Բաքուն քրգործ է հարուցել ՌԴ իրավապահների դեմ

Բաքուն քրգործ է հարուցել Ռուսաստանի իրավապահների դեմ՝ Ադրբեջանի քաղաքացիների և ադրբեջանական ծագում ունեցող անձանց նկատմամբ խոշտանգումների և առանձնահատուկ դաժանությամբ կանխամտածված սպանության փաստի առթիվ

Ադրբեջանական կողմը պնդում է, թե ռուս ուժայինները խոշտանգել ու կտտանքներ են կիրառել անցած շաբաթավերջին Եկատերինբուրգում տեղի ունեցած օպերատիվ-հետախուզական միջոցառումների ժամանակ, որոնց հետևանքով Ադրբեջանի երկու քաղաքացի էր զոհվել, մի քանիսը ձերբակալվել՝ ավելի վաղ կատարված հանցագործություններին մասնակցելու կասկածանքով։

Ըստ Բաքվի՝ ադրբեջանցիները մահացել են ծառայողական մեքենայում ստացած վնասվածքների հետևանքով։