«Իրանը և ՌԴ-ն սերտ խորհրդակցություններ են անցկացնում՝ ընդհանուր սպառնալիքներին հակազդելու համար»․ Արաղչի

Իրանի ԱԳ նախարար Աբբաս Արաղչին՝ Մոսկվա կատարած այցի հետ կապված նշել է, որ Իրանը կշարունակի հարստացնել ուրանը խաղաղ նպատակներով՝ չնայած արտաքին ճնշմանը։

«Իրանը և ՌԴ-ն սերտ խորհրդակցություններ են անցկացնում՝ ընդհանուր սպառնալիքներին հակազդելու համար։ Թեհրանը գնահատում է Մոսկվայի դիրքորոշումը, որը խստորեն դատապարտել է ԱՄՆ-ի ագրեսիան Իրանի դեմ։ Իսրայելի և Միացյալ Նահանգների ագրեսիան Իրանի դեմ հղի է լուրջ հետևանքներով ոչ միայն Մերձավոր Արևելքի, այլև ամբողջ աշխարհի համար»,-ասել է Իրանի արտաքին գերատսչության ղեկավարը։

Արաղչին նաև շեշտել է, որ ԱՄՆ-ի հարձակումը Իրանի միջուկային օբյեկտների վրա հարված է հասցրել ամբողջ միջազգային անվտանգության համակարգին և կասկածի տակ է դնում Միջուկային զենքի չտարածման մասին պայմանագրի արդյունավետությունը։