Հայաստանի հետ խաղաղության համաձայնագրի նախաստորագրումը Հարավային Կովկասը կվերածի խաղաղության տարածքի. Ալիև
Նմանատիպ
Ադրբեջանի նախագահ Իլհամ Ալիևը Թյուրքական պետությունների կազմակերպության պետությունների ղեկավարների խորհրդի 12-րդ գագաթնաժողովում իր ելույթում կրկին խոսել է «Զանգեզուրի միջանցքի» մասին՝ նշելով, թե իբր դրա բացումը Վաշինգտոնյան գագաթնաժողովի մեկ այլ կարևոր արդյունք էր։
««Զանգեզուրի միջանցքը» մեծ նշանակություն ունի որպես նոր տրանսպորտային զարկերակ և երկրորդ երթուղի՝ թե՛ Միջին միջանցքի, թե՛ Հյուսիս-Հարավ միջանցքի շրջանակներում», – ընդգծել է նա։
Ալիևը նաև հայտարարել է, որ երկու ամիս առաջ Վաշինգտոնի Սպիտակ տանը Ադրբեջանի և Հայաստանի միջև խաղաղության համաձայնագրի նախաստորագրումը Հարավային Կովկասը կվերածի խաղաղության տարածքի։
Ալիևն ընդգծել է, որ Վաշինգտոնի գագաթնաժողովի ժամանակ ԵԱՀԿ Մինսկի խմբի և դրան կից կառույցների փակման վերաբերյալ համատեղ կոչին համաձայն՝ անցյալի հակամարտության այս մնացորդները նույնպես վերացվել են ԵԱՀԿ սեպտեմբերի 1-ի որոշմամբ։
Հետևեք մեզ նաև Telegram-ում