«Անկարան չի աջակցում Իրանի նկատմամբ իրականացվող հարձակումներին»․ Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Անկարան  չի աջակցում Իրանի նկատմամբ իրականացվող հարձակումներին՝ անկախ այն հանգամանքից, թե ով է դրանց հեղինակը։

Այսօր Անկարայում տեղի ունեցած իր ելույթի ժամանակ նա նշել է․ «Մենք չենք ընդունում հարձակումները Իրանի ինքնիշխանության և մեր տարածաշրջանի անվտանգության դեմ՝ անկախ դրանք որտեղից են, և մենք հստակ արձագանքում ենք դրանց»։

Նրա խոսքով՝ Թուրքիան ակտիվ ջանքեր է գործադրում, որպեսզի՝ «Իսրայելի և նրա դաշնակիցների հարձակումները Իրանի դեմ չվերածվեն մեծ աղետի»։