Բեռնար Շալանդը մասնակցել է ՖԻՖԱ/ՈՒԵՖԱ խորհրդաժողովին
18/09/2014 14:30
Նմանատիպ
Սեպտեմբերի 16-ից 17–ը Ռուսաստանի Սանկտ Պետերբուրգ քաղաքում տեղի է ունեցել ՖԻՖԱ/ՈՒԵՖԱ խորհրդաժողով՝ ՈՒԵՖԱ-ի անդամ բոլոր 54 երկրների հավաքականների գլխավոր մարզիչների և տեխնիկական տնօրենների մասնակցությամբ: Հայաստանը ներկայացնում էին Հայաստանի ազգային հավաքականի գլխավոր մարզիչ Բեռնար Շալանդը և ՀՖՖ Արտոնագրման բաժնի պետ Արթուր Ազարյանը, տեղեկանում ենք ՀՖՖ-ի պաշտոնական կայքից։
Խորհրդաժողովի 2 օրերի ընթացքում քննարկվել են ֆուտբոլային բազմաթիվ թեմաներ՝ տակտիկական նորույթներ, մրցավարություն, առողջապահական խնդիրներ:
Մասնակիցների թվում են եղել նաև այնպիսի հանրահայտ մարզիչներ, ինչպիսիք են Ֆաբիո Կապելլոն (Ռուսաստան), Ռոյ Հոջսոնը (Անգլիա), Վիսենտե Դել Բոսկեն (Իսպանիա), Դիդիե Դեշամը (Ֆրանսիա), Նիկո Կովաչը (Խորվաթիա):
Հետևեք մեզ նաև Telegram-ում