Բաքուն շարունակում է Մոսկվային արգելել ՌԴ քաղաքացիներին, այդ թվում՝ Sputnik Ադրբեջանի լրագրողներին այցելելու հնարավորությունից. Զախարովա
02/07/2025 16:25
Նմանատիպ
ՌԴ ԱԳՆ խոսնակ Մարիա Զախարովան ամենշաբաթյա ճեպազրույցի ժամանակ հայտնել է, որ Ռուսական կողմը ՌԴ քաղաքացիներին այցելելու խնդրանք է ներկայացրել, սակայն այս պահին այդ հնարավորությունը չի տրամադրվել։ Դիվանագետը հիշեցրել է, որ գործակալության լրագրողները աշխատել են ոչ թե մեկ շաբաթ, ոչ թե մեկ ամիս, այլ տարիներ շարունակ՝ առանց որևէ բողոքի։
«Նրանց ոչինչ չի ներկայացվել՝ ո՛չ իրենց աշխատանքի ձևի, ո՛չ էլ նյութերի բովանդակության վերաբերյալ։ Տարօրինակ կլիներ նյութերի վերաբերյալ պահանջներ ներկայացնել, որովհետև սխալներ չեն եղել։ Նրանք լիարժեք աշխատել են, եղել և մնում են լրագրողներ, որոնք հետևում են մասնագիտական էթիկային և, իհարկե, ընդունող երկրի օրենքներին», – հավելել է Զախարովան։
Հետևեք մեզ նաև Telegram-ում