաշ խավորելն Է, որ այդ տեխնոլոգիաները կօգտագործվեն թափանցիկ՝ խաղաղ ծրագիր իրականացնելու համար»,-հավելել Է Իրանի ԱԳ նախարարը:

Նա նաեւ հայտարարել է, որ Իրանը պատրաստ է «վեցյակի» հետ բանակցություններ վարել միջուկային հարցի շուրջ: «Մենք պատրաստ ենք քննարկել գործարքը: Կարծում ենք՝ դա հնարավոր է: Մենք հավատում ենք, որ եթե բոլոր կողմերը ցանկանում են գտնել հիմնախնդրի լուծումը, եթե բոլորը ցանկանում են հետեւել անցյալ տարվա նոյեմբերին ձեռք բերված պայմանավորվածություններին, ապա մենք կարող ենք համաձայնության հասնել»,- ասել է Զարիֆը բանակցությունների նախօրյակին:

Ավելի վաղ Եվրամիության դիվանագիտության ղեկավարի մամուլի քարտուղար Մայքլ Մանը հայտնել Է, որ Իրանի միջուկային ծրագրի շուրջ միջազգային միջնորդների «վեցյակի» (ՄԱԿ-ի Անվտանգության խորհրդի հինգ մշտական անդամները եւ Գերմանիան) եւ Իսլամական Հանրապետության միջեւ բանակցությունների նոր փուլը սեպտեմբերի 19-ին կսկսվի Նյու Յորքում, հաղորդել Է ՌԻԱ Նովոստին: